الموضوع: رينو فلوينس 2012

بص يا باشا الفلوانس عربية محترمة، والموديلات قبل الفيس ليفت كان فيها شوية حاجات عبيطة في الفينيش زي مساحات الإزاز اللي بتبوظ بسرعة وزي الدريكسيون اللي كان بيقشر بسرعة برضه... دي كانت حاجات شبه متكررة من ملاكها ولو راجعت المشاركات الخاصة بيها في 2011 و2012 مثلا هتلاقي اللي بقولك عليه... طبعا حضرتك كشفت على العربية وبتقول ان تقريرها مرضي جدا فخلاص لا داعي للقلق... وزي ما الزملاء قالوا انها عربية مش بتاعت شد وغرز وكده وتكييفها اقل من الياباني ويمكن الكوري كمان، بس زيه زي اغلب الأوروبي عموما مش قصة كبيرة يعني...
- المهم بقى هي اي فئة بالظبط؟؟ لأن ساعات تلاقي واحد بيقول على عربيته هايلاين لمجرد ان فيها جنوط او ملتي فنكشن!! انا لما كنت هشتريها في 2012 كانت الفئات كالتالي: مانيوال بـ122، اوتو بيزك بـ132، ثم الفئة اللي كنت ناوي عليها وكانت بـ142، ثم فئة بـ150... وكان فيه فئة نزلت فترة وبطلوا ينزلوها بعدين وكانت بـ167 وكانت رائعة فيها فرش جلد وتقريبا 6 إيرباج وحساسات ركن الخ الخ...
فشوف هي انهي فئة في دول وتنزل حوالي 20% من تمنها... ومتنساش ان العربية فيه شكل جديد عليها (من عيوب الأوروبي في رأيي المتواضع انه بيغير شكله كل 3سنين بالكتير فبيوقع سعر حاجة حديثة جدا زي كده من 2012)...
والله أعلم!!

المشاركة الأصلية كتبت بواسطة raedegypt

والله لو اخذت اكسنت ار بى افضل لك من الحكى الفاضى دة كله . يارجال بلا رينو بلا اشتغالات .. بالله عليك لو حدث اى شيىء لاقدر الله وانت تعرف مصر وشوارعها ومرورها وين تروح بالرينو هذى . على الاقل الهيونداى لو عايز عربيه مقطعه تفكك منها ها تلاقى جنب الميكانيكى ال بيصلح .. والرينو دة لعلمك كورى ماهى اروبى حتى لو تركى

يا راجل يا طيب... أكسنت ايه بس؟؟؟ طيب لو كنت قلت إلنترا كانت مقبولة جدا انها تنافس الفلوانس، انما أكسنت؟؟
وبعدين لو لا قدر الله حصل حاجة في الفلوانس هيبقى زيها زي غيرها وهتلاقي اللي يصلحها لأنها مش نادرة ولا معقدة كالسوبارو مثلا... انما بقى الأكسنت لو سليمة 100% ممكن جدا تتقلب وهي ماشية على 120... فالأمور متتحسبش بالطريقة دي، وإلا يبقى الصح فعلا ان الواحد ميشتريش عربيات من أساسه خوفا من انها احتمال تعطل!!!

المشاركة الأصلية كتبت بواسطة raedegypt

والله لو اخذت اكسنت ار بى افضل لك من الحكى الفاضى دة كله . يارجال بلا رينو بلا اشتغالات .. بالله عليك لو حدث اى شيىء لاقدر الله وانت تعرف مصر وشوارعها ومرورها وين تروح بالرينو هذى . على الاقل الهيونداى لو عايز عربيه مقطعه تفكك منها ها تلاقى جنب الميكانيكى ال بيصلح .. والرينو دة لعلمك كورى ماهى اروبى حتى لو تركى

الأخ الغالي أولا شكرا علي ردك الكريم وأنا في الأساس أمتلك سيارة هيونداي أفانتي 2005 بالفعل والسيارة بسم الله ما شاء الله زي الفل وأصيله جدا في كل شئ وعندما فكرت في أقتناء سيارة أحدث كان كل أهتمامي علي رفاهية السيارة بالمقارنه بالسعر وأنا طبيب بشري وحركتي قليله جدا وبالتالي السيارة ستكون حركتها أيضا قليله جدا ولقد وجدت كل ما أحتاجه في الرينو فلوينس من ماركة محترمه وكماليات فوق الوصف وتوكيل محترم جدا وأنا في الأساس في أعطال السيارات ماشي بمبدأ أعطي العيش لخبازه ولو أكل نصفه بمعني تعاملاتي دائما مع توكيل السيارة أيا كانت التكلفه وشكرا لك علي النصيحة وكلها وجهات نظر لا تفسد للود قضية