سيراتو ٢٠١٤ وكيل ام خليجى

**aelsayed74** · 30-01-2014 10:55 AM

المشاركة الأصلية كتبت بواسطة dr.saad

السلام عليكم ... انا بفضل انك تجيب الخليجي و على فكره انا مش بافتنع ان في فرق في التكيف و اللون و كدا ديما بحس انو نفس العربيه فروق بسيطه اوي في التكيف تكاد لاتكون ملحوظه ... بس الحلو في الخليجي انو امكانيات اكتر و سعر اقل من التوكيل و الفرق بيوصل لي١٥٠٠٠ واكتر فعشان كده ارشح الخليجي و لو حضرتك متخوف عشان الضمان ممكنتروح تعمل تصالح و تدفع حوالي ١٥٠٠ في السنه

السلام عليكم يا دكتور
شكرا على الرد بس ممكن توضحلى التصالح يبقى مع الوكيل وان شاء الله انا هاسال على الخليجى فى سمير ريان زى ماقللى الاستاذ المحترم أحمد عبد الغنى وهابلغكم بالنتيجة وجزاكم الله كل خير.

**Dr.saad** · 30-01-2014 07:11 PM

التصالح بيكون انك بتروح التوكيل اول ماتجيب العربيه و بيكشفو عليها وبعدين بيخيرك ما بين انك تشتري الضمان لمده اقلها سنه و بتكون بحوالي ١٥٠٠ جنيه و اقصها٤ سنين تقريبا و بيكون سعر ال٤ سنوات ضمان ٦٠٠٠ جنيه و بعد ما تحدد الالمده و تدفع بتكون العربيه لبها ضمان على عيوب التصنيع كانك شاريها من التوكيل بالضبط ... و غير التوكيل في مركز اسمو aaa بردو بيعمل نفس القصه و الميزه فيه انو بيكون اسرع من التوكيل في وقت التصليح و الصيانه ... فا اناانصح حضرتك انك تشتري ضمان لمده سنه واحده من التوكيل لان اغلب عيوب التصنيع بتبان اول سنه او اول ٢٠،٠٠٠ كيلو و ده نصحتي لحضرتك

**شادى عبدالمنعم** · 30-01-2014 07:44 PM

مادام الفئتين زى بعض يبقى خليك فى الوكيل احسن عشان الضمان

**aelsayed74** · 31-01-2014 12:48 AM

المشاركة الأصلية كتبت بواسطة dr.saad

التصالح بيكون انك بتروح التوكيل اول ماتجيب العربيه و بيكشفو عليها وبعدين بيخيرك ما بين انك تشتري الضمان لمده اقلها سنه و بتكون بحوالي ١٥٠٠ جنيه و اقصها٤ سنين تقريبا و بيكون سعر ال٤ سنوات ضمان ٦٠٠٠ جنيه و بعد ما تحدد الالمده و تدفع بتكون العربيه لبها ضمان على عيوب التصنيع كانك شاريها من التوكيل بالضبط ... و غير التوكيل في مركز اسمو aaa بردو بيعمل نفس القصه و الميزه فيه انو بيكون اسرع من التوكيل في وقت التصليح و الصيانه ... فا اناانصح حضرتك انك تشتري ضمان لمده سنه واحده من التوكيل لان اغلب عيوب التصنيع بتبان اول سنه او اول ٢٠،٠٠٠ كيلو و ده نصحتي لحضرتك

شكرا على التوضيح يا دكتور

**aelsayed74** · 31-01-2014 01:48 AM

المشاركة الأصلية كتبت بواسطة shady_sh.t

مادام الفئتين زى بعض يبقى خليك فى الوكيل احسن عشان الضمان

رايك يحترم بس الفرق ١٢٠٠٠ وممكن اعمل ضمان مع الوكيل زى ما وضح د. سعد

**aelsayed74** · 07-02-2014 06:03 PM

المشاركة الأصلية كتبت بواسطة احمد عبد الغني

اللهم امين يا رب مستني رد حضرتك

السلام عليكم ا / احمد
انا كلمت ا/ محمد عوض فى التليفون بس قاللى مايقدرش يقول اسعار او مواصفات الا لما اروح وانا النهاردة كنت هناك وسالت لقيت الاسعار ١٤١٠٠٠ للفئة جنط ١٥ سبور مع abs و١٤٦٠٠٠ للفئة جنط ١٦ وبلوتوث ومالتى فانكشن وايرباج ومفتاح ريموت وبدون abs والصراحة محتار لانى ابتديت افكر فى الوكيل لنفس الفئة ex وسعرها ١٥٢٠٠٠ بس بدون مفتاح ريموت! أو استنى معرض اوتوماك بيقولوا فيه خصومات كتير والله المستعان

**ayam7** · 07-02-2014 06:20 PM

خد بالك ان معظم الخليجى مفيهوش إيمبوليزر ( مانع إدارة المحرك ) لكن كل فئات الوكيل الامبلويزر أساسى فيها
وعشان تتأكد لما تتفرج على العربية وتحط المفتاح فى الكونتاك مع اول فتحة كونتاك لو فيها إيمبلويزر بيظهر علامة عربية جنبها مفتاح لونها أصفر فى التابلوة لو مظهرتش يبقى مفيهاش