مواصفات واسعار فئات مرسيدس A لسنة 2014 + صور مأخوذة للفئة الـUrban

**برنس الليالي** · 02-02-2014 05:22 AM

المشاركة الأصلية كتبت بواسطة mohamed haggag

ياجدعان .. هي تفرق اية عن b class ولية تمنها اكتر من الb مش المفروض هي فئة اقل منها ....

المفروض تبقى اقل منها فعلاً بس الـA كشكل افضل وفيها ميزة حلوة اوي مش موجودة في الـB وهي الـPark Assist خاصية الركن التلقائي بس ادي طبيعي السوق المصري العسلية بتاعنا

**Eng.Sameh** · 02-02-2014 05:53 AM

المشاركة الأصلية كتبت بواسطة برنس الليالي

يعني ايه بعد نزولها الـcla ؟؟ هو في فرق يا حج غير ان دي هاتشباك ودي سيدان ؟ دا في واحد طوله 182 سم دخل الكنبة اللي ورا الباب كان حيحشرو

انا افضل الهاتشباك لإنها اوسع واوفر في استهلاك البنزين بحوالي 2 لتر
:copy of m-s5:

يا برنس الليالي والنهار :) أنا مش بقول رأي الشخصي ، قد ما انا بعبر عن رؤية السوق في مصر .. لعلمك أنا كمان بحب الهاتشباك عن السيدان .. ومن حوالي سنة كده قبل ما ال a200 تنزل اصلا وشوفت صور وفيديوهات ليها ، كانت عيني هتطلع عليها ، وكلمت التوكيل ساعتها عشان اعرف هتنزل امتى ، ولحد دلوقتي عجباني جدا جدا جدا .. بس تعمل ايه في النفس البشرية الرخمة :) .. تيجي تفكر فيها تقول طب ينفع الواحد يجيبها ويسيب ال bmw 316 .. بلاش .. تيجي تقول لحد ايه رأيك اجيبها ، يقولك انت بتهزر ، تسيب ال cla وتروح تجيب عربية هاتشباك ب ٣٤٠ ألف ...

من الاخر .. رخامة السوق المصري الغتيت ، مخلية الواحد مش مرتاح في قرار :(

**برنس الليالي** · 02-02-2014 05:59 AM

المشاركة الأصلية كتبت بواسطة Eng.Sameh

يا برنس الليالي والنهار :) أنا مش بقول رأي الشخصي ، قد ما انا بعبر عن رؤية السوق في مصر .. لعلمك أنا كمان بحب الهاتشباك عن السيدان .. ومن حوالي سنة كده قبل ما ال a200 تنزل اصلا وشوفت صور وفيديوهات ليها ، كانت عيني هتطلع عليها ، وكلمت التوكيل ساعتها عشان اعرف هتنزل امتى ، ولحد دلوقتي عجباني جدا جدا جدا .. بس تعمل ايه في النفس البشرية الرخمة :) .. تيجي تفكر فيها تقول طب ينفع الواحد يجيبها ويسيب ال bmw 316 .. بلاش .. تيجي تقول لحد ايه رأيك اجيبها ، يقولك انت بتهزر ، تسيب ال cla وتروح تجيب عربية هاتشباك ب ٣٤٠ ألف ...

من الاخر .. رخامة السوق المصري الغتيت ، مخلية الواحد مش مرتاح في قرار :(

عندك حق اكتر الناس بتستحقر الهاتشباك جداً وإلا كانت العربيات الميني كوبر ملت مصر ... هي الـa200 amg تتفوق على الـ316 في الاوبشنز فقط وكذلك الفولفو s60

بس فعلاً الـ316 هي اللي تلاقيها برزة اوي في الفئة وعربية مغرية على الطريق بطريقة تودي العنبوقة :)) انت ممكن تجيبها لون ابيض سبورت لاين وتظبط السقف بتاعها اسود مع جنط حتلاقيها ولا في الخيال وعيش دفع خلفي يا برنس وشد وملفات وفي النهاية حتعرف تبيع بقلب من حديد

**د.محمود صلاح** · 02-02-2014 07:33 AM

تقرير ممتاز تسلم ايدك ...

بس يتخاف منها في مصر المحروسة من الحرامية والتوكتوكات والموتيسيكلات والمطبات والميكروباصات واهم حاجة من الحسد والعين

**S O P H O S** · 06-02-2014 04:14 PM

ما شاء الله
جميلة

**dossod** · 06-02-2014 10:36 PM

ابداعات في موضعك لمواصفات واسعار مرسيدس 2014 فئات A
مشكورررررر

**zegna** · 16-02-2014 12:04 AM

[
بالنسبة لرأيي في العربية انا بحثت عن الفئة الـUrban وتعمدت اني ارفع صور ليها هي بالذات لإني شايف انها الفئة المعقولة جداً

يعني اكيد واحد بيقول الاحسن اني ازود 4 الاف واجيب الفئة الـAMG احسن بس احب اقوله ان الـAMG مافيهاش بانوراما وجنط الـUrban اجمل كتير

ازاي يا حودة الكلام دة معاك ان البانورما حلوة وكل حاجة بس مينفعش تقارن جنط amg بجنط عادي ال amg بيبقي ضعف التمن علطول وطبعا شكل تاني هما الفئتين يحيرو فعلا للي عاوز يختار ياخود بانورما ولا جنط amg 18 وبودي كيت amg مع انة مش فارق اوي عن الكيت الموجود في ال urabn وانا معاك ان العربية تزغلل عين الواحد خاصة اننا قريت علي القايم انها صناعة اللماني عكس ال cla اللي مكتوب مجري وفوق دة كلة هتوفر يجي 50 الف بينها وبين ال cla

**Waleed hatem** · 16-02-2014 10:31 AM

المشاركة الأصلية كتبت بواسطة برنس الليالي

المفروض تبقى اقل منها فعلاً بس الـA كشكل افضل وفيها ميزة حلوة اوي مش موجودة في الـB وهي الـPark Assist خاصية الركن التلقائي بس ادي طبيعي السوق المصري العسلية بتاعنا

بس ال b class فيها park assist من تانى فئة

**Z100100** · 19-05-2014 01:20 AM

العربيه دي تحفه عجباني جداً و فخمه اوي من جوه
عايزه اشتري a200 amg sport دي الفئه قبل الاخيره بس مقاس الكاوتش اللي هو 225/40 مش عارفه هو مناسب لشوارعنا و النقر اللي فيها و لا هيبوظ
و كمان انا كنت متردده بينها و بين bmw 316 i sport
يا تري مين افضل؟
و علي فكره الاسعار اتغيرت urban و amg sport نفس السعر و هو ٣٤٨،٠٠٠