رينج و لكن .. !

**0o_Magic_o0** · 29-01-2014 06:50 PM

انا نفذت كل خطوات عمل الرينج ..
شكلت الرينج على فانوس بومه و قطعت فيه بمنشار اركت يدوي ( معاناه )
و خرمت الطرفين بالشنيور و حطيت عاكس من الخلف و كمان المكرونه السودا على اطراف الرينج
و المنوكير و الليدات و المقاومات و كانت دي النتيجه :

يا ريت يا جماعه تفيدوني علشان أنا نفذت كل حاجه و واقف على اهم حاجه النتيجه :/

و شفت رينجات كتير شكلها كويس و النور متوزع فيها كلها من غير حته ضعيفه و حته قوية

ارجو محدش يبخل عليا بالحل و شكرا :)

**FAR!D** · 02-02-2014 02:45 AM

بص انا حفكر معاك ومعنديش خبره الحقيقه: هما 3 حجات
1- خامه رديئه للاكريلك (مش مرجح النقطه ديه )
2-انا كترت اوي من تقطيعه بالاركيت و القطع نفسه عميق و خليت الضوء يضيع و يتشتت جوا فواصل الاكريلك ( انا مرجح ديه اوي )
3- اضاءه الليدات ضعيفه ( مش مرجحها لان لو زودت الاضاءه حيبقى جامد من الاطراف و الضوء اكثف شويه من المنتصف عن دلوقت بس برضوا حتلاقيه الاضاءه اخف )

**FAR!D** · 04-02-2014 11:52 AM

المشاركة الأصلية كتبت بواسطة 0o_magic_o0

أولا ألف شكر لحضرتك على اهتمامك
فعلا أنا برجح رقم 2 .. بنسبه كبيره عندك حق لأنى دخلت بعمق شوية ..
لما راجعت الفديو لاحظت انه يدوب كان بيحف فى الاكريليك فقط مش بيعمل عمق .. بس أنا وضعت عاكس
هل الضوء هيتطرد بالكم ده كله ؟! .. ع العموم ان شاء الله هعيد الشغل و اعمل نفس الخطوات مع تعديل موضوع العمق ده
و يا رب يكون هو ده السبب

أشكرك مره تانيه لأنك هتشجعني أعمله :)

معاك بقلوبنا يا بومبو