الموضوع: برجاء المساعدة : تسريب زيت فى شيفروليه افيو اتوماتيك

لسلام عليكم

انا معايا شيفروليه افيو اتوماتيك 2009

النهاردة و انا واقف فى الاشارة لاحظت ان لمبة الزيت نورت شوية و اول ما مشيت طفت

و لانى كنت جبت 10000 كم على الزيت الموجود فقولت ممكن يكون محتاج يتغير و طلعت اغير الزيت و الفلتر

و احنا بنرفع العربية على الكوريك فى البنزينة لاحظت ان الجانب اليمين من تحت محتاس زيت و الزيت مغرق المقص اليمين و من فوقه و فضلت ادور على مصدر الزيت معرفتش

المهم حطيت الزيت و الفلتر و مشيت و بعد شويه قصيره لاحظت بردة ان لمبه الزيت بتنور و تطفى

1- هيه لمبة الزيت فى الافيو لزيت الموتور بس و لا برضو لزيت الفتيس لانى شاكك فى زيت الفتيس ( بس الفتيس الاوتوماتيك فى الافيو موجود فى شمال العربيه ) - هل فيه خراطيم زيت للفتيس فى الجانب الايمن

2- ايه الى ممكن يضرب فى الجانب الايمن من اسفل الموتور من الافيو يخلى فى تسريب زيت ( ساعه الزيت و لا جوان و لا ايه........?

لو حد مر بالتجربه المهببه دى يقولى احسن انا حتجنن و بكره حطلع على التوكيل و اشوف

مشكله لمبه الزيت عاده بتبقي من حساس الزيت ممكن يكون بايظ - اما تسريب الزيت فاغلب الظن هيكون من اويل سيل - لازم تغسل الموتور وبعدين خدلك مشوار وشيك علي الجزء اللي يبهرب زيت
بالتوفيق