هل فعلا رجال مصر يستحقون هذا من نسائهم

شيء ضايقني امبارح وحبيت اتكلم عنه واعرف إيه السبب ودا مش تعميم

كنت إمبارح مع زوجي خارجين نجيب ملابس لبنتي وكنا في العربية والمغرب أذن فقلتله جنبنا حديقة هنزل العب البنت فيها مخنوقة من الشقة
قالي طيب ماتتطلعيش برا السور لأي سبب لحد ماخلص وأجي أخدكم وقلتله ماشي
كانت بس نساء وأطفال تقريبا
المهم رحت ألعب بنتي وكان فيه أمهات بتلعب ولادها برضو
أفتكرتهم مصريين وكنت مبسوطة جدا اني شايفة مصريين
فلما نادوني عشان اقف معاهم لقيتهم سوريين 3 سوريات و2 مصريات
أنا جوزي مش بيحب السوريين ودا طبع في السعوديين عموما ومعرفش السبب وللاسف مش بيفرقوا بين الأجانب عموما فبتالي العنصرية بتبقى اشد لو فاكرينه شامي << انا معرفش الأسباب

المهم

أعدت معاهم وكانوا بيتكلموا في موضوع لاداعي لذكره وللأسف المصريات كلامهم كان جريء جدا وبيتكلموا عن ازواجهم بشكل صعب
وحتى السوريات بس بصراحة مكنش أبدا بالصورة اللي بيتكلموا بيها المصريات
أنا كنت تقريبا مش بتكلم ولا دخلت معاهم في الموضوع << لفارق السن والخبرة ! Lol

المهم أنا عرفت أن المصريات لسه متعرفين على بعض زينا كلنا
يعني الإتحاد في الأفكار والجراءة مكنتش لأسباب معرفة مسبقة بينهم

فدا خلاني أكون نظرة تانية خالص عن المصريات وبصراحة أنا عارفة إن دا لاينطبق على كل المصريات فئة يمكن لإن مش ممكن تقيس على شخصين وتعمم على الشعب

لكن حتى المنتديات النسائية سواء مصرية أو خليجية هتلاقوا نبرة الحديث عن الرجال وحدة تقريبا

إيه الأسباب ليه بيتكلموا بالشكل دا

هل هم فعلا رجال مصر يستحقون هذا من نسائهم ؟

مع إختلافي الكامل مع الطريقة لكن أكيد دي مجرد ردود أفعال وليست أفعال

وعايزة اعرف حاجة
هل الغربة ليها تمن مكلف بدفعه الزوج لزوجته ؟
مش هم الإتنين مع بعض في الغربة ؟
ليه مطلوب منه يتقاسم دخله مع زوجته ؟
هل دا من الحقوق ؟
لإني بصراحة حسيت إني هبلة جدا وابتديت افكر في الموضوع

أنا حاجاوب حضرتك بالنسبة لتقاسم الزوج مع زوجته فى الدخل ... ومعذرة فأنا صريح وضميرى يحتم عليا إنى أرد بصراحة :
عيب وماينفعش ومستحيل ولايمكن فى يوم من الأيام آخد أو أقتسم من مرتب زوجتى . هذا ليس من حقى أبدا .
أما بالنسبة للغربة فلى فيها رأى :
أنا لا أغترب إلا إذا كنت غير متزوج من أساسه لأسباب عديدة بعضها يرجع إلى إستحالة ترك الزوجة والأولاد بمفردهم (كل الأسباب معروفة فى هذا الصدد لمن كان له منطق وعقل) ، وبرضه باحس إن الغربة بتغير فى سيكلوجية الإنسان إلى الأسوأ وفلوسها بتبقى منظورة وقصصها كتيييييييير .
وعلى أية حال أنا أرى إن الغربة لا تتناسب مع كل أنماط الشخصيات الإنسانية .

الرجاء توضيح ايه الموضوع الى بيتكلمو فيه مع الاحتفاظ بالحياء وتوضيح اكثر للاسئلة للرد

اقتباس:

---

المشاركة الأصلية كتبت بواسطة mesaharaty

أنا حاجاوب حضرتك بالنسبة لتقاسم الزوج مع زوجته فى الدخل ... ومعذرة فأنا صريح وضميرى يحتم عليا إنى أرد بصراحة :
عيب وماينفعش ومستحيل ولايمكن فى يوم من الأيام آخد أو أقتسم من مرتب زوجتى . هذا ليس من حقى أبدا .
أما بالنسبة للغربة فلى فيها رأى :
أنا لا أغترب إلا إذا كنت غير متزوج من أساسه لأسباب عديدة بعضها يرجع إلى إستحالة ترك الزوجة والأولاد بمفردهم (كل الأسباب معروفة فى هذا الصدد لمن كان له منطق وعقل) ، وبرضه باحس إن الغربة بتغير فى سيكلوجية الإنسان إلى الأسوأ وفلوسها بتبقى منظورة وقصصها كتيييييييير .
وعلى أية حال أنا أرى إن الغربة لا تتناسب مع كل أنماط الشخصيات الإنسانية .

---

هم الاتثنين في الغربة بس الزوجات بيتقاسموا دخل ازواجهم و كمان ممتلكاتهم
يعني بيكتبولهم شقة مثلا << فقط لأنها تغربت معه مش لأي سبب آخر
عموما موضوع الشقة ضروري في بعض الحالات كحالتي << لكن انا مكنتش فاكرة إن الحبسة والوحدة والغربة دي مش شيء طبيعي
ومكنتش واخدة الموضوع بجدية اصلا بس بعد كلامهم لقيت اني ساكتة عن كل حقوقي وفكارة دا العادي !! لقيته مش العادي خالص ومفيش حد بيعيش كدا لله بس !
بصراحة طريقتهم مش متقبلاها خالص بس كمان ربما دا شيء من الحقوق

اقتباس:

---

المشاركة الأصلية كتبت بواسطة محمود السيد

الرجاء توضيح ايه الموضوع الى بيتكلمو فيه مع الاحتفاظ بالحياء وتوضيح اكثر للاسئلة للرد

---

مش كتابة الموضوع عشان اقول القضية اللي كانت محور حديثهم مش دا المهم
لكن الفكرة إن كل تصرفات المصريات اللي بقرأ عنها هنا ليها أسباب ودوافع قوية كمان
الحلقة المفقودة عندي هي "الأسباب"
ليه دايما اقرأ سخط عن المصريات هنا وفي أي موضوع يتكلم عن السيدات
وكمان سخط شديد من الطرف التاني

بصراحة لازم قبل مانحكم على أي موضوع نسمع الطرفين وإحنا نخرج بمفوم متكامل

شخصية المرأة المصرية مختلفة جدا جدا عن باقي شخصيات النساء
مطالبها و طموحاتها أكبر وشخصياتها أقوى
ويمكن كمان ند منافس للرجل
ليه مفيش تعامل مع الواقع دا من الطرف الآخر ؟

1- ثقافة عامة
2- انحطاط عام في اخلاق الاغلب بغض النظر عن النوع

اقتباس:

---

المشاركة الأصلية كتبت بواسطة تامر.محمد

1- ثقافة عامة
2- انحطاط عام في اخلاق الاغلب بغض النظر عن النوع

---

بصراحة مش هينفع كمان أتكلم في أخلاقهم لإني مقدرتش أتناقش في دا أدامهم فمش هينفع أتكلم من وراهم فيه
ولكن كمان مفيش حد من المستمعين إعترض بل كان فيه نقاش وضحك والموضوع عادي
أنا بس اللي كنت مصدومة
وعلى فكرة صدمتي يمكن لأني اول مرة أعد مع نساء

لكن هل هي كل النقاشات كدا لدرجة إنه مكان عام و اول مرة يعرفوا بعض ويتكلموا كدا عادي !!

المهم أنا لما ركبت العربية لقيت جوزي بيسألني مين دول قلتله نادوني وروحت أعدت
قالي قالولك إيه قلتله هم كانوا بيدردشوا أنا متكلمتش
قالي دول مصريين ولا سوريين ؟ قلتله مصريين وسوريين
قالي أنا مش بحب السوريين وإنتي عارفة دا
قلتله على فكرة ليه كنت هسألك قالي أخلاقهم وحشة وكلامهم سم
قلتله إشمعنى يعني طيب والمصريين ؟! قالي لا محترمين بصراحة
والله مسكت نفسي لموت من الضحك يقولي إيه الحكاية واضطر احكي هههههههه

فعلاً هي ثقافة مجتمع للأسف وفيها من السلبيات أكثر من الأيجابيات وصحيح المرأة المصرية تختلف عن غيرها ولكن صوابعك مش زي بعضها في الكويس وفي الوحش ولكن للأسف الوحش دلوقتي بقى أكتر ....

نصيحة عالهامش كدة .. لو طلبتي من جوزك شقة وفلوس علشان أنتي متغربة عن بلدك هتبقي بدأتي في سكة ملهاش لازمة ونهايتها وحشة لأن أولاً دي بلده فهو مش متغرب أصلاً وثانياً هو بيعتبر بشكل أو بآخر أنه أنتشلك من البلد الفقيرة الوحشة اللي أسمها مصر وجابك في الجنة عنده فبالتالي دي في حد ذاتها نعمة لازم تشكريه عليها مش تطالبيه بتعويض عنها .

بعدين رداً على سؤالك رجالة مصر دول أبطال وكفاية أن كل شاب دلوقتي بيبقى مطلوب منه يشتغل وينحت في الصخر يمكن الصخر حالة أحسن من حال مصر وظروف الشغل الصعبة اللي فيها من مرتبات متدنية ومعاملة سيئة من أصحاب الشغل وكل ده علشان يجيب شبكة ومهر وشقة وعفش ويفتح بيت لو في بنت واحدة حطت في دماغها بس تحوش حق شبكة متوسطة في حدود 10 ألاف جنيه هتقعد تحوش فيهم كام سنة ... ده لو ساحر مش هيعرف يعمل اللي بيعمله الرجل المصري اللي مش عاجبكم .

بعدين رداً على سؤالك رجالة مصر دول أبطال وكفاية أن كل شاب دلوقتي بيبقى مطلوب منه يشتغل وينحت في الصخر يمكن الصخر حالة أحسن من حال مصر وظروف الشغل الصعبة اللي فيها من مرتبات متدنية ومعاملة سيئة من أصحاب الشغل وكل ده علشان يجيب شبكة ومهر وشقة وعفش ويفتح بيت لو في بنت واحدة حطت في دماغها بس تحوش حق شبكة متوسطة في حدود 10 ألاف جنيه هتقعد تحوش فيهم كام سنة ... ده لو ساحر مش هيعرف يعمل اللي بيعمله الرجل المصري اللي مش عاجبكم .
والله عندك حق

ايه الموضوع الغريب ده .
حاجة حصلت بالصدفة مش لازم تتعمم على كل مصر ..

ايه العنوان ده أصلا .

اقتباس:

---

المشاركة الأصلية كتبت بواسطة AshTurbo

فعلاً هي ثقافة مجتمع للأسف وفيها من السلبيات أكثر من الأيجابيات وصحيح المرأة المصرية تختلف عن غيرها ولكن صوابعك مش زي بعضها في الكويس وفي الوحش ولكن للأسف الوحش دلوقتي بقى أكتر ....

نصيحة عالهامش كدة .. لو طلبتي من جوزك شقة وفلوس علشان أنتي متغربة عن بلدك هتبقي بدأتي في سكة ملهاش لازمة ونهايتها وحشة لأن أولاً دي بلده فهو مش متغرب أصلاً وثانياً هو بيعتبر بشكل أو بآخر أنه أنتشلك من البلد الفقيرة الوحشة اللي أسمها مصر وجابك في الجنة عنده فبالتالي دي في حد ذاتها نعمة لازم تشكريه عليها مش تطالبيه بتعويض عنها .

---

أنا بالفعل قررت أطلب شقة ومش فلوس وكلام من دا الشقة أنا كنت طلبتها من فترة
بس بصراحة الموضوع كان بالنسبالي وقت مابزعل وأبتدي أفكر في حياتي ومصيري أنا وبنتي
لكن دلوقتي بقي مطلب رئيسي وإلا لن أعيش معه

بخصوص إنتشالي من بلد فقيرة للجنة ونعمة أنعم بيها عليا فأنا مش هعلق على الكلام دا وهسيبه بدون رد أفضل

اقتباس:

---

المشاركة الأصلية كتبت بواسطة AshTurbo

بعدين رداً على سؤالك رجالة مصر دول أبطال وكفاية أن كل شاب دلوقتي بيبقى مطلوب منه يشتغل وينحت في الصخر يمكن الصخر حالة أحسن من حال مصر وظروف الشغل الصعبة اللي فيها من مرتبات متدنية ومعاملة سيئة من أصحاب الشغل وكل ده علشان يجيب شبكة ومهر وشقة وعفش ويفتح بيت لو في بنت واحدة حطت في دماغها بس تحوش حق شبكة متوسطة في حدود 10 ألاف جنيه هتقعد تحوش فيهم كام سنة ... ده لو ساحر مش هيعرف يعمل اللي بيعمله الرجل المصري اللي مش عاجبكم .

---

بالمناسبة أنا متكلمتش عن أخلاق الرجل المصري أصلا
ومقلتش عاجبني أو مش عاجبني ...هتكلم كدا ليه مادمت لا أعرف شيء وليس لي حكم على أحد
وطالما الموضوع موجود مفتكرش إني هحتاج أوضح
فهمك الخاطئ لكلامي دا شيء فردي خاص بـ AshTurbo فقط
إحترامي للناس مش بناءً على جنساتهم أو أشكالهم أو ثقافاتهم أو أديانهم
إحترامي للناس بيكون بسبب إحترامهم لأنفسهم وللآخرين
والمنتدى هنا مثال ونموذج جيد على الأعضاء من الجنسية المصرية واللي أتشرف إني بتناقش معاهم
أعضاء محترمين و عقول تستحق التقدير
فإن فهمت كلامي كذم فأنا بقول لحضرتك أخطأت فهمي وبعتذر عن سوء الفهم

اقتباس:

---

المشاركة الأصلية كتبت بواسطة salodas

ايه الموضوع الغريب ده .
حاجة حصلت بالصدفة مش لازم تتعمم على كل مصر ..

ايه العنوان ده أصلا .

---

العنوان يبقى سؤال لك أن تجيب عليه أو لا تجيب
تعليقك عن كونه صدفة فأنا تماما متفقة معاك
صدفة بالفعل كانت صدفة ومش ممكن هنعمم وسؤالي إقتصر على شيء حكيته وقلت إنه صدفة

بالمناسبة شيء سلبي و شيء إيجابي
ثقافة "المطالبة" ثقافة جيدة جدا تستحق الإحترام
* وأنا عارفة إنها بتتاخد بشكل سلبي لكن لما نبصلها بعمق شوية هنفهم إنها مش في كل الحالات بتكون سلبية < بقصد موضوع الشقة

طب وليه حضرتك مش اشتركتى معاهم فى الكلام!!! مش ده سبب قوى يخليكى تعرفى ان حضرتك متربيه وهما لا ان حضرتك عندك حياء وبتخافى على حرمة بيتك وهما لا ان حضرتك متزوجه من رجل وهما متزوجين من انصاف رجال.. انا فعلا بيصعب عليا الراجل اللى مراته بتتكلم عليه من وراه بس هرجع واقول لحضرتك هوا اللى غلطان

اقتباس:

---

المشاركة الأصلية كتبت بواسطة mahmoud_ali

طب وليه حضرتك مش اشتركتى معاهم فى الكلام!!! مش ده سبب قوى يخليكى تعرفى ان حضرتك متربيه وهما لا ان حضرتك عندك حياء وبتخافى على حرمة بيتك وهما لا ان حضرتك متزوجه من رجل وهما متزوجين من انصاف رجال.. انا فعلا بيصعب عليا الراجل اللى مراته بتتكلم عليه من وراه بس هرجع واقول لحضرتك هوا اللى غلطان

---

أنا إستغربت الطريقة نفسها والتنكيت على أزواجهم
ومش بقصد إن دا خلاني أخد فكرة سيئة عن الزوج لا بس قلت إيه السبب اللي خلاهم يتكلموا كدا
أنا صعبوا عليا هما
النساء عموما بيصعبوا عليا << لاني منهم أولا
ولإني حسيت انهم مظلومين جدا ودي طريقتهم في الخروج من الهم اللي هما فيه
بس فيه مليون طريقة افضل بكتير من دي
يعني أنا بكره المنتديات النسائية للسبب دا لكن بصراحة لا كدا المنتديات اهون وافضل من كدا بكتيررر

ايه دخلنا فى الموضوع ؟؟
يعنى ايه المطلوب
تحليل النفسيه لا نقصه هيضر ولا المعرفه بيه هتنفع
هو نايل قلب فتكات ولا ايه

اقتباس:

---

المشاركة الأصلية كتبت بواسطة mazagngi2010

ايه دخلنا فى الموضوع ؟؟
يعنى ايه المطلوب
تحليل النفسيه لا نقصه هيضر ولا المعرفه بيه هتنفع
هو نايل قلب فتكات ولا ايه

---

الكلام دا سليم على فكرة !
الموضوع ملوش لزمة مجرد فضفضة < ومش مقتنعة بيه كدا ^^"

أتمنى حذفه

اقتباس:

---

المشاركة الأصلية كتبت بواسطة إنسانة

أنا إستغربت الطريقة نفسها والتنكيت على أزواجهم
ومش بقصد إن دا خلاني أخد فكرة سيئة عن الزوج لا بس قلت إيه السبب اللي خلاهم يتكلموا كدا
أنا صعبوا عليا هما
النساء عموما بيصعبوا عليا << لاني منهم أولا
ولإني حسيت انهم مظلومين جدا ودي طريقتهم في الخروج من الهم اللي هما فيه
بس فيه مليون طريقة افضل بكتير من دي
يعني أنا بكره المنتديات النسائية للسبب دا لكن بصراحة لا كدا المنتديات اهون وافضل من كدا بكتيررر

---

مظلومين ليه مهو اصلا الواحده لو تحمد ربنا على اللى هيا فيه مش كان ده هيبقى رد فعلهم وان انا شايف ان اسلم حل للخروج من الهم اللى حضرتك بتقولى عليه ده انهم يشتكوا لازواجهم .. يعنى انا مراتى هعودها انها لما تحب تشتكى منى تشتكيلى انا مش تشتكى لحد تانى لان انا هعلمها ان انا قبل ما اكون زوجها هكون صديقها.. وانا معرفش المنتديات النسائيه دى بتتكلم عن ايه اصلا فمعرفش ده اهون ولا لا مع ان انا وجهة نظرى واحده ومش هتتغير

اقتباس:

---

المشاركة الأصلية كتبت بواسطة mahmoud_ali

مظلومين ليه مهو اصلا الواحده لو تحمد ربنا على اللى هيا فيه مش كان ده هيبقى رد فعلهم وان انا شايف ان اسلم حل للخروج من الهم اللى حضرتك بتقولى عليه ده انهم يشتكوا لازواجهم .. يعنى انا مراتى هعودها انها لما تحب تشتكى منى تشتكيلى انا مش تشتكى لحد تانى لان انا هعلمها ان انا قبل ما اكون زوجها هكون صديقها.. وانا معرفش المنتديات النسائيه دى بتتكلم عن ايه اصلا فمعرفش ده اهون ولا لا مع ان انا وجهة نظرى واحده ومش هتتغير

---

طريقتك صحيحة يمكن معظم الرجال مش بيدوا فرصة لزوجاتهم يتكلموا
أو يمكن دي ثقافة إنها متتكلمش أدام جوزها
بس فيما يتعلق بإنها ترضى وتسكت
الكلام دا مش صح أوي
هي لو مشتركة معاه في التعب والشغل وشايلين المشاكل مناصفة دا هيخلي فيه صحوبية بينهم < أعتقد كدا
لأن المغتربة بالذات حياتها صعبة بجد وخصوصا لو مغتربة في بلد زي السعودية


في النهاية أنا قريت الموضوع تاني لقيته بجد مفيش منه فائدة فياريت يتحدف أفضل وخصوصا اني لما قريته تاني حسيت إنه مش واضح خالص للي مش عارف الحكاية

أختي الكريمة لا يوجد داعي للأعتذار ده أولاً ... ثانياً لما قولتلك على موضوع أنه أخدك من مصر للجنة قصدت تفكير الرجل بطبيعة الحال وليس وضعك الأجتماعي أو المادي فوضع الأنسان المادي أو الأجتماعي مهما كان لا يعيبه بأي حال من الأحوال ولكن يبقى المستوى الأخلاقي هو الأهم على الدوام ... بتمنالك الرضاء والسعادة على الدوام .

Stop it please

لو راجل اختار صح و ملا عنها مستحيل ده هيحصل
لاكن بيخ خلاص محدش مالى عين حد

مفيش ست مابتشتكيش الا من رحم ربى

راي ان الموضوع مش بالطريقة دي
ومش كل الزوجات بتتكلم او كل الازواج يستحقون ذلك
ولكن ده بيعتمد علي الاختيار والتفاهم ومستوي الشخصيات المختلف عنه بعضه
والله اعلم