الموضوع: مشكله فتيس الرينو البايخه

الف شكر لرد حضرتك وهل فعلا الزيت ده هيخلى الفتيس انعم فى النقلات ولا مش هيفرق وياريت لو تعبت حضرتك وقولتلى اسم الزيت ايه بالضبط اكون شاكر جدا

انا كلمت عادل زوايا بتاع صقر قريش دلوقتى وقالى ان افضل زيت اللى بيحطه التوكيل واللى كل الناس بتستخدمه وقالى اوعى تحط نوع زيت تانى واوعى تحط الابيض لانه هيدمر الفتيس

اهلا بيكم .. انا عضو جديد في المنتدي و بصراحة انا بحب اتابع كل المواضيع و المشاركات لاني بجد بستفيد منها جدا .
انا الحمدلله ربنا وفقني في عربية رينو 19 مو 95 موتور اينرجي 1400 و بالرغم من ان الكل قالولي بلاش الفرنساوي هاتتعب في قطع غياره الا اني قررت اخوض التجربة و الحمدلله العربية ماشية معايا كويس و انا مرتاحلها .
انا اشتريتها من حوالي شهر و نص كانت مركونة و كان فيها بعض الخبطات الصغيرة و كانت كلها مخربشة لكن صالونها من جوة نضيف جدا المهم اني اخدتها و روقتها و عملتلها طقم سيرفيس كامل ( غيار زيت , طقم بوجيهات , نضفت الكاربيراتير بالاسبراي , ظبت كهربا الموتور ) و عملت شوية السمكرة اللي فيها و اديتها وش نضافة ولكن للاسف مالقيتش فلتر هوا ولا بنزين المهم اني نضفت فلتر الهوا بالهواء المضغوط .
لكن اللي بلاحظه ان كل يوم الصبح او لو ركنت العربية فترة كبيرة و جيت دورتها بتطلع دخان اسود من الشكمان لحد ما تسخن و الدخان مابيطلعش مع اني منضف الكاربيراتير و بحس ان العربية بتاكل بنزين شوية يا تري دا ممكن يكون ظبط هوا و اسبراتير ولا ايه ؟؟

المشاركة الأصلية كتبت بواسطة shiref_mohamed

عادل ده عامل نفسه دكتور وهو سوري يعني ...
حضرتك فتيس الميجان الاوتو الى كوده dp0 نزل في البيجو 406 و307 والستروين c4 و c5 والناس الى معاهم العربيات ديه وتوكيل بيجو وستروين بيحطو الزيت التخليقي الى ب 100 جنيه اللتر .. هل التوكيلات ديه هتبوظ عربياتها ؟
كتالوج الميجان مكتوب فيه اسم الزيت renaultmatic diii syn وده زيت تخليقي synthetic اما الزيت التوتال الي بيتحط في التوكيل زيت معدني يبقى ازي يعني صانع العربية يقول نحط في الفتيس زيت تخليقى وعادل باشا زوايا يقول نحط زيت معدني

انا قولت لعادل الكلام ده قالى احنا بنحط الزيت اللى بيحطه التوكيل اللتر تقريبا ب 30جنيه ولونه احمر وقالى اوعى تحط زيت ابيض هتبوظ الفتيس خالص السؤال لحضرتك هل حضرتك حطيت من الزيت بتاع البيجو والاستروين فى فتيس الميجان وهل فرق فعلا وخلى الفتيس اكثر سلالسه

المشاركة الأصلية كتبت بواسطة shiref_mohamed

الزيت بيتباعفي محلات قطع غيار البيجو هتﻻقي علبته بيضاء وعليه عﻻمة بيجو وستروين

طيب الزيت نفسه لونه احمر ؟؟؟