هل فى ازمة فى انقطاع الكهرباء فعلا ولا اشاعات وهل فاتورة الكهربا جتلك كبيرة

**الفجر** · 30-01-2014 03:59 PM

طيب الكهربا بتتقطع عندة يقول منطقتة اية ؟

**michohat** · 30-01-2014 04:03 PM

اكلمك بس على امبارح

الكهرباء مقطوعه من الساعه 3 عصرا الي 6 مساءا

ثم فاصل من النور من 6 مساءا حتى 7 مساءا

ثم عوده لمواصله الانقطاع من 7 مساءا حتى 8:30

وقد هجرت البيت حاليا لهذا السبب

مدينه الزقازيق - محافظة الشرقية

**Medicalist** · 30-01-2014 04:07 PM

فى المنصورة امبارح ساعتين الصبح و ساعه بالليل بقالنا اسبوع او اكتر كده

**تامر.محمد** · 30-01-2014 04:23 PM

ساعة كل يوم في مدينة نصر

**mohamed_selim** · 30-01-2014 04:43 PM

مصر الجديده و مدينة نصر نص ساعه لساعه فى مصر الجديده مره او مرتين فى اليوم .... مدينة نصر مره فى اليوم ساعه الا ربع تقريبا

**ganash** · 30-01-2014 04:57 PM

قطع عندنا امبارح حوالى 3 مرات كل مره ساعه وشويه وبلد جمبنا قطعت امبارح من 10 بالليل جت 12 الصبح

**hossam_elwani** · 30-01-2014 05:07 PM

بتقطع يوميا اقل حاجة ساعة و نص بالرغم اننا فى الشتاء مش عارف هنعمل ايه فى الصيف شكله حيبقى صف يرجعنا 30 او 40 سنه تانى على راى واحد نعرفه

فين الى كان صوتهم عالى ضد الظاهره دى راحو فين مفيش منك لله يا ..............

والفاتوره قدام عينى دلوقتى جايبيين زياده باثر رجعى من شهر 7 الى فات والمبلغ موجود فى خانة رصيد الاقساط

على المحل وعلى البيت

وسلمولى على القانون والدستور وراى المحكمه الدستوريه ان لايتم تطبيق اى قانون او غرامات او مستحقات باثر رجعى

شفنا وتعبنا

**Anaslbda** · 30-01-2014 05:25 PM

الكهرباء مش بتقطع عندي خالص.
لكن الفاتورة جايّة 150 جنيه :)
- العجوزة.

**eslamrace** · 30-01-2014 05:25 PM

قولنا من ايام ظهور الازمه الموضوع مش متعلق بافراد ولا مسؤلين المشكله فى المحطات نفسها لان استهلاكنا اصبح اعلى من انتاجنا "نظرا لكثره البناء وخاصه المخالف " وكمان الوقود والصيانه للمحطات اللى مش مكفيانا اصلا فبالتالى الموضوع حيستمر لفتره تطول لو المسؤلين مبشتغلوش فى عمل محطات تعمل بالطاقه الشمسيه او الاسراع فى عمل محطه الضبعه النوويه وتقصر لو ابتدوا فى المشاريع دى من بدايه ظهور الازمه

وللعلم ان الادارات المسؤله عن المشاريع اللى بتكون بالشكل ده "التطوير والصيانه وعمل مشروعات جديده" غالبا بتبقى منفصله عن الاداره السياسيه للبلاد فكمثال هيئه الطرق والكباري بتبقى مخططه جدول الطرق الجديده وبتشتغل فيها بغض النظر عن الاداره السياسيه اللى بيوقفها فقط توقف المخصصات الماليه
فالموضوع مش مرتبط بحد السبب ذياده الضغط والاحمال والحل متوسط وطويل الامد انشاء محطات تعمل بطاقه مستدامه والحل قصير الاجل هى المسؤليه الشخصيه لكل واحد وترشيد استهلاكه .
وبخصوص استفسار صاحب الموضوع فالكهرباء عندنا فى الاسكندريه منطقه المندره بتقطع كل حوالى يومين او تلاته لفتره لا تقل ع ساعه ولا تزيد عن ساعتين .
اتمنى الموضوع لا يتحول للسياسه ويظل فى نطاق المعرفه وايجاد الحلول
تحياتى .