تويوتا كورولا 2014 مسروقة....طب إزاى يعنى؟

**Hany Saad** · 30-01-2014 02:50 PM

وحوش التويوتا....دلوقتى نازل إعلان على بيقولك أن فى واحد معاه كورولا 2014 مسروقة و حاطط مواصفاتها و بيناشد الناس تساعده....طبعا أنا صعقت....المفروض الكورولا فيها إيموبيلايزر أساسى....طيب إزاى الحرامى قدر يسرقها...إيه الجنون ده؟؟؟!!! يعنى شالها على كساحة مثلاً؟؟!!! و بعدين طيب ما العربيات اللى منغير إيموبيليزر مالية البلد...ملقاش غير اللى فيها و يسرقها....ربنا يكفيكم و إيانا شر الطريق و يا رب يرجع لصاحب السيارة المسروقة سيارته و يفرحه بيها تانى يا رب...أنا متخيل حصرته قد إيه.....

أسيبكم مع الأعلان

**Mzeid** · 30-01-2014 03:16 PM

ممكن اتسرقت منه بسلاح
او اتشالت فعلا على كساحة و دي بتحصل
و الإحتمال الثالث و هو الأسوأ أن الحرامية قدروا يتغلبوا على موضوع الايمو مع أني استبعد النقطة دي و لكن هتظل نقطة خطيرة

**amgomaa** · 30-01-2014 03:17 PM

التويوتا كلها فيها ايموبيليزر كان معايا تويوتا ايكو 2000 وكان فيها ايموبيليزر اكيد ده تثبيت ولا اتقطرت وربنا يردهاله و يصلح حال البلد

Sent from my GT-S5282 using Forum Runner

**Hany Saad** · 30-01-2014 03:21 PM

صح...أنا كنت ناسى موضوع التثبيت ده....فى الغالب هو كده....
ربنا يسترها على الجميع و يصلح حال البلد....ربنا يرجعاله يا رب.....

**M I D O** · 30-01-2014 03:27 PM

لا حول ولا قوة الا بالله .. الله اعلم استرقت ازاي وربنا يحفظ ملاك العربيات الي فيها ايموبلايزر و وملاك العربيات الي من غير ايموبلايزر وربنا يرجع لصاحب العربية عربيتة علي خير باذن الله