أول حاجة 1000 شكر للأستاذ walidtony اللي دلني علي الاسطي عادل و 1000 شكر لكل الاعضاء اللي حاولو يساعدونيز
المهم روحت لل أسطي عادل في شارع مجلس الأمة بعد ميدان لاظوغلي ب حوالي 200 متر.و رقم تليفونه 01222842814. الصراحة الراجل أستاذ ظبط الدنيا و فتحة السقف رجعت زي الأول بالظبط. لكن قعدت معاه من الساعة 2 تقريبا لحد 9:30 بالليل. و لقي جريدة كده ناقصة و فصلها بنفسه و ركبها. الجريدة ديه عشان تلم الفرش بتاع السقف لو فتحت فتحة السقف من غير ما تفتح فرش السقف الأول.
أخد 400 جنيه و أنا الصراحة ما فتحتش بقي لأني أنقذني من فيلم كبير. بعد ما مشيت لقيت فرش السقف اللي بتفتحة عشان تشوف الزجاج بتاع فتحة السقف بيخبط جامد في المطبات. المهم رحت له بعدها بكام يوم ظبطها و طبعا ما خدش فلوس. قالي انت عرفتني منين قولتله من نايل موتورز قالي طب ما توريني روحت فاتح الموبايل و مفرجة علي الموضوع من أوله. الصراحة الراجل فاهم شغله فعلا و عارف هو بيعمل ايه. المشكلة الوحيدة ان فرش السقف بقي شوارع من الفك و التركيب و طبعا ايد الصنايعية كلها شحم. اللي عاوز يروح لازم يلف من شارع بورسعيد عشان شارع مجلس الامة مقفول من ناحية القصر العيني.