ياريت حد يفيدني في سيفيا 96

**karimbow1** · 26-09-2008 02:11 PM

اشتريت سيفيا 96 ، ممكن تشاركوني باللي تعرفوه عن العربية دي اخدت سيفيا 96 من واحد قريبي ، العربية اعطالها قليلة وتاريخها اتا عارفه كويس ، انا عايز حد يفيدني أعمل ايه عشان اكشف عالموتور وايه الحاجات اللي لازم اعملها في العربية ، وكنت بفكر أقلب العربية اوتوماتيك لانها كاملة ومش ناقصها غير الاتوماتيك ممكن تنصحوني بخصوص موضوع القلب للاوتوماتيك ولو تعرفو حد كويس ممكن اسمه وعنوانه ، انا متشكر لكل اللي هايقرا الموضوع

**magdy_momo** · 27-09-2008 05:43 PM

ممكن اعرف رينج السعر بتاع العربيه دي كام
و هل هي نفس الشكل بتاع الموديلات الجديده اللي هي 2000 او 2001
و شكرا مقدما لردك
و سوري انا معنديش فكره عن موضوع الاوتوماتيك

**amr_elrashidy** · 28-09-2008 12:32 PM

اولا لازم تغير طقم سيور كامل+فلتر هواء وفلتر بنزين و بالمرة تغير البوجيهات احتياطى و طبعا تسقط زيت الفتيس و الموتور و تغيرهم و بكده تكون شغال على نضافة و امان..و تروح لحد يظبطلك زوايا و يربطلك عفشة و يشوفلك اذا كان فى حاجه مش سليمة فى العفشة عشان تبقى عارفها..الحاجات حتكلفك حوالى 750ج او اقل لكن حتبقى مطمن..موضوع قلبها لاوتوماتيك ده منصحكش بيه لانه شغلانة كبيرة و عاوزة واحد فاهم اوى فى الموضوع ده و حتصرف عليها مبلغ محترم لان كمان العربية دى حاجتها مش متوفرة بشكل كويس بالذات الفتيس الاوتوماتيك و مع ذلك اشهدلها بالكفاءة كانت مع واحد زميلى واخدها فحت ردم مكنتش بتقول لا ابدا ..ربنا يباركلك فيها و مبروك عليك

**karimbow1** · 28-09-2008 01:18 PM

شكرا على المعلومات الحلوة دي بجد وربنا يخليك ، بالنسبة لرنج سعر العربية دي فهو من 34000 لحد 40 و 42 ألف على حسب حالة العربية وممكن لو اوتوماتيك تكون اغلى شوية من كده على حد علمي

**Merit** · 28-09-2008 01:24 PM

The Big problem for this car specific is the spare parts, not easy to find and more difficult to find original

**karimbow1** · 28-09-2008 02:07 PM

بالنسبة لشكل العربية ممكن تشوف الصور الملحقة بالرد وبالنسبة لقطع الغيار انا اعرف ناس في الحرفيين وفي شارع رمسيس بيبيعو كل القطع الخاصة بيها وفي قطع خاصة بالعربية دي مكتوب عليها مازدا ، انا شفت ده على سير الكاتينه بتاع السيفيا 96