الموضوع: تجربتى فى اوتو ماستر مع طنانى باشا

بصراحة انا عامل الموضوع ده عشان سببين اولا انى افيد اعضاء المنتدى وثانيا اقدم شكر خاص لمركز اوتو ماستر ومديره طنانى باشا اللى مش محتاج طبعا شهادة منى بس كنت لازم اديهم حقهم
اولا الشغل عباره عن سيرفيس صغير للعربية هى اوبل استرا ستيشن 2008 وتم تغيير الاتى:
1- 160ج طقم بوجيهات gm
2- 250ج جركن زيت محرك gm 10w40
3- 40 ج فلتر زيت gm
4- 135ج جركن مياه حمراء تركيز 50% ac delco
5- 70ج فلتر هواء
وقطع الغيار جبتها من محل فى صقر قريش وتم التركيب عند طنانى باشا وبصراحة الرجل ده من الناس المحترمة والامينة جدااااااااا اللى ممكن الواحد يتعامل معاها وهو مطمئن وبصراحة المركز مجهز كويس جدا وكما طقم الصنايعية عنده محترمين وفاهمين شغلهم خصوصا م/ احمد ابو كف والرد كان وافى لكل استفساراتى وعن نفسى انا متوقع ان المركز ان شاء الله هيبقى من اكبر مراكز الصيانة فى مصر
واخيرا احب اكرر شكرى لطنانى باشا على كل اللى عمله معايا حتى بدون سابق معرفة بصراحة الراجل طلع اصلللللللللى

المشاركة الأصلية كتبت بواسطة cayman69300

دفعت كام يا باشا - علشان نعرف هل اضحك عليا هناك و لا لآ

مع ان حضرتك روحت اكتر مرة وعارف ان الطنانى مش هيضحك عليك والمهم انك تمشى من اى مركز خدمة وانت مبسوط يعنى الشغل يتعمل زى ما انت عايز
وعلى العموم انا دفعت 100 جنيه وانا كنت حاسس انه قليل على الوقت والشغل اللى الناس عملته