فلتر الزيت لتويوتا 2013 وافضل زيت ممكن استخدمة

**S O P H O S** · 04-02-2014 01:19 PM

المشاركة الأصلية كتبت بواسطة y a r i s

انا اول مره اسمع على حكاية الحشو دي ... يعني. دلوقتي انا بدل ما اغير الفلتر بتاع الزيت اروح اشتري بس حشووو !!! انا الي اعرفوا ان فلتر الزيت بتقضي بيه العشرة تلاف كيلو وبترمي وبتجيب غيروا

زيك بالظبط يا عمدة ؟

**sonaeg** · 05-02-2014 05:39 PM

المشاركة الأصلية كتبت بواسطة Y a r i s

هو معليش بس استفسار يادكتور
يعني ايه فلتر حشو او عادي وايه الفرق بينهم ... وتحياتي

يافندم احنا اللي نستفيد من حضرتك... هوا حسب معلوماتي الكوروﻻ ال 2008 الخليجي نازلة بموتور vvti وده فلتره زي معظم الفﻻتر بتشتريه حضرتك علي بعضه كده حديد وجواه الحشوة بتاعته ما بتتفصلش ملحومة فيه...تفك القديم وتركب الجديد كله

اما الكوروﻻ الجنوب افريقي والياباني التوكيل لحد 2013 والله اعلم كمان ال 2014 نازلة بموتور dual vvti وده لما تبص علي الموتور من تحت تﻻقي فلتر زيت لو خبطت عليه تحس انه زي فيبر مقوي اوي كده ... ده بقا لما تيجي تفكه بيتقسم الفلتر نصين نص زي الكوباية كده وده ثابت عمره ما بيتغير اﻻ لو اتكسر ﻻ قدر الله وبيبقي جواه الحشوة اللي بنشتريها بتبقي مدورة وتشبه الحشوة اللي جوه فﻻتر بنزين العربيات القديمة .... والنص التاني غطا الفلتر وده ثابت ﻻزق في الموتور .... عشان كده ماينفعش مثﻻ في الياريس حضرتك تجيب حشوة مش فلتر حديد كامل علي بعضه ﻻن مش حينفع يركب....

اما ايه الميزة ده عن ده ..فانا مش عارف بس يمكن زي ماقال العضو الفاضل قال الحشو مايضربش مثﻻ ﻻن جزء منه ثابت في الموتور زي حلة وغطاها كده....مع اني شايف انه فيبر من بره مش حديد ودي حاجة مش كويسة في اعتقادي لو اتخبط

هذا والله اعلم وتقبل تحياتي : ))

**sonaeg** · 05-02-2014 05:43 PM

المشاركة الأصلية كتبت بواسطة LANCAR

معلش وهل فلتر الزيت الحشو دة عملي زي الفلتر العادي

ومش عارف اية الفكرة من شركة تويوتا انها تغير في الفلتر من عادي لفلتر حشو

الصراحة انا شايف انه مش عملي اوي بالعكس الحشوة بتيجي باويل سيل كده تركبه وحوار غير التاني فك وركب ... ومش فاهم الفكرة برده عربيات تنزل بحشو وعربيات عادي...وماينفعش يكون عندك ده تركب ده زي ما نا اتناقشت مع الاخ yaris

وتقبل تحياتي : ))

**sonaeg** · 05-02-2014 05:45 PM

المشاركة الأصلية كتبت بواسطة bassem.naguib

هل رضيوا يغيروا بنوع زيت تاني

مش بيتغير في صيانة الألف ولا في صيانة الخمسة ؟!

المشكلة أن موبيل وان زيت زبااااااااااااااااالة بمعنى الكلمة فهل حيرضوا بزيت فالفولين أو وولف مثلاً

انا ساعتها كنت في مركز خدمة القصراوي اللي في طنطا معتمد .... اديتلهم الزيت وغيروه عادي بدل موبيل وقالولي مايعملش حاجة ف الضمان...اما تويوتا ايجيبت ماجربتش لسة الصراحة

وتقبل تحياتي : ))