عاوز عربية كسر زيرو

**Dr\Mohamed** · 31-01-2014 10:51 PM

سلام عليكم

لوسمحتم يا جماعة كنت عايز اشتري عربية كسر زيرو في حدود 60 - 65 ألف بشرط تكون قطع غيارها رخيصة وطبعا تكون حالتها حلوة ممكن حد يفيدني تبقي ماركتها إيه؟

شكرا مقدما

**J A G U A R** · 31-01-2014 11:18 PM

ممكن فيرنا او لانوس

**J A G U A R** · 01-02-2014 09:50 PM

اسعار قطع غيارهم تقريبا زى بعض مفيش فرق كبير ونفس الحكايه فى العمر ..
بص يا باشا انا هانصحك نصيحه وهى انك تبعد عن الافيو دى خالص ولا كانها عربيه موجوده من اساسه .. ممكن تدور هنا فى المنتدى على الكلام على الافيو ومن ملاكها كمان وبتكون العربيه لسه زيرو ..
انا رايي لو عاوز تجيب عربيه تكون كويسه بالمبلغ ده واقل 10 الاف وتكون قطع غيارها رخيصه ومنتشره وافضل من اللانوس والفيرنا والافيو بمراحل انك تشوف نوبيرا 2008 حاله نظيفه ...
تحياتى .

**J A G U A R** · 02-02-2014 05:04 PM

المشاركة الأصلية كتبت بواسطة dr\mohamed

شكرا لحضرتك على المعلومات المفيدة دي
أنا مشكلتي إني أول مرة أشتري ومش عارف أعمل إيه
معلشي لو هتعبك وزهأك مني بس أنا أسمع إن النوبيرا غووووول بنزين.....رأي حضرتك إيه؟ أنا كنت خلاص بقول هدور على فيرنا مانيوال أما اللانوس لأ لأني مش بحب شكلها

انا تحت امرك يا باشا ..
النوبيرا استهلاكها فى البنزين فعلا اكتر من الفيرنا واللانوس والافيو بس مش للدرجه الكبيره دى انها غول .. الا بقى لو كان فى سبب يكون مخليها تستهلك بنزين عالى .

**J A G U A R** · 02-02-2014 10:32 PM

المشاركة الأصلية كتبت بواسطة dr\mohamed

يا أفندم العفو الأمر لله وحده ..... كده حضرتك بتحرجني بزوئك وأخلائك العالية

أنا عملت بنصيحة حضرتك لسة واحد قايلي على أفيو 2008 و1500cc فابريكة برة وجوة عداد 72 ألف كيلو وطبعا بور وسنتر وتكييف بس الزجاج عادي قالي سعرها 62 ألف وأكيد هتنزل شوية بصراحة العربية شكلها زي الفل بس أنا قلتله لأ وألف لأ شوفلي فيرنا مانيوال ..... قعد يقولي الأفيو نفس السعر في قطع الغيار وأقل في استهلاك البنزين والفيرنا بتسخن بسرعة لكن أنا حسيت إنه كلام تجار والله أعلم بالنية
من كلام حضرتك أوفر حاجة بالنسبة ليا 95% داخل البلد و5% سفر 80 كم هيا الفيرنا وتكون مانيوال كمان ........ صح كده؟

ربنا يكرمك ..
من كلامه كده فعلا عايز يخلص منها ..
لو حضرتك بتمشى 95% داخل مدينه يبقى الفيرنا اختيار مناسب .. علشان عيوب الفيرنا بتظهر اكتر فى السفر .

**J A G U A R** · 03-02-2014 12:37 AM

المشاركة الأصلية كتبت بواسطة dr\mohamed

طيب عيوبها إيه أنا أعرف إنها خفيفة ومش ثابتة على السرعات العالية والصالون بتاعها ضيق شوية ومش عالية ممكن تحك في المطبات والراجل ده قالي إنها بتسخن بسرعة ..... فيها عيوب تانية؟ وموضوع إنها بتسخن بسرعة ده كلام صح؟

عيوبها حضرتك ذكرتها بالاضافه ان فراملها وحشه وتقفيل العربيه مش قد كده ..
بالنسبه للسخونيه انا مسمعتش قبل كده انها بتسخن بس الله اعلم ..

الموضوع: عاوز عربية كسر زيرو

LinkBack

أدوات الموضوع

عرض

-

-

-

-

-

المواضيع المتشابهه

لو حتجيب حاجة زيرو من دول حتختار ايه وليه؟ عايز اجيب عربية زيرو ومحتاج رأيكو

عاوز اشتري عربية 2013 كسر زيرو فورا

عربية اوتوماتيك زيرو ب 90 الف جنيه زيرو

ساعدونى فى الأختيار عاوز عربية زيرو فى حدود 70 ألف ؟؟

مطلوب عربية زيرو أو كسر زيرو للبدل بشقة تمليك 170م تشطيب سوبر لوكس

الكلمات الدلالية لهذا الموضوع

المفضلات

المفضلات

ضوابط المشاركة