إن شاء الله خير يا اخى ولا تقلق
وحتى لو متعملتش قبل العيد تقدر تروح بيها
انت بتقول ان المشوار فقط زاد سنة
ودا ممكن يكون من تاكل التيل (جربت الحتة دى)
وعلى العموم معتقدش غبور الامور هتلاقى حجز قبل العيد
دا موسم يا معلم
عرض للطباعة
إن شاء الله خير يا اخى ولا تقلق
وحتى لو متعملتش قبل العيد تقدر تروح بيها
انت بتقول ان المشوار فقط زاد سنة
ودا ممكن يكون من تاكل التيل (جربت الحتة دى)
وعلى العموم معتقدش غبور الامور هتلاقى حجز قبل العيد
دا موسم يا معلم
وعدنامن جديد...
وسمعت بنصيحة هاني باشا و تم عمل رجلشة للفرامل و اخد هوا اكتر من مرة والكلام دا تم في التوكيل يوم أمس السبت.
والنتيجة.....إنها ولله الحمد رجعت زي ماكانت من مجرد تاتش خفيف.
و بصراحة معاملة التوكيل رائعة ولما عرفو انها مشكلة فرامل قالو خلاص مش لازم تكون حاجز ولاحاجة و خلصو العربية في ساعتين و كمان ظبتولي العفشة . و لما سألت على الفاتورة قالولي : اتدفعت ياباشا! بقولهم ازاي؟ قالولي على حساب الضمان.
طبعا انا عارف انه المفروض يكون تبع الضمان أصلا ولكن برضو كويس إن مفيش نصبايات بتحصل هناك.
الخلاصة : الحمد لله مطلعش الحوار من ماستر الفرامل والسيارة رجعت كما كانت.
حمد الله على سلامة الفرامل ياباشا :)
وتابع زيت الفرامل باستمرار بردو
تمام يارياسة. لكن انا لاحظت حاجة....الهاند بريك بقى تقيييييييييييييييل أوي عن الأول لدرجة اني حاسس كتفي هيتخلع!!
هل دا طبيعي بعد الرجلشة والكلام اللي أتعمل ؟
وعلى فكرة العربية عاملة 9000 يعني مفتكرش لحقت تجيب ماستر الفرامل..صح ولا الحاجات دي ملهاش عمر؟
ومعلش تاعبك معايا :)
ولا يهمك ياجميل
طبيعى بعد الرجلشة ياباشا...عشان المشوار قل ودا بسبب ان ال interval
بين التيل والطنبورة بيقل
وبالنسبة للماستر العمومى ..مش شرط يباشا ممكن يبوظ من تانى يوم
بس كده الحمد لله مفيش فيه مشاكل
لكن لو المشكلة دى حصلت تانى تبقى من الماستر العمومى
لان ساعات ال cylinder integument بيحصلها بوش او بتتآكل
وتعوق حركةالبستون نفسة...وساعات كتير تلاقى الفرامل زى الفل
ومرة واحدة تيجى تدوس لا قدر الله ماتلاقيش اى حاجه
لكن دى مكنتش مشكلتك خالص والحمد لله انا بقلك بس من بابا العلم بالشىء
والف مبروك ياباشا :)
الله يبارك فيك ياهاني باشا و ربنا يطمنك ويخليك لينا.
المشكلة رجعت تاني أول إمبارح...؟ قلت يمكن بيتهئيلي و جربتها النهاردة على الطريق السريع وللأسف أسوأ من الأول كمان!!
كدا تفتكر أيه المشكلة ياهاني باشا؟ علما بإنه لما وديتها التوكيل ورجلشوا الفرامل وظبتوها المشكلة أنتهت لمدة 4 ايام...
فهل كدا الماستر يكون خرب؟ ولا التيل؟ ولا أيه بالضبط؟
حاجة تنكد بصراحة :(