الموضوع: هل تعلية الدبرياج ليه علاقه بان العربيه سحبها يضعف لما تسخن

الزميل الفاضل
معلش انا اسف
لا هي طبعا ليها علاقه
بص تعليه الدبرياج بيمنع اي عضه للغيارات وكمان لو فصله عالي سحب ضعيف و الrpm عالي و صوت الموتور عالي و دي بنلجا لها لما يكون الطقم ضعيف بس في عضه من الدسك فبنعلي الدبرياج لحين تغير الطقم
اما لو كان واطي فميزته انه بيزود سحب العربيه و بيطول عمر الطقم لكن بيعمل عضه بالغيارات لو واطي زياده عن اللزوم
فلو عالي واطيه لانه طبعا ليه علاقه جامده جدااااا

المشاركة الأصلية كتبت بواسطة alpoka779

هو في الحقيقه ناس كتير قا لت انو اسطوانه فانا مش عارف لسه

اكشف عليها و شوف بس لو الدبرياج عالي ممكن يكون عمل مشكله فيها

المشاركة الأصلية كتبت بواسطة abokoko

معذرة للتدخل فى الموضوع بس عايز افهم واتاكد من المعلومة

لو الدبرياج ماسك معايا لحد اخر لحظه
يبقي كده عالى


ولو لازم اضغط لاخر الدواسه يبقي كده واطى

صح ولا غلط ؟؟

بص المشوار بتاع اادبرياج هو من تحت لحد ما ترفه رجلك لحد فوق هو المفروض يفصل في الربع الاول من تحت لفوق كده الاستندرد بتاعه

المشاركة الأصلية كتبت بواسطة enghany

بص المشوار بتاع اادبرياج هو من تحت لحد ما ترفه رجلك لحد فوق هو المفروض يفصل في الربع الاول من تحت لفوق كده الاستندرد بتاعه

فيه ثلاث انواع من طقم الدبرياج فى السوق
نوع فاليو و سعره حوالى 450 جم
نوع اصلى استيراد شركات خارجيه بالبليه الحديد علبته لونها رمادى و ده اغلب الناس بتجيبه على انه توكيل بس الحقيقه انه مش توكيل و سعره 550 او 560 كده يعنى
و فيه النوع الاصلى توكيل . علبته زرقاء. و ده مش اى حد يعرف يجبوهلك. لسه جايبه انهارده بالبليه الحديد بسعر 610 .
و ده ااحسن نوع فى السوق بس للاسف ناس معينه اللى بتشتغل فيه . و طالع اشاعات انه هو هو اب علبه رمادى . بس فعلا مختلف. وموجود جوه التوكيل دلوقتى بسعر 850 جم