المشاركة الأصلية كتبت بواسطة eng.octooo
انا لحد دلوقتى مش فاهم نقاط النقاش او الاختلاف ف اية :)
بس عموما نوع الجنط وشكلة وحجمة بيأثروا على حاجات كتييييير هاقول الى انا فاكرة منهم
عرض الجنط : بيزود الثبات وقوة الفرامل ولكنة بيقلل التسارع ويزود استهلاك البنزين
سمك الكاوتش (ارتفاع الكاوتش وليس الجنط) : بيأثر على الثبات والراحلة وانتقال الخبطة من الارض للكاوتش للجنط للعفشة
شكل الجنط : فية جنوط شكلها وهيا ماشية على سرعات عالية بيكون سوليد وجنوط تانى بتكون شايف الريش وجنوط بتحس انها بترجع لورا :) هه انا عارف انى لخبطكم بس بجد لما تبص على عربية ماشية بسرعة 60 مثلا ركز هاتلاقى ان فية جنوط بتبان انها حتة واحدة وجنوط بتشوفها بالريش وتلاقى الريش بتمشى مع العربية واخرى بتشوف الريش بترجع بالعكس
المهم سيبكو من الموضوع دة المهم انها بتفرق فى مقدار الهواء الى هيا بتسحبة من تحت العربية وتعمل خلخلة علشان الثبات يكون احسن
وفية الى بيزود نسبة الهواء تحت العربية علشان يبرد نظام الفرملة والطنابير
وفية الى بتمنع ان الهواء يدخل تحت العربية اصلا
نيجى بقى للخامات فية الحديد والالمونيوم والنيكل كروم وكلهم سبائك مضاف ليهم مواد تانية مش تبعنا بس عموما الالمونيوم اخفهم والحديد اكثرهم استحمالا والنيكل كروم اكثرهم تبريد للفرامل وشكل احسن وغالبا النيكل كروم بيكون مدهون ( بالترسيب الكهربائى ) على جنوط المونيوم
اممم مش عارف انا لخبطكم بس اهو طلعت شوية من الى جوايا :)