مطلوب تقييم عاجل لـ فورد فيستا 2013

**dR.LaFo** · 01-02-2014 08:51 PM

[all1=#ff0000] السلام عليكم أعضاء المنتدي الكرام[/all1]

أريد أن أطلب من عشاق السياردة الأمريكية فورد وكل من له خبرة معها أو مع الفيستا بالأخص, تقرير عن الفيستا 2013 حيث أنني علي وشك شرائها بعد مقارنتها بـ سيتروين سي 4 و سيات إيبيزا ولكن تلقيت نصيحة بعدم شرائها بسبب الفتيس الخاص بها (الباور شيفت) واللي ليس عملي ومسبب للمشاكل في مصر نتيجة للزحام المروري و (النتشة) اللي بين الغيار الأول والتاني اللي بتظهر مع الوقت وذلك سبب فشلها وعدم إنتشارها في مصر!

أرجو الرد علي وجه السرعة حيث أني أعجبت جداً بإمكانيات تلك السيارة الذكية ولكني متخوف جداً من حقيقة تلك المعلومة وعدم إنتشارها في مصر في الوقت ذاته علي الرغم من خامتها وسعرها بالمقارنة مع غيرها

**ibrahiiimooo** · 03-02-2014 10:19 PM

الفتيس الباور شيفت مش موجود في الفيستا موجود في الفوكس و بس
ثانيا الفتيس فيه مجرد نتشة بسيطة بين الاول و التاني بيبان فقط في مناطق الازدحام الشديد اما على الطرق الطوالي مالوش اى اثر و بيدي اداء اكثر من رائع و كمان الفتيس مش بيبوظ زي فتيس dsg بتاع الفولكس فاجن

**dR.LaFo** · 06-02-2014 08:45 PM

شكراً يا أ.إبراهيم علي الرد
أحب أصححلك إن الفتيس أكيد باور شيفت لأن ده أصلاً في البروشور بتاعها ودي حاجة بيفخروا بيها في المعرض والتوكيل بتاعها
وسؤالي كان لأن مصر كلها زحمة مش طرق سريعة وبالتالي فبالشكل ده هتظهر كتير
واللي عرفته إن تكنولوجيا الباور شيفت زي تكنولوجيل ال دي إس جي

**ibrahiiimooo** · 07-02-2014 04:19 AM

كلام حضرتك صحيح في انهم نزلوا الفتيس الباور شيفت في الفيستا ال١٦٠٠ الفتيس العادي كان في ال١٤٠٠ بس الباور شيفت مختلف شوية عن DSG لان الباور شيفت wet type اما ال DSG فمن النوع dry type و بالتالي بيبقى في مشاكل في تبريد الفتيس و ده اللي بيخليه يبوظ

**Eng.Sameh** · 07-02-2014 04:48 AM

السي 4 اعلى من الفييستا والابيزا .. واحسن من الاتنين طبعا

**dR.LaFo** · 08-02-2014 12:26 AM

المشاركة الأصلية كتبت بواسطة ibrahiiimooo

كلام حضرتك صحيح في انهم نزلوا الفتيس الباور شيفت في الفيستا ال١٦٠٠ الفتيس العادي كان في ال١٤٠٠ بس الباور شيفت مختلف شوية عن dsg لان الباور شيفت wet type اما ال dsg فمن النوع dry type و بالتالي بيبقى في مشاكل في تبريد الفتيس و ده اللي بيخليه يبوظ

تمام, يعني قصدك كده إن الباور شيفت كويس مبيبوظش زي التاني ولا قصدك بيبوظ بمعدل أقل ؟

**ibrahiiimooo** · 08-02-2014 03:53 AM

مشكلة الباور شيفت الوحيدة هي الاحساس بالنقلات في السرعات البطيئة فقط و دا الناس بتتعايش معاه و بتتعود عليه بمرور الوقت زي فتيس الاوبل الايزي ترونيك لكن ما فيش اي تقارير عن الفتيس انه بيبوظ او يتغير زي فتيس الdsg