الموضوع: ايه رأيكم

المشاركة الأصلية كتبت بواسطة وائل مختار

فتر الهوا من التوكيل ب 140 جنيه والنوع العادى من صقر قريش ب 60 جنيه فلتر البنزين من التوكيل ب 70 جنيه وبره التوكيل ب 30 جنيه ونقيس على ده حاجات كتيره زى فلتر الزيت والبوجيهات هل فرق السعر ده يستاهل ولا الواحد يجيب النوع الرخيص وخلاص

والله انا بخاف جداً من موضوع الفلاتر ده .. ولنفرض مثلاً ان فلتر الزيت كان مكتوم (بتحصل كتير) يبقى هيأثر على ضغط الزيت جوه الموتور وبالتالى ممكن يعرض اجزاؤه للتلف نتيجه لقلة التزييت وكمان ممكن يضعف اداء طلمبة الزيت ونفس الحكاية لو كان الفلتر مسامه واسعه وبيعدى شوائب ورايش جوه الموتور برضه هيحصل تلف للموتور وقيس على كده فلتر الهواء وفلتر البنزين .
انا شخصياً شايف ان اى حاجه في الموتور مينفعش ابداً نوفر فيها على حساب الجوده الفلاتر ديه هيا روح الموتور وجودتها هتائر جامد على الموتور