البطارية 50 أمبير مش جافة...يحصل حاجة لو الواحد غيرها بجافة 70 امبير
عرض للطباعة
البطارية 50 أمبير مش جافة...يحصل حاجة لو الواحد غيرها بجافة 70 امبير
اخبار الدهان ايه ؟ واستهلاك البنزين داحل المدينه عامل ايه .....معلش انا كثير الاسئله بفكر جديا فى شراء السيارة
ألف مبروك :)
و ربنا يبارك لك فيها و يحفظهالك :)
بسم الله الرحمن الرحيم..
العربية مازالت تثبت كفاااااءة فى المطبات...عالية ومريحة جدا وماتقلقش وانت طالع المطب..
الموتور كفاءته بتزيد يوم بعد يوم...العربية بتنعم اكتر فى المشى خاصة على السرعات العالية يعنى من اول الغيار التالت وانت طالع
الابواب عاوزة ظبط...قفلتها مش عاطفية...قالولى هنظبتها فى صيانة الالف كيلو...أما نشوف
فى رعشة خفيفة فى rpm لما المروحة بتشتغل فى السلانسيه وبتروح علطول بمجرد ما المروحة بتشتغل بس مش دايما..ده بيبقى لما يكون النور الواطى شغال...واحيانا بيحصل الكلام ده لما العربية تقف كتير سلانسيه..بس ده نادر...
التوفير فى البنزين حاجة رووووعة....الصفيحة عملت 240 كيلو جوه البلد....
الخلاصة العربية حلوة حتى الآن...وفى انتظار التوكيل لما نشوف هيعملوا ايه فى الصيانة...
أى أسئلة أنا فى الخدمة...
ربنا يحفظهالك و يباركلك فيها
متابع مع حضرتك اخبار السيارة ومستنى اخبار صيانه الالف كيلو اتمنى لك التوفيق
كنت قلت فى بوست سابق ان فى رعشة خفيفة لما المروحة بتشتغل والعربية سلانسيه...الموضوع ده اختفى تماما بعد ال 500 كيلو...
الماتور بتعها ماتور اية يعنى لانسر لانوس ولا هونداى و ينفع قطع غيار يركب عليها من انواع تانى ولا اية بالضبط عايزين تفاصيل عن الحاجات دى والتيل والاسطوانة والديسك والماستر بنتاع الفرامل والفوانيس والشبكة الامامية يعنى تحطلنا كل التفاصيل دى بكام ومنين واية اللى ممكن يركب من قطع غيار على الماتور وكدة عاييزين التفاصيل بالملل مش هنزهق الله يباركلك فيها ويحميك من شرها
الف مبروك يا باشا ومنتظرين التقرير
اتصلت بالشركة علشان اعرف الماتور بتاع العربية ملتة اية لاقيتهم ولا عارفين حاجة وتايهين وتوهونى معاهم واحد قلى دة المانى والتانى قلى ايرانى بس متقفل فى ايران وواحد تالت قلى دة مصنع المانى ماركة سابيا موجود فى ايران ؟؟؟؟؟؟ الظاهر والله اعلم انهم مش عارفين حاجة
الواحد محتاج زيارة للمصنع يسأل فية ويفهم من الناس اللى هناك نفسهم لان التليفون الناس اللى بترد علية مش عارفين حاجة
وممكن زميلنا واخونا اللى عامل الموضوع دة يجاوب على كل الاستفسارات لانة هو اللى جرب العربية ومشى بيها وشاف الماتور والعربية اكتر واحد ويبالتوفيق
بسم الله الرحمن الرحيم
انا عضو جديد علي المنتدي
انا استلمت التيبا ورخصتها الثلاثاء الماضي 18-2-2014
العربيه بسم الله ما شاء الله تقفيلها ممتاز علشان متقفله بره
ومفيهاش العيوب اللي بتظهر في اي عربيه من بداية الاستلام واللي موجوده في عربيات كتير
بتتقفل في مصر
غير بس رعشة الار بي ام وهي المروحة شغاله مع الانوار وان شاء الله اظبطها مع صيانة الالف
العربيه عامله معايا 850 كم علشان اول ما استلمتها سافرت بيها مرتين في يومين ورا بعض
العربيه في رأيي الشخصي ممتازه بالنسبالي
مبروك الف مبروك ربنا يحميك منها وحافظلك عليها
بس بردوا عايزين تفاصيل عن قصة الماتور وقطع غيارة والعفشة والحاجات اللى ممكن تركب على العربية من قطع غيار لانواع اخرى
اولا مبروك عالعربية و ربنا يبارك لك فيها
انا عاجباني العربية بس بصراحة اللي مخليني متردد في شرائها
اللي سمعته عن الوكيل بتاعها و انه كان له مشاكل مع العملاء من فترة
و كمان موضوع توافر قطع الغيار في السوق
من واقع تجربتك .. ايه رأيك في الوكيل
بص ياباشا من الآخر...الموتور كل الفنيين اللى شافوه قالوا ان قريب جدا لمكنة الجولف....التكنولوجيا ألمانى والتقفيل فى ايران.....المصنع اسمه ميجا موتورز ده اللى عامل الموتور...انا لما دققت فى الموتور اوى لقيت حاجات مدموع عليها germany...حتى السيور كلها مكتوب عليها made in germany....استنانى اسبوع ان شاء الله وهعمل تقرير الالف كيلو واقولك كل التفاصيل بالنسبة للمكونات بتاعت الموتور...
مبروك ياباشا ربنا يبارك لك فيها....انا كان عندى نفس رعشة الار بى ام بس راحت بعد 500 كيلو...عاوزين نسأل فى التوكيل اذا كان ممكن نغير البطارية الخمسين امبير ببطارية سبعين...اعتقد ممكن تفرق ....سؤال ياباشا بالنسبة لصوت المكنة عامل معاك ايه...؟؟؟؟؟
ماتنساش تعملنا تقرير عن صيانة التوكيل لو روحت قبل ما انا اروح اعمل صيانة الالف...وياريت تعرفنى قبل ماتروح علشان عاوزينك تسألهم شوية اسئلة كده...
فلتر هواء 48
فلتر بنزين 50
فلتر زيت 25
تيل فرامى امامى/خلفى 110
شبكة امامية 100
مرايات جانبية 150
فوانيس شبورة 170
فانوس خلفى 220
فانوس امامى 450
اكصدام خلفى 400
اكصدام امامى 450
عندى سؤال محيرنى التوكيل بيقول 85 حصان وموقع السيارة بيقول 80 حصان ....الصح مين؟
العربية ماشى بيها لحد دلوقتى 950 كيلو...ماشاء الله تجميعها على الطريق ممتاز...وسحبها ممتاز..لكن انا مازلت مصمم ان البطارية الخمسين امبير ضعيفة على العربية ولازم تتغير بسبعين امبير...
قفلة الابواب مش عاطفية...بس اى سمكرى بشلن هيظبطها لو التوكيل ماعملهاش...
ياريت تسال ياباشا فى التوكيل على توافر قطع الغيار واسعارها وهل متواجده فى التوكيل بس وﻻ فيه اماكن توزيع تانيه ، وياريت زى ما انتا قولت تعملنا تقرير مفصل وتكلفة الصيانات فى التوكيل سواء ال1000 او الصيانات اللاحقه ، وهل فيه حاجات بتركب عليها من عربيات تانيه وﻻ ﻻ . ومتابعينك بشده .
[QUOTE=slow_song;3875456461]ياريت تسال ياباشا فى التوكيل على توافر قطع الغيار واسعارها وهل متواجده فى التوكيل بس وﻻ فيه اماكن توزيع تانيه ، وياريت زى ما انتا قولت تعملنا تقرير مفصل وتكلفة الصيانات فى التوكيل سواء ال1000 او الصيانات اللاحقه ، وهل فيه حاجات بتركب عليها من عربيات تانيه وﻻ ﻻ . ومتابعينك بشده .[/QUOTE
انا كاتب اسعار قطع الغيار اللى التوكيل بعتهالى...بالنسبة للباقى هعرفه ان شاء الله من التوكيل واكتبهم فى تقرير صيانة الالف...بالنسبة للحاجات اللى تركب عليها دى هيعرفها ميكانيكى شاطر انما التوكيل مش هيقول حاجة...هظبطها برضو ان شاء الله...بس مبدأيا...لمبارح قابلت صديق نازل اجازة من بره ومعاه جولف هناك وقاللى المكنة نفس الشكل والتقسيم اللى عنده ...
انا كاتب اسعار قطع الغيار اللى التوكيل بعتهالى...بالنسبة للباقى هعرفه ان شاء الله من التوكيل واكتبهم فى تقرير صيانة الالف...بالنسبة للحاجات اللى تركب عليها دى هيعرفها ميكانيكى شاطر انما التوكيل مش هيقول حاجة...هظبطها برضو ان شاء الله...بس مبدأيا...لمبارح قابلت صديق نازل اجازة من بره ومعاه جولف هناك وقاللى المكنة نفس الشكل والتقسيم اللى عنده ...
الف مبروك
لو سمحت ممكن تبعتلي رقم تليفونك عشان شوية اسئله عن العربيه
ايه ياباشا فين تقرير صيانة ال1000 انا بنام وبصحى احلم بيه متتأخرش علينا وحياة اغلى حاجة عندك مستنييييييييننننننن
الف مبروك يا باشا .. ربنا يباركلك فيها
اكتر حاجة عجبانى ان العربية فيها abs و ايرباجز
ياريت نعمل قسم خاص بالعربيات السايبا ( تيبا او برايد ) لانها حققت انتشار كبير
ارجو عمل قسم فى المنتدى قريبا ان شاء الله
انا استلمت من كام يوم و رخصت الحمد لله
سايبا برايد
و العربيه كويسه و الحمد لله