الف مبروووك...ربنا يبارك لك فيها ويعطيك خيرها ويكفيك شرها...
فعلا محتاجين قسم للسايبا فى المنتدى...ان شاء الله المشاركات تكتر وادارة المنتدى تعمل القسم ده
عرض للطباعة
ربنا يكرمك
و فعلا العربية حلوه و اقتصادية و التقفيل معقول بالنسبة للثمن
و هتحقق انتشار ان شاء الله بسبب السعر و المميزات الاقتصاديه و كمان العربية مجهزة للغاز لو حضرتك شفت الكتالوج هتلاقى منها غاز
و ياريت موضوع القسم ده هيخلى فى تواصل اكثر ان شاء الله
ممكن
انا مشفتش الكتالوج بتعها
أنا رايح صيانة الالف يوم الأحد إن شاءالله...انتظروا تقرير شامل عن الصيانة...
الف مبروك يا باشا ربنا يمتعك بيها و يديك خيرها و يكفيك شرها. بس انا كنت عاوز اتواصل مع سعادتك بخصوص العربية . عاوز رقم موبايل سعادتك علشان اتصل بحضرتك انا موبايلى 01093073975 واكون شاكر جداً جداً
الماتور الصينى ممكن يكون تويوتا لانسر حاجة كدة ممكن نعرف من الناس اللى معاهم العربية الماتور الايرانى دة ممكن يكون بتاع اى نوع من الماركات المعروفة
روحت التوكيل يوم الاحد وكان فى العربية مايلى:
1- خشانة فى الموتور فى الغيار الاول عامل زى صوت الديسك والاسطوانة
2- سنتر الباب اليمين الامامى علق قبل ماروح بيومين كان شغال يدوى بس من غير الريموت وكمان كان تقيل جدا
3- رشح زيت (خفيف جدا يكاد لايذكر) من عند الرشاش الاولانى ومن الخرطوم اللى طالع من وش المكنة
4- قفلت الابوات غير العاطفية
وصلت الصيانة الساعة 11 ومهندس الاستقبال سجل الملاحظات اللى فاتت كلها
الحقيقة المهندس كل ماحاجة تتعمل بييجى يقولى ...بالنسبة للخشانة قال انها بسبب ان الديبرياج واطى وعلوه شوية...فعلا الصوت راح بنسبة 90% بس مش نهائى بيظهر فى بداية التحرك بالعربية لثوانى
ظبطوا الابواب تمام
صلحوا السنتر...
بالنسبة لرشح الزيت قاللى احنا غيرنا الكوليه وركبنا واحد محمل شوية بس للاسف مغسلوش مكانه فمعرفتش رشح تانى ولا لأه بعد ما روحت البيت وكمان ماخرجتش بالعربية من ساعتها...هغسل المكنة واجرب واقول لكم
المهم غيرت زيتTotal 5w40 10.000 وفلتر ودفعت 317 جنيه 290 زيت و 27 فلتر
يتبع >>>>>>>>>>>>
يالنسبة لقطع الغيار الحقيقية جايبين منها كميات كتيرة جدا ...انا شوفت المخزن مليان لأخره ...ودى بعض اسعارها:
فلتر هوا 52
رفرف 330
زجاج خلفى (فاميه) 385
ريش مساحات 44
رادياتير 800
ديسك 275
اسطوانة 275
مساعد 440 طنبورة 330
الخلاصة :
التوكيل مقبول وان كنت شايف ان لازم يهتم بالعربية اكتر من كده..والناس محترمين وفى منتهى الذوق فى التعامل..
العربية بعد تجربة 1300 كيلو...
العربية انا شايف انها مناسبة جدا للاجواء المصرية...العربية عفيجية بمعنى الكلمة بتهرس بيها فى المطبات والحفر والنقر ومابتزعلش ...
العفشة مممتازة
الفرامل ممتازة
الثبات مممممممممتااااز كنت راجع من التوكيل على الصحراوى وماشى 140 مع عواصف هوا جامدة والعربية ثابتة 100 100
المناورة مممتازة تغير اتجاهك وترجع تانى بكل ثبات من غير مرجحة فى الدركسيون ولا فى العربية
عالية فى المطبات ومريحة جدا الواحد بيبقى داخل على المطب مش شايل همه
فلوسها معقولة بالنسبة لامكانياتها واسعار السوق
عيوبها :
صوت المكنة عالى وان كان اهدى من ساعت ما اشتريت
مش بنعومة الكورى واليابانى بس مش بخشونة اللادا طبعا
تقفيل الفبر والتجاليد فى الصالون على قده..(هقفلها تانى على ايدى بمزاج)
دى خلاصة التجربة حتى الان وكل واحد يحسبها براحته ...وانا فى الخدمة لأى سؤال
تقرير ممتاز ، الله ينور ، شكلى كده هشتريها انا اتصلت بالفعل وقالولى تمنها 63 واللى فيها abs وجنوط 67 ، بس عايز اعرف حاجه هى مش ناعمة اوى يعنى وﻻ ايه وبتحس بالمطبات وتكسير الشوارع وكده وﻻ ايه وايه اخبار العزل بتاعها ، وياريت تقولنا تحطها فى مقارنه مع ايه ومصاريف الترخيص كام ، والصيانات اللى المفروض تعملها كل كام كيلو ومصاريفها ، ومعلش طولت عليك
الف مبروك ربنا يكفيك شرها
العربية ناعمة بس انا قلت مش فى نعومة الكورى واليابانى..(حتى الأن) لكن العربية اداءها بيعلى وبتنعم مع اكتر مع الوقت...يعنى نعومتها دلوقتى بعد 1300 كيلو غير اول ماجبتها...عفشتها ممتازة وبتسد فى تكسير الشوارع والمطبات...
بالنسية للمقارنة الحقيقة معرفش تتقارن بايه...لكن انا قيمتها كعربية جديدة فى السوق بناء على سعرها مقارنة بامكانيتها...
العزل تقدر تقول جيد...
تقرير الصيانة ممتاز جدا ربنا يبركلك فيها ويكفيك شرها
بس هو استفسار هى كيا ريو ماتورها ميجا موتورز ولا انا فاهم غلط ؟ يعنى ممكن اشيل الماتور واحط ماتور كيا ريو
شركة سايبا الايرانية واخدة توكيل كيا من سنين...كان الاول تجميع وبعدين بقى بمكونات محلية 50% وبعدين تصنيع محلى 100% ...عملوا العربية البرايد وكانت بتنزل باسم كيا برايد لحد مابقت الشركة تصنعها بالكامل فبقى اسمها سايبا برايد من 2004...
الشركة فى 2009 حبت تعمل عربية جديدة فعملت التيبا وعملت شراكة مع شركة ميجا موتورز الالمانية علشان تصنع لها الموتور...وبم ان شركة سايبا معاه اصلا توكيل من كيا يالتصنيع ...فقامت سايبا بالتعاون مع ميجا موتورز بتعديل على مكنة البرايد علشان تبقى 1500 بدلا من 1300 وبالبحث والتحرى تبين ان تقسيم المكنة بتاعت التيبا هى نفس مكنة الكيا الريو 2002
https://e0415552026373f497aa-7944524...4d4a/main.jpeg
http://dc396.4shared.com/img/6Qj2vxK...206_145640.jpg
انا كنت قولت فى تقرير الاف كيلو انه كان رشح زيت خفيف من الخرطوم اللى طالع من وش المكنة وانهم فى التوكيل غيروا الكوليه....بعد مامسحت مكان الزيت القديم ومشيت بالعربية النتيجة تمام التمام مفيش رشح نهائى....
[QUOTE=announcer;3875477739]شركة سايبا الايرانية واخدة توكيل كيا من سنين...كان الاول تجميع وبعدين بقى بمكونات محلية 50% وبعدين تصنيع محلى 100% ...عملوا العربية البرايد وكانت بتنزل باسم كيا برايد لحد مابقت الشركة تصنعها بالكامل فبقى اسمها سايبا برايد من 2004...
الشركة فى 2009 حبت تعمل عربية جديدة فعملت التيبا وعملت شراكة مع شركة ميجا موتورز الالمانية علشان تصنع لها الموتور...وبم ان شركة سايبا معاه اصلا توكيل من كيا يالتصنيع ...فقامت سايبا بالتعاون مع ميجا موتورز بتعديل على مكنة البرايد علشان تبقى 1500 بدلا من 1300 وبالبحث والتحرى تبين ان تقسيم المكنة بتاعت التيبا هى نفس مكنة الكيا الريو 2002
https://e0415552026373f497aa-7944524...4d4a/main.jpeg
http://dc396.4shared.com/img/6Qj2vxK...206_145640.jpg[[SIZE="6"]بصراحة كدة انا فهمت ان الماتور ممكن يركب علية حاجة الكيا الريو علية لو التوكيل حصل لة مشاكل
وشكرا لذوق حضرتك واجابتك على الاستفسارات
واتفرجوا بقى على الفديو دة Saipa TIba - YouTube
[Saipa (Tiba Crash Test) - Commercial - YouTube
/SIZE]
تقرير بعد ٢٠٠٠ كيلو
العربية ممتازة فى المطبات والعفشة جيدة
حرارة العربية ثابتة حتى مع الزحمة والمشى البطئ
التكييف جربته فى اليومين الحر اللى فاتوا كان ممتاز ...على اتنين متلج العربية..
بعد ال100 صوت المكنة بيعلى شويتين..
السحب كويس والعربية ناعمة بس غياراتها قصيرة
الكاسيت فى مانع سرقة وله باسورد جبته من التوكيل...
ثبات العربية ممتاز
افل الابواب مازال غير عاطفى...
الخلاصة :
العربية مناسبة للاجواء المصرية وللمستهلك اللى مايقدرش يدفع كتير فى عربية زيرو..بصراحة تستاهل فلوسها و هى اصلا اقل سعر زيرو فى السوق بالمواصفات دى
و نفس الكلام بالنسبة للسايبا برايد
الحمد لله بعد 2500 العربية كويسه و استهلاك البنزين كويس مع سحب مقبول مع التكيف
عيزين قسم خاص لينا علشان نعرف نتبادل المعلومات
واضح من كلام ملاك العربيه ان العربيه الفلوس فيها حلال
يا استاذ هانى كل الزيرو دلوقتى مش زى بتاع زمان...الناس بتركب عربيات ب100 الف جنيه وبيشتكوا منها...فالما تدفع 67 الف فى عربية امكانياتها حلوة وقطع غيارها رخيصة وتستحمل الطرق المصرية يبقى حلال فيها الفلوس ...اكيد طبعا فىها سلبيات لكن مزاياها وفلوسها يشفعوا لها...
كلام زى الفل ربنا يباركلك فيها
والله انا شوفت العربية ولقيت نزل منها 2 ايرباج بدل واحده وقررت ان شاء الله اشتريها وابيع الهاتش باج اللى معايا لانها صغرت على الاولاد:shine[1]:
وعلى فكرة انا عملتلها مقارنة مع اللانوس وبصراحة الاتنين زى بعض مع بعض المواصفات لصالح التيبا زى ارتفاعها عن الارض واتساع كرسى قائد السيارة والاتنين اير باج وال ABS والمساحة الداخلية للكرسى الخلفى الاتنين فيه زى بعض يعنى من الاخر سايق لانوس فول اوبشن من ام 82500 بس دافع فيها 68000:shine[1]:
العربية فيها ايموبلايزر؟
بالرجوع لمواصفات كتالوج السيارة اتضح ان بها نظام الامبوليزر فعلا
وبرضه مانع تكاثف للبخار على الزجاج الخلفى
ومجهزة بنظام مزدوج للوقود ( غاز وبنزين)
من الاخر امكانيات متعددة فى سيارة رينو لوجان من ام 86000 جنيه الشكل الجديد وموجوده بسعر 68000 والله احنا اللى كسبانين:shine[1]:
الخبر ده مش اشاعه لانه بصراحه من اول شهر مايو سيرتفع سعر السيارات الهيونداى والكيا و التيبا وده من بعض الزملاء المقربين داخل السوق وداخل ناشيونال موتورز نفسها
اللى عايز يلحق بسعر 68500 وده اخر سعر للتيبا ام 2 ايرباج قبل الزيادة يتكل على الله
تقرير بعد 4000 كيلو :
***************
بالنسبة للعفشة ممتازة ( العفشجية قالوا انها عفشة كيا ريو بالكامل) الواحد بيفحت بيها فى الشوارع المكسرة وثابتة كفاءة الصراحة
السحب جيد جدا خاصة بعد ما العربية لينت..
غيارات الفتيس قصيرة يمكن علشان العربية 85 حصان
التكييف ممتااااااااز على الاقل فى تجربتى مع العربية بس فى ناس بتقول ان التبريد عندها مش جامد فى الحر...
قطع غيارها حتى الان هى نفسها بتاعت الكيا (غيرت بلية عجلة خلفية بخمسين جنيه فقط لاغير)
ثبات العربية على الطريق فوق فوق فوق الممتاز ...حتى على السرعات العالية ومع المناورة والغرز كمان
قفلت الابواب مش عاطفية تحس انها قفلت باب عربية 32 بس انا هجرب اغير الكاوتش بتاع الابواب واشوف النتيجة
الخلاصة:
******
مازلت اقول ان العربية مناسبة جدا للاجواء والشوارع المصرية ...عالية عن الارض /عفشتها ممتازة / تكييفها ممتاز/ قطع غيارها رخيصة / سعرها مناسب جدا
تحياتى وأى استفسار انا فى الخدمة
سعر العربيه ﻻول فئه النهارده 64500 والفئة التانيه اللى فيها abs وابرباج 68500
والله انا اتكلت على الله وحجزت العربية التيبا دى ام 2 ايرباج زى ما قلتلكم ب68500 جنيه وان شاء الله هجيبها قسط وكل واحد بيمد رجليه على قد لحافه بس بصراحه انا مقتنع بيها بس حاسس بعد الرؤية الفعلية انها ضيقة من ورا - ممكن اخى </B>announcer تطمنى على الموضوع ده؟؟؟؟
والله ياباشا انا طلعت بالعجلة الخلفية على حجر مدبب وكنت على سرعة ...بعدها ظهرت ونة فى العجلة كانت بتزيد مع السرعة ...البلية اللى كانت فيها made in korea يعنى بلية نضيفة مش تعبانة...وبعدين عاوز اقولك ان فى عربيات كيا ونيسان 2014 وفيها عيوب برضو...فا ده مش مقياس ...وبعدين فى الاخر البلية بخمسين جنيه وموجوده فى السوق وده مؤشر جيد لقطع غيار العربية..
[QUOTE=mhaa_eg;3875529987]والله انا اتكلت على الله وحجزت العربية التيبا دى ام 2 ايرباج زى ما قلتلكم ب68500 جنيه وان شاء الله هجيبها قسط وكل واحد بيمد رجليه على قد لحافه بس بصراحه انا مقتنع بيها بس حاسس بعد الرؤية الفعلية انها ضيقة من ورا - ممكن اخى </B>announcer تطمنى على الموضوع ده؟؟؟؟[/QUO
ياباشا العربية واسعة من جوه وشنطتها يركب فيها عيلة بحالها...رغم ان اللى يشوف العربية من بره يقول ضيقة ...وفى صور فى اول مشاركة فى الموضوع...
IMG_20140206_150015 - Download - 4shared
IMG_20140206_150114 - Download - 4shared
توكل على الله ياباشا...العربية جميلة جدا وجامدة وعفية وتسد فى المطبات والحفر وتكييفها محترم وصاجها جامد وقطع غيارها رخيصة ...اى ديفوهات فى العربية مقدور عليها وتتعمل وهنظبط العربية ان شاء الله
ده لينك الجروب بتاع ملاك العربية على الفيس بوك :
https://www.facebook.com/groups/6013...group_activity
معلش عايز اعرف حاجتين
اول حاجه / ايه اخبار الكاسيت والسماعات ياترى صوتهم كويس وفيهم صب وباند وﻻ ايه.
الحاجه التانيه/ انا شوفت العربيه فى معرض بس ﻻحظت ان الفاميه بتاعها خفيف جدا ، هل الفاميه بتاعها مثبوت فى ورقها وبالتالى بينزل على الرخصه وﻻ ايه.
الكاسيت cd mp3 usb flash وفيه الاوبشن بتاع اى كاسيت جديد equalizer / loud on off / وتوزيع السماعات امامى وخلفى يمين وشمال ...صوته حلو ولو التراكات اللى بتسمعها صوتها نضيف هتسمع صوت ممتاز ...يعنى لو غيرت السماعات وجبت سماعات بايونير مثلا هتسمع صوت حكاية
الفامية نفس الدرجة اللى بتنزل بيها اى عربية زيرو ومثبوت طبعا على الرخصة
العربية ماشاء الله بحترمها يوم بعد يوم....
ثبات العربية على السرعات العالية عشرة على عشرة وبصراحة يضاهى أتخن عربية فى السوق
الفرامل ال abs شغالة عشرة على عشرة ولحقتنى فى اكتر من موقف على الطريق .
بالنسبة لقطع الغيار ثبت ان العفشة بتاعت الريو ....بلى العجل بخمسين جنيه عند اى واحد بتاع بلى
انا غيرت سلك الديبرياج (افتكاسة من عندى) قولت اشوف يركب بداله ايه ويمكن يطلع انعم...وفعلا طلع بتاع المازدا 323
التكييف حلو جدا وطبعا خلاص الحر دخل وجربته اكتر من مرة على الطريق....لما ببقى راكب لوحدى بشغله على اتنين فى عز الحر وبيبقى مبرد تمام التمام...
العربية ممتازة فى المطبات....تخش ع المطب بقلب جامد لان العربية عالية من على الارض
الغيارات كانت قصيرة...لكن بدأت تريح...يعنى كنت بنقل من التانى للتالت على سرعة 40 كانت بتبقى يدوب المكنة على الأخر...دلوقتى بنقل الغيار مستريح...معرفش سلك الديبرياج ده له علاقة بالموضوع ولا لأه ..بس عموما الموتور بقى فيه عافية عن اول ما اشتريت...
الخلاصة :
العربية ممتازة وسعرها ممتاز وقطع غيارها رخيصة ولحد دلوقتى فى حاجات كتير بتركب ليها من الكورى واليابانى...
فى طبعا عيوب ظاهرة فى التقفيل زى قفلت الابواب ...وده انا ظبطه على ايدى....
السنتر بيعلق ...خدتهم كده باب ورا التانى ...بس كل باب بيتعمل مابيعلقش تانى...
تحياتى