الموضوع: مشكلة في الافيو

السلام عليكم ورحمة الله
تحية طيبة للجميع وبعد
سيارتي شيفرولية افيو كانت ماشاء الله ذي الفل و بعدين حصل خشونة في الغيارت و تقل في الدبرياج
فغيرت الدسك و اللبلية و الاسطوانة .. و العملية ظبطت -- بعد فترة الدبرياج بقي عالي قوي و الغيار بقي بعيد بس العربية مكانتش فيها مشكلة لحد دلوقتي غير اني لازم اهرس الدبرياج عشان يلقط و المسافة بتاعته مع علو الدواسة كانت صغيرة اللي بيلقط منها المهم (( علي السرعة العالية و كمان و العربية ممورة سواء سخنه او باردة مفيش اي مشكلة )) لكن وهية سخنة و مع الغيار الاول تحديد ( مثلا في اشارة او زحمة ) العربية بتترج كلها ولازم ازودلها جامد عشان الرجة تروح .. و بعدين مجرد ما تمشي و تاخد التاني تبقي زي الفل و لو وقفت تاني تعمل الحكاية دي __ ارجوكم دلوني انا مش عايز اروح لمكانيكي يشتغلني و عارف انكم بإذن الله هتدلوني علي الصح

المشاركة الأصلية كتبت بواسطة amirz

اظبط علو الدبرياج اعتقد محتاج يعلى شوية

متشكر لاهتمامك يا باشا :: هو كان عالي فعلا بعد ما غيرت الحاجة و بعدين وطيته ظبطت شوية بس لسه فيه رجه جامدة عند الأولاني في الزحمة و العربية سخنة . هحاول اروح لحد تاني يظبطه

المشاركة الأصلية كتبت بواسطة ahmedsrs

قطع الغيار الى ركبتها اصلية ولا تقليد كده انت محتاج تغير دسك واسطوانة وبلية وتخرط قرص الفلام

متشكر لاهتمامك يا باشا :: انا ركبت البلية اصلي و الدسك و الاسطوانة استيراد . واحد صاحبي نصحني بكده

المشاركة الأصلية كتبت بواسطة بيشوى_رمزى

اكد على فورش الدبرياج يا باشا

متشكر لاهتمامك يا باشا :: معلش هو الفورش دا فين يا غالي و بيتربط ولا ايه

المشاركة الأصلية كتبت بواسطة كريم kok

الدسك كده مهيس وفعلا زي مابشمهندس محمد ثال وطي الدبرياج ولو لسه موجوده المشكله يبقا الدسك

متشكر لاهتمامك يا باشا ::: هاروح بكرة بإذن الله و يارب ميكونش المشكلة في قطعة الغيار

المشاركة الأصلية كتبت بواسطة moe gawad

بص روح عند حد يوطيلك الدبرياج شويه , لو العربيه فضلت زى ما هى , يبقى الديسك فيه مشكله ولازم يتشاف

متشكر لاهتمامك يا باشا:: مشكلة ان الواحد يستأمن حد علي حاجة و يقرطسه ..

المشاركة الأصلية كتبت بواسطة amirz

يا رب التجار يرحمونا من الجشع ويجيبو قطع غيار نضيفة بقى

متشكر لاهتمامك يا باشا :: والله الواحد زهق منهم بياخدوا اللي بيقولوا عليه و برده يغشوا الواحد الا ما رحم ربي