السلام عليكم ,,,

ازيكو يا احسن منتدى ... بجد والله مش مجاملة انا استفدت منكم كتير جدا وعرفت حاجات فادتني الحمدلله ...

المهم دلوقتي عايز مساعدتكم وارجو الا تبخلو عليا بالردود وجزاكم الله كل خير

انا قررت اني اظبط عربيتي من الالف للياء وربنا يسهل ...
العربية دايهاتسو شارمنت daihatsu charmant 83 اوتوماتيك 1600

هي عربية نادرة طبعا ومعظمكم مايعرفش عنها حاجة ... هيهي ماتورها شبه تويوتا كورولا القديمة

المهم ... سالت وواحد قالي على سمكري شكر فيه اوي في سفط اللبن :lol: :lol: اللي حصل بقى :lol:

المهم قالي سمكرة ودوكو هتكلف 2000 جنيه !!! مع ان الشغل مش كتير اوي مش عارف السعر ده كتير ولا ايه ؟؟؟؟؟؟؟؟؟؟
قال بقى ان الدوكو لوحده 1500 عشان انجليزي ونوع نضيف ومش عارف ايه ... الصراحه لقيت عنده ييجي 6 عربيات كورولا كلها جديدة شغال فيها .

فيه سؤال تاني ... رخصت العربية انتهت ودفعت الضريبة بتاعتها ... ناس قالتلي قدامك شهر واحد عشان تفحص وتجدد ... وناس قالو ان طالما دفعت الضريبة جدد براحتك مفيش غرامة تاخير ... يا ريت حد يقولي عالموضوع ده ضروري .

فيه بقى حاجات تانية هتتعمل ... المارش والتكيف وسروجي وعفشة وظبط وووو دعواتكم بالتوفيق ..

ونشكركم لحسن تعاونكم ,,,