علبة دركسيون صنى 2002

**Ayman_Aly** · 03-02-2014 01:04 AM

العلبة عندى بتتقل لما أقر بمن آخر الدركسيون فى الملفات والعفشجى قال عايزة تتغير
جربت اثنين استيراد مش شغالين كويس كأن مفيش باور
دلوقتى مش عارف اعمل ايه ؟
أجيب واحدة جديدة .. لو جديدة الأصلى بكام ومنين؟
ولا أجرب استيراد تانى ؟

**AYMANEZZE** · 03-02-2014 07:43 AM

اولآ : لازم يكون معاك عفشجى كويس يشوفها قبل ما تركبها .
ثانيأ: ياترى اشتريت العلبة الاستراد بكام ومين لانى محتاج واحدة لموديل 2008 .

**Ayman_Aly** · 03-02-2014 09:06 PM

المشاركة الأصلية كتبت بواسطة aymanezze

اولآ : لازم يكون معاك عفشجى كويس يشوفها قبل ما تركبها .
ثانيأ: ياترى اشتريت العلبة الاستراد بكام ومين لانى محتاج واحدة لموديل 2008 .

شكرا لردك
العلبة شافها العفشجى فعلاً
جبتها من مخزن كبير فى الهرم ش اللبينى اسمه سوسو وجبت كمان طرمبة باور لأن بعد تركيب علبتين استيراد فى يوم واحد والباور كان ضعيف جداً كان التشخيص اللى فاضل إن الطرمبة كمان باظت بسبب إن علبة الدركسيون اللى كانت فى العربية كانت بتسرب زيت الباور، وبعد تركيب الطرمبة الباور اتظبط الحمد لله

سعر العلبة الاستيراد 1100
والطرمبة 400
واعتقد فيه فرق فى الأسعار بين 2002 و 2008. أعتقد 2002 أغلى لأنها مش متوفرة كتير

**mony10** · 09-02-2014 11:15 PM

انا عربيتي 2004 وكان عندي المشكله دي لحد ساعتين كنت ملاحظ لما اجيب الدركسيون على الاخر بيتقل وممكن يعمل صوت ولما قريت الموضوع بتاعك من فتره مقتنعتش بموضوع تغيير العلبه قولت دي مشكلة باور لان الدركسيون شغال وبيلف على الاخر سواء فيه باور او لا المهم روحت للعفشجي من شويه وقولتله على المشكله وكان عندي تحت العلبه الخراطيم معرقه زيت باور المهم فك علبة الزيت ورماه وجاب بنزين ونظف مكان الزيت والعلبه وبعدين ركب وظبط الخرطوم اللي كان بيسرب او بيعرق زيت بسيط وحط زيت جديد ويلف يمين وشمال الزين نقص زود زيت تاني وسابها دايره حوالي 10 دقائق ورجع لف يمين وشمال وظبط مستوى الزيت قفل على كدا وقالي جرب وكانت المفاجئه الدركسيون خفيف جدا بفرق ملحوظ ولفاته سلسه جدا عن الاول مفيش تقل خالص ولا صفاره ولا اي حاجه قالي زيت الباور لازم يتغير كل فتره حوالي 60 الف طبعا انا مغيرتوش خالص من ساعت ما اشتريتها وقالي اعمل 5000 ونكرر الموضوع دا تاني علشان ننظف الطرمبه لو لسه فيها اي شوائب وبعد كدا كل 60 او 80 الف