ظروف زيت بترومين لكورولا 2002

**houba85** · 03-02-2014 12:44 PM

ازيكوا ياشباب

كنت بدور على افضل نوع زيت لعربيتي وكنت سألت والدي هو مقيم في السعودية .. بعد فترة كلمني وقاللي انه اشترالي جركن بترومين سأل عليه اللي شغالين في المركز الي اشترى منه قالوله دة كويس للكورولا .. وطبعا بابا مايعرفش حالة عربيتي ولا ماشية كام كيلو ولا نوع الزيت الحالي واخر تغييرتين ولا حتى المركز نفسه سأل .. فرشحوله بترومين في الغالب على اعتبار انه ينفع كورولا 2002 والعربية دي هناك اتفحتت واقل عربية هناك عدت ال 300 الف كيلو .. بسأل والدي طيب مكتوب عليه تخليقي ولا معدني قاللي مش مكتوب والمفروض انه اتشحن في عربية اختي اللي نازلة مصر الاسبوع الجاي

الي قالقني ان بترومين معبأ محلي في السعودية وانا بقلق من الزيوت المعبئة محليا كفاية عليا اوي موبيل واللي قالقني اكتر ان مفيهوش اي حاجة تقول انه ينفع لاي عربية حتى .. ولا مكتوب رقم اللزوجة ولا هو تخليقي ولا معدني ولا اي حاجة

عاوزة اعرف الي جرب زيوت بترومين بشكل عام رأيهم فيه ايه ؟؟ قلقانة احطه في العربية ماضمنش يعمل ايه في الموتور .. عربيتي كورولا 2002 عملت 80 الف كيلو والموتور 1300 سي سي .. والكتالوج مش معايا حتى عشان اعرف رقم اللزوجة الي يناسب موتوري

**Dr_Smart** · 03-02-2014 04:08 PM

انا ماجربتوش قبل كده لكن فيه زمايلنا هنا جربوه وشكرو فيه .. اعتقد ان هو معدني 20w50 .. عموما عربيتك مش عامله كيلومتر عالي لو كنت بتستخدم تخليقي ومرتاح عليه يبقى كمل بيه لكن لو كنت بتستخدم معدني يبقى توكل على الله بترومين سمعته كويسة

**houba85** · 03-02-2014 07:29 PM

المشاركة الأصلية كتبت بواسطة dr_smart

انا ماجربتوش قبل كده لكن فيه زمايلنا هنا جربوه وشكرو فيه .. اعتقد ان هو معدني 20w50 .. عموما عربيتك مش عامله كيلومتر عالي لو كنت بتستخدم تخليقي ومرتاح عليه يبقى كمل بيه لكن لو كنت بتستخدم معدني يبقى توكل على الله بترومين سمعته كويسة

لا انا ماشية تخليقي من الاول .. بس اللي افتكره وكان مكتوب على العبوة ( مصنع من زيوت مستخرجة من مشتقات البترول ) .. فاعتقد انه تخليقي كدة .. صح ولا ايه ؟؟ .. رغم ان في العبوة ولا مكتوب ان كان معدني ولا تخليقي او حتى كاتب حاجة عن اللزوجة

**Dr_Smart** · 04-02-2014 03:33 AM

لا الجملة دي مش معناها انه تخليقي .. اعتقد بترومين مش بتعمل زيت تخليقي .. بس الله اعلم يمكن بيتباع في السعودية ومش موجود هنا .. بس استنى لما العبوة توصل بالسلامة وابقى اقرا اللي مكتوب عليها ( اكيد مكتوب عليها درجة الزوجة عالأقل )

**houba85** · 16-02-2014 08:46 PM

المشاركة الأصلية كتبت بواسطة Dr_Smart

لا الجملة دي مش معناها انه تخليقي .. اعتقد بترومين مش بتعمل زيت تخليقي .. بس الله اعلم يمكن بيتباع في السعودية ومش موجود هنا .. بس استنى لما العبوة توصل بالسلامة وابقى اقرا اللي مكتوب عليها ( اكيد مكتوب عليها درجة الزوجة عالأقل )

بعتذر عن الرد المتأخر

هو فعلا كان مكتوب درجة للزوجة 20w50

ومش عارفة لو اللزوجة دي تنفع لعربيتي ولالا الكتالوج ضايع مني للاسف .. المفروض ان العداد عامل 80 الف كيلو والعربية موديل 2002

عموما علب الزيت وصلت النهاردة والصور اهي :

**aboomar22** · 16-02-2014 10:12 PM

علشان متبقاش قلقان نزل الزيت اللى فيها وحطلها شل او كاسترول ايدج

**Dr_Moustafa** · 16-02-2014 10:41 PM

زيت بترومين سوبر الترا 7 - ليس زيت تخليقى
ده زيت مخلط ، ذو درجة لزوجه عاليه نسبيا

**the lawyer** · 17-02-2014 09:58 AM

حرام تحط زيت زي ده في عربيتك ،،، المفروض اللزوجة عندك متعديش 10w40 ، موتورك يعتبر جديد لسة مكملش 100 ألف كم ، نصيحة بيعه وهات زيت فالفولين أو ليكوي مولي

**houba85** · 20-02-2014 09:01 PM

المشاركة الأصلية كتبت بواسطة aboomar22

علشان متبقاش قلقان نزل الزيت اللى فيها وحطلها شل او كاسترول ايدج

المشاركة الأصلية كتبت بواسطة Dr_Moustafa

زيت بترومين سوبر الترا 7 - ليس زيت تخليقى
ده زيت مخلط ، ذو درجة لزوجه عاليه نسبيا

المشاركة الأصلية كتبت بواسطة the lawyer

حرام تحط زيت زي ده في عربيتك ،،، المفروض اللزوجة عندك متعديش 10w40 ، موتورك يعتبر جديد لسة مكملش 100 ألف كم ، نصيحة بيعه وهات زيت فالفولين أو ليكوي مولي

اشكركوا ياشباب .. انا امبارح غيرت الزيت وجبت بيزول الترا لونج لايف 5w40 .. طبعا اي حاجة ححطها حتبقى ارحم بكتير من موبيل وان .. الزيت نزل محروق بعد 5 الاف كيلو ومكنتش مكملاهم اصلا .. بعد ماحطيت بيزول لقيت صوت الموتور هدي عن الاول بكتير .. طبعا معلومة ان موبيل وان خشن على العربية وبيعلي الموتور ماكانتش لسة وصلت لي قبل ما احطه .. وحشوف صرفة لبترومين واللي عاوزه ياشباب انا عارضاه للبيع

**zendo** · 21-02-2014 03:03 AM

المشاركة الأصلية كتبت بواسطة houba85

اشكركوا ياشباب .. انا امبارح غيرت الزيت وجبت بيزول الترا لونج لايف 5w40 .. طبعا اي حاجة ححطها حتبقى ارحم بكتير من موبيل وان .. الزيت نزل محروق بعد 5 الاف كيلو ومكنتش مكملاهم اصلا .. بعد ماحطيت بيزول لقيت صوت الموتور هدي عن الاول بكتير .. طبعا معلومة ان موبيل وان خشن على العربية وبيعلي الموتور ماكانتش لسة وصلت لي قبل ما احطه .. وحشوف صرفة لبترومين واللي عاوزه ياشباب انا عارضاه للبيع

بيزول عامل معاك اية اصل انا حاطط 20-50 منه ومش مريحنى وناس هنا شككتنى فيه ياريت لتوضيح