ليلة سعيدة عليكم يا شباب... هى مش مشكلة على قد ما هية موقف عجيب
انا طبيعة شغلى عجيبة شوية فبمشى متأخر زى دلوقتى.. خلصت شغل و نزلت فتحت العربية بالريموت عادى و دخلت العربية و حطيت المفتاح فى الكونتاكت و إستنيت طلمبة البنزين تشتغل و الزيت يلف عالموتور و دورت .. و هوب العربية بطلت و الإنذار إشتغل...شيلت المفتاح من الكونتاكت و قفلت بالريموت و فتحت تانى و دورت ... هوب تانى اللإنذار إشتغل و العربية بطلت .. و لما كررت الكرة مرة تالتة .. الكهرباء فصلت عن العربية كلها.
من الشرح باين طبعآ ان الإيموبيليزر كان قافش عليا و عالمفتاح الأصلى و ان الكنترول واخد أمر بفصل الكهربا عن العربية بعد 3 مرات محاولة خاطئة .. و دة شيئ كويس جدآ .. بس إلي مش كويس إنة يشوف المفتاح الأصلى مضروب, لأن دة يثبت إن السينسور سقعان او إن التوصيلات كان فيها حاجة.
العجيب انى لما إستنيت شوية و قفلت و دورت تانى العربية إشتغلت و دارت و مشيت طبيعى جدآ الحمد لله .. الحكاية دى حصلت مع واحد صاحبى معاه x1 بنفس الطريقة بس دة راح التوكيل بهدلهم... هل انا ممكن ابهدلهم ولا هايقلى مادام إشتغلت و مشيت عايز إية تانى ؟؟
و إلي مضايقنى اكتر إنى عرفت طريقة ممكن اضحك بيها عالإيموبيليزر .. هى مش سهلة بس ممكنة و بفكر جدآ اعمل الكونترول إلي بمفتاح يفصل الكهربا عن العربية كلها خالص, و الحمد لله إنها جت على قد كدة --غير كدة بقى العربية الحمد لله جميلة و إنتظرو الموضوع القادم-- و دمتم