الموضوع: للأسف ... عملت حادثة موت بـــ(بيجو301) و محتاج خبرة الاعضاء

حمدالله ع سلامة حضرتك.
اللهم أجره في مصيبته و اخلفه خيرا منها.

حمدالله علي السلامه .. نفس حادثتك عاملها زميل ليا بهيونداي النترا علي. 110 120 كيلو /الساعه و خبط من غير ما يشوف خبط في ايه و خرج بجرح كبير في الجبهه و كسر في اليد الشمال و و كسر في الحوض و عمليات متنوعه لحد دلوقتي من شهور و نفس منظر عربيتك و يمكن اقل في الخساير بس هو اتصاب جامد
و باع العربيه حوادث و دي هيونداي اللي قطع غيارها في السوبرماركت
انا شايف انك تعمل كده و تبيعها حوادث و احتسبها عند ربنا لان عمر العربيه ما حترجع زي الاول.
و الحمد لله ان الخساره جت فيها و انك سليم .. احسن ما كنت تزعل علي نفسك او تزعل غيرك عليك .. قول الحمد لله
و حسبي الله في اصحاب العربيتين النقل اللي بيركنوا من غير اي انتظار و لا مكان منور علشان الطريق يشوفهم
قدر الله و ما شاء فعل

مليون حمد الله علي سلامتك وفداك ...عارف ومقدر احساسك..بس ربنا فداك وهيعوضك بأذنه
رأي بيعها حوادث واسترى عربية جديدة أفضل كتيير... ربنا معاك

قدر الله و ما شاء فعل ....المهم انك بخير
ربنا يعوض عليك

قدر الله و ما شاء فعل
الحمد لله انك طلعت منها سليم، شكل العربية يخض فعلا
من كلام حضرتك واضح انك مش مأمن. بالنسبة للتصليح، موضوع التوكيل دة تنساة خالص عشان زى ما قالك عمرو هيقدروا الاصلاحات باكتر من تمن العربية نفسها بكتير كمان، موضوع النص دة هو الحل الوحيد و إن كان هيتكلف كتير برضة عشان العربية لسة جديدة و النص نفسة هيبقى غالى اوى عشان العربية جديدة، دة غير المصنعيات و السمكرة وخلافة و بعد دة كلة عمر العربية مهتتظبط. رأى الشخصى انك تستعوض ربنا و تبيعها حوادث.

وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ * أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ