ما هى اعراض تلف علبة وبلف الكانستر & طلمبة المياه & حساس الحرارة
السلام عليكم ورحمة الله وبركاته
شباب المنتدى الكرام
عندي شويه استفسارات....عربيتي لانوس 1 اوروبي 97
1- إزاى اعرف ان منظومة الكانستر شغالة بكفاءة علشان فكينا تنك البنزين قريب للحام خرم صغير وبعد التركيب بفترة بسيطة موتور طلمبة البنزين عمل زنة جامدة والزملاء نصحوني اني مسكوتش عليها ممكن تقف فجأة فركبت طلمبة كاملة استعمال حالتها لغاية دلوقتي كويسة... بس في م.سمير حظر ان لو الكانستر بايظ ممكن يكون هو سبب تلف موتور الطلمبة بتاعة البنزين فخايف يكون الميكانيكي موصلهاش كويس وتكون هى السبب في تلف الطلمبة القديمة والجديدة تحصلها أتأكد ازاى انها متوصلة صح وتعمل بكفاءة واعراض تلفها
2- إزاى اعرف ان طلمبة الميه شغالة كويس ماضعفتش وهل علشان الميه تدور وتتحرك في القربة والعربية دايرة وسخنة لازم اكون دايس بنزين عشان تلف غير كده الميه مابتتحركش فالقربة
3-حساس الحرارة اتأكد ازاى انه مابيهيسش عشان ساعات بلاقي الموتور سخن جامد والميه الخضرا فالقربة في مستواها ومؤشر الحرارة فالمنتصف بس الموتور سخن جامد وفي بخار مياه ونقط مياه من الشكمان بتخرج بعد مشوار مثلا
مع الشكر لكم جميعا
