تمام العربيه الليجانزا دى اولا فى ركوبها حتحس بانبهار وده لانها تسمى زلموكه الدايو وهى فعلا ركوبها زى الزلموكه نيجى للموتور موتور جبار 2000 سى سى حمل براحتك وسافر وحمل ركاب وشنط زى ما تحب براحتك حطير بيكم برضوا ...الكراسى والكنبه الخلفيه واسعين ومريحين جدااا بالنسبه لنفس اسعار السيارات اللى فى نفس سعرها !! استهلاكها للبنزين ده بيتوقف على حاجات كتير واهمها الحموله والاوزان اللى فى العربيه والعربيه اتوماتيك والا مانويل وسواقتك هاديه والا عنيفه الليجانزا بتاعتنا عامله 20 الف كيلو دلوقتى وبتعمل فى ال 20 لتر فى السفر على سرعه 100 ثابت بتعمل 200 كيلو وهى اتوماتيك اظن استهلاك معقول بالنسبه ل200 سىسى بس خالى بالك من نقطتين العربيه عامله 20 الف كيلو وزيرو والمشى على سرعه منتظمه 100 وكنت انا ووالدى بس فى العربيه بدون اى حمولات ده المره اللى جربت فيها استهلاك البنزين وكانت رائعه بالنسبه للاعتماديه العربيه معانا من 12 الف كيلو ودلوقتى بالظبط 22 الف كيلو يعنى عملنا بيها 10 الف فقط لاغير واللى احنا عملناه هو تغير الفلاتر والبوجيهات عند ال 20 فقط لاغير واللى كانت معاه من الزيرو تبعنا ومش اتعمل اى حاجه فى العربيه غير الصيانه العاديه فقط ... عاوز اعرفك نقطه مهمه العربيه دى محترمه جداااا بس اللى بتكلم عليها المحترم منها مش معظم اللى بشوفوا فى السوق يعنى لو ادامك حاجه نظيفه زى بتاعتنا او حاله مشابهة مش تفكر اكيد ولا تتردد...نيجى لموضوع قطع الغيار مش غاليه هى قريبه من النوبيرا وارخص من الانوس بس فرقها كلام بسيط عن النوبيرا وانا مش غيرت حاجه بس بسال يعنى وحاجتها موجوده فى شارع العشرين فى فيصل موجوده استيراد وكله تمام والاسعار 100100... نيجى بقى لشويه حاجات كده مش عجبتنى انا شخصيا وده لانى شب بس مش عارف تفرق معاك انت والا لا بس هى حاجات لا تذكر بس اهمها سعر اعاده البيع واقع جدااااااااااااااااااااااا ااا بالنسبه للانوس والنوبيرا وده مش معناه انهم احسن لا لا الليجانزا عمتهم كلهم احنا جبنا التلاته واخرهم الليجانزا بجد عمتهم بس سعرها فى اعاده البيع واقع جدا يعنى مثلا الراجل صاحب والدى اللى اشتريناها منو كان جايبها سبشيل اوردر استيراد من بره وواقفه عليه لحد ما استلامها هنا زيرو ب 155 الف جنيهيعمل بيها 12 الف كيلو وجاه يبعها لينا خسر فيها كام ؟؟؟ خسر 55 الف جنيه وانا اعلم ان اسعرها فى السوق تتراوح ما بين 50 و70 بالكتير بس دى مش حالات اصلا وكمان اللى معانا جايا سبشيل اوردر من بره مش زى اللى هنا بس بصراحه مش راكبت اللى هنا علشان اقارن بس الشكل واحد بس اللى معانا اقدر اقول ان فيها زينون بتاعها فوج لايت جنوط سبور نيكل اصلى بتاعتها وفتحه سقف وكراسى كهربا ومكان مبدخل المفتاح الدايره بتاعت الكونتاكت بتنور رائعه جداااااااا ومكيفانى الحركه دى هى حركه بسيطه بس عجبتنى كمان حاجه مش عجبتنى غير سعر اعاده البيع ابعاد العربيه واكمنى انا شب فعاوز اخد غرز بقى ههههههه زى اللى باخدها بالاكسنت او الرينو كليو تيجى تلاقيها صعبه بعض الشيء فى الليجانزا لانها مش مصممه لكده ولو خت بيها غرزه المنظر العام من فخامه العربيه مش يدى انها كده هههههههه ده بجد حقيقى وكمان الشد والسحب ضعيف فى الاول لو محمل حموله لكن عدى سرعه ال 100 وشوف الطياران باى حموله والموتور مرتاح ومحدش حيوصلك والا حيفكر انا كنت بشد مع بى ام ومرسيدس ولانسر وتويبوتا والكلام ده بس الانسر والتويوتا اساسا مكنتش بشوفهم بطلع منهم بكتيييير ميجوش جمبها اصلا لكن بى ام ومرسيدس حتعافر معاهم بس حتجيب برضوا موتورها فعلا جبااار وكمان طولها بقى يا باشا ولو بتركن فى مكان عربيه عاديه
مش مكان سوبر يعنى لليجانزا
هى باور فاجر
بس الطول بقى بس حتاخد عليها وانصحك بباركنج سينسور خلفى لو هى مش جايه بيه زى اللى عندنا .......... ياريت اكون رديت على كل حاجه حضرتك تحتاجها ولو فى استفسار انا تحت امرك ولو عاوز تقولى مواصفات العربيه بالكامل المعروضه عليك وسعرها والمواصفات كامله وافيدك اووك وانا تحت امرك
المفضلات