الموضوع: مشكله ف الفرامل

ازيكوا يارجاله ..... يارب تكونا بخير.......انا عندي مشكله ف الفرامل مدوخاني بقالي 4 ايام.....الموضوع من البدايه اني غيرت حبة حاجات بايظه ف العفشه....جلب على كاوتش ميزان على كاوتش دركسيون ...........المهم العفشجي قفل شغله وكله تمام ...... طلعت اجرب لقيت الفرامل بتهرب ........ايه ياعم الحاج قالي ان الماستر بتاع الفرامل ضرب .... قلت مش مشكله .......رحت رايح جايب ماستر فرامل تايواني ب 350 ج ....ورحت للعفشجي عشان اركبه.... ركب الماستر وكله تمام طلعت اجرب .....مبدئيا الربع الاولاني ف الدوسه مفيهوش فرامل .... قلت مش مشكله .... جيت وانا بلف العربيه شمال خالص بدوس فرامل القى الدواسه تهرب مني للآخر ومفيش فرامل خالص....رجعت للعفشجي آخد الهوا من الاربع عجلات ولكن الخزنه مرضيتش تحضر الفرامل ......وقالي الخزنه الجديده دي بايظه وممكن تكون عيب مصنع...المهم رحت بدلتها بواحده تانيه جديده بردو ومتبرشمه من نفس الراجل ....بنجرب الخزنه وبتحضر ........اطلع اجرب و الفرامل كويسه طول منا ماشي على طول .....لكن مجرد ما الف الدركسيون شمال للآخر وبعدين ادوس فرامل الدواسه تهرب.....ولما امشي شويه الفرامل تعلى تاني .....وهكذا......العفشجي قالي الماستر دا كمان بايظ و جابلي خزنة مستعمله من عنده وعملت نفس المشكله ....رحت لعفشجي تاني قالي العيب من ماستر الفرامل بردو.....آخر ما زهقت طلعت على بورسعيد ورحت لعفشجي هناك جرب الماستر اللي انا شاريه جديد ..... وبردو الماستر يحضر وامشي والفرامل زي الفل ومجرد ما الف الدركسيون للآخر الفرامل تهرب...... العفشجي قالي كدا يبقى العيب من السيرفو ....آسف للاطاله .....المشكله دي مدايقاني جدا وانا بصراحه احترت ...... وحابب اعرف رأيكوا ف المشكله دي ..........

المشاركة الأصلية كتبت بواسطة ahmedabeed

متابع عندى نفس المشكلة

منور ياباشا الموضوع .......و مبدئيا كدا انا رحت اشتريت سيرفو استيراد وركبته.....وطلع نفس العيب بردو ان دواسة الفرامل بتهرب للاخر.....العفشجي بتاعي كلم واحد صاحبه ....وخلاه نزل تحت العربيه وخلاني الف الدركسيون للاخر يمين وشمال....وبعدين قالي انا عرفت العيب من ايه .....و ف الاخر طلع مش مزبط المساعدين كويس او مركبهم غلط او حاجه زي كدا ...وبعدين طلعت اجرب الفرامل زبطت اخيييييييييييييرا بعد ما نشفت دمي و خسرتني ماستر فرامل وسيرفو ملهمش لازمة ب 500 ج .... ولكن قدر الله ماشاء فعل ....ف لو حابب تديني فكره عن المشكله اللي عندك عرفني......