ياه يا عبد الصمد:-
الف مبروك ياعم محمد وربنا يديك خيرها ويكفيك شرهاd:-d
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
من شهر اغسطس 2013 و انا بفكر اشترى عربيه جديده و مرورا على الكورى زى الاكسنت rb و كيا ريو الى اليابانى تويوتا يارس و الانسر اللى شكلها مش عايز يتيغير .. و التفكير فى جين 2 و اللى كان فاضل عز العرب يطلع ليا فى الحلم يقولى يا ابنى ابعد عنى يا ابنى انت مش حتستحمل مشاكلي
حتى الوصول لإقتراح البيجو 301 كسياره جديده فى نفس المبلغ المرصود للعربيه
و كنت شفت العربيه على الدائرى و افتكرت انها بمبلغ مش اقل من 200 الف و كتفكير مواطن مصرى عن الفرنساوى و بالذات بيجو يبقى قطع غيارها ب 200 الف كمان :)) إلا ان العربيه عجبتنى و كنت لا افقه شىء عنها .. و ربنا يجازيه خير اللى قالى عليها و اقترحها عليا :)
و مرورا بنظريه سواق التاكسي اللى كل لما اسأل حد اشترى ايه يقولى عربيه لما تبعها متخسرش كتير و قطع غيارها متوفره و موفره فى البنزين و تتحمل ( لازم تكون بتعوم فى الجو و تطير فى البحر و يركب فيها 6 و تمشي فى الجبل من غير ما تحك فى مطب ) و بعد ده كله عايزين يبيعوا العربيه و يكسبوا فيها
ده خمس نجوم اللى سمعته من الناس ده ههههههههههههه
حجزت العربيه من التوكيل علشان اضمن المعامله و ان العربيه تكون سليمه 100 % و مفيش فيها اى مشاكل او حركات .. دفعت 10 الاف مقدم حجز فى المعادى هاى لاين High Line لون موكا او فيرانى فى اول نوفمبر 2013 بعد ابحاث و مناقشات منها المفيد زى اللى عرفته من نايل موتورز و كل الاعضاء المحترمه المتميزين بكرم المعلومات بصراحه :) .. و منها الغير مفيد من اصحاب و معارف كان ظاهرهم انهم فاهمين فى العربيات بس طلعت معلوماتهم نص نص :) و لهم كل التقدير
و بعد 3 شهور و اقل بايام :) عدوا كأنهم سنين .. اتصل بيا التوكيل و قالي تعالى كمل باقى تمن العربيه و كملت المبلغ ليصبح السعر النهائي عند الاستلام 135950 ج م
تم تحديد العربيه و بعد 10 ايام كلمونى استلم العربيه مع الورق مع الضمان و كله و كنت سعيد بده جدا :) فى 27 يناير 2014 بقيت بيجاوى :) و الحمد لله اول عربيه امتلكها
بعد الرغي ده كله نتكلم عن العربيه نفسها
استلمت العربيه بنص تانك البنزين و ماشيه 5 كيلو فقط و مغسوله و كله تمام و استقبلت اتصال من التوكيل سأنى عن الاستلام و موظف المبيعات و انطباعى عن الموضوع كله و بصراحه سلمونى العربيه بعد شرح لكل حاجه فيها لمده نص ساعه تقريبا وضحولى كل حاجه فى العربيه
العجل كان على 44 و حسيت بكل طوبه و مطب لحد ما وصلت لبتاع الكاوتش و ظبطها على 32 و احساس تانى خالص فى العفشه .. مش ناعمه اوى بس جميله و مريحه
طبعا الامان و ده كان عامل مهم ان العربيه فيها 2 airbag و ABS و EBD و ايموبلايزر و صاج قوى و محمل ما شاء الله
و فعلا الفرامل على السرعات الهاديه ممتازه و لسه مجربتش السرعات العاليه ( بحاول احافظ على العربيه فى اول 1000 كيلو مع انها متلينه )
العربيه كشكل خارجى تحفه و شيك جدا
شكل داخلى انا عن نفسى انبهرت من اول ما شفتها فى المعرض اول مره :)
ارتفاع العربيه ممتاز و مجربها مع مطبات رخمه
التابلو من جوه شيك اوى و هادى و الوان الاضاءه مريحه
درج التابلوه كبير اوى بس صعب توصل لحاجه جواه و انت سايق لانه عميق بزياده و محتاج تميل اوى لحد ما توصله
الابواب و الشنطه فيهم صعوبه شويه فى القفل بس دى حاجه بسيطه و ممكن تتظبط فى اول صيانه و لو انى اتعودت عليها
المرايات كبيره و تحريكها بالكهربا بيساعد بصوره ممتاز خصوصا فى الركنه جنب سور قصير
الموتور صوته خشن شويه و اعلى من الكرولا 2012 ( المعروفه بانها هششش خالص هههه ) لكن لحد سرعه 80 و 90 مش مسوع جوه العربيه و انا قافل الازاز و مشغل التكييف كمان
التكيف ممتاااز و قصه ال recycle دى لما بشغلها و قالي يوم الاستلام شغلها على طول .. فعلا مش بشم اى ريحه تراب او دخان او اى حاجه من بره العربيه
صوت السماعات و الساوند سستم جميل و سمعت ام كلثوم يااااا أكرم ههههه
باور الدركسيون مقبول بس الكرولا انعم و اخف .. حتى لو هى فئه اعلى فانا بحاول اوضح بيها كمثال لانها في البيت عندنا
السحب مبهر و مغري :)) بس انا ماسك نفسي و بقول اخد بنصيحه الناس اللى قالت ليا امشي هادى فى الاول كانك بتليين ..
استجابه العربيه للسرعه مقبوله كمجمل ... انا بخطف اى ملف بسرعه و سهوله و بلمسه بنزين العربيه بتكون عايزه تجري .... من الصفر الى 80 بجد كأنى ماشى على السلانسيه لسه .. ( يظهر الثبات حيكون ممتاز مع الجري لكن لسه مجربتش )
الفتيس لا يوجد فيه اى نتشه أكرر الفتيس لا يوجد فيه اى نتشه .. انا مقضيها اول و تانى علشان احاول احس بالنتشه دى مش لاقي اى حاجه ..
البلوتوث و ربط الموبايل و التعامل مع الشاشه سهل .. خدت وقت شويه على ما اتعودت على اماكن زراير الازاز بس لطيفه .. ال parking sensor حاجه فعلا مهمه و مفيده لما بيظهر 4 شرط يبقي كده فاضل 25 الى 30 سم
اضائه الكشافات بتفرش بشكل مقبول جدا و مش محتاجه زينون و لا الجو ده
العربيه واسعه بشكل ممتاز و الشنطه بحر بصراحه
من العيوب اماكن التخزين فعلا زى فين احط الموبايل !! و كانت محتاجه اضائه ورا فى الصالون او جيوب فى ضهر الكراسى الاماميه ( اى حاجه للناس اللى حتركب ورا هههه ) لكن موبايلى بيدخل فى المسند و مكان مش وحش و ساعات بحطه فى الباب جنب رجلي و اربط بلوتوث و انطلق ;)
صوت حزام الامان رخم بس بحاول انى اربطه على طول و مش عيب بالنسبه ليا
العزل ممتااااااااز .. انا بفتح الازاز علشان اسمع لو فى حد بيضرب كلاكس و لا ايه اللى بيحصل فى الشارع حواليا ... و طبعا جربت الكلاكس .. بيثبت اى توكتوك او ميكروباص .. حاسه كانه كلاكس عربيه نص نقل هههههههه
رخصت العربيه و اتكلفت 320 جنيه تامين اجبارى و ملف ب 55 جنيه و شويه تصوير ورق ب 20 جنيه و ترخيص 830 جنيه 3 سنين و شويه اكراميات مش محسوبه ;) انت فى مصر
و عقبال كل اللى حاجزين يستلموا .. و بجد العربيه تستاهل تمنها و تستاهل الانتظار و سوف نوافيكم بكل التفاصيل المستقبليه :)
و اخيرا كنت ماشي بيها و إذ به BMW316 2004 او 2005 تقريبا جايه فى المقابل و اللي سايقها بيبص على العربيه اوى و انا ماشي واحده واحده .. و فجأه لاقيته هدى و لسه بيبص علي العربيه و هب .. فرمل مره واحده و شفته فى المرايه بيرجع لورا و بيدخل الجراج بعد ما فوته ههههههههههههه
ادعولي بقا ربنا يستر
رقم العضوية : 140967
تاريخ التسجيل : 16Apr2013
المشاركات : 609
النوع : ذكر
الاقامة : damietta
السيارة: لا يوجد
السيارة[2]: peugoet 301 A/T 2014.
الحالة :
ياه يا عبد الصمد:-
الف مبروك ياعم محمد وربنا يديك خيرها ويكفيك شرهاd:-d
Www.facebook.com/groups/peugeot.301.fans
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
رقم العضوية : 140967
تاريخ التسجيل : 16Apr2013
المشاركات : 609
النوع : ذكر
الاقامة : damietta
السيارة: لا يوجد
السيارة[2]: peugoet 301 A/T 2014.
الحالة :
العربية فعلا جراية بمجرد ما تلمس دواسة البنزين انا ببقي متكدر احلي تكديرة لما امشي ورا حد ماشي واحدة واحدة
وربنا يستر طريقك وطريقنا
Www.facebook.com/groups/peugeot.301.fans
رقم العضوية : 145421
تاريخ التسجيل : 18Jun2013
المشاركات : 2,007
النوع : ذكر
الاقامة : Egypt
السيارة: ..........
السيارة[2]: ............
دراجة بخارية: .......
الحالة :
الف مبروك و ربنا يديلك خيرها و يكفيك شرها وال301 عربيه ممتازه تستحق التقدير
رقم العضوية : 151607
تاريخ التسجيل : 13Nov2013
المشاركات : 96
النوع : ذكر
الاقامة : مصر
السيارة: لا يوجد
السيارة[2]: Peugeot 301 HL
الحالة :
موضوع جميل جدا ووصف جميل
ربنا يباركلك فيها يامحمد ويديك خيرها ويكفيك شرها امين يارب
Eng. Mohammed Adel
egypt0 سابقا
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
رقم العضوية : 151563
تاريخ التسجيل : 13Nov2013
المشاركات : 121
النوع : ذكر
الاقامة : الشرقية
السيارة: بيجو301
السيارة[2]: مرسيدس
الحالة :
الف مبروك يا استاذ محمد ربنا يديك خيرها و يمنع عنك شرها يا رب .... حاول تشغل فيها الرقية الشرعية الفترة دي لان العربية فعلا بتتحسد بشكل غريب و مش طبيعي .... ما تتخنقش من الناس المتطفليين الي هاتلاقي واحد مدخلك راسه من الزجاج و بيسألك العربية دي بكام ؟ او يقولك انت شاريها كاش و لا قسط ؟ اسئلة من الي بتجيب شلل دي .... ياريت بس تأكدلنا ان التوكيل هو الي قالك ان العربية قيها abs , abd , imoblizer عشان الناس الي لسة بتشكك في الامور دي ..... الف مبروك و ان شاء الله يوم عن يوم هاتحس انك الحمد لله اتوفقت للاختيار الصح
المفضلات