الاسباب من وجهة نظرى المتواضعه
اقتباس:
المشاركة الأصلية كتبت بواسطة psycholain
بشمهندس محمد
اشكرك للمشاركة الفعالة في قسم تويوتا , بس انا كنت طالب من حضرتك طلب صغير انك توضح السبب اللي خلاك تبيع الكورولا و سبب اللي مخلي ناس تعرضها علي كونتاكت و هو انخفاضها النسبي عشان ميحصلش لبس عند الناس ان فيه مشاكل اخرى وذلك للحيادية و لافادة الجميع لأن لو واحد مش عارف موضوع الانخفاض ده ممكن يخرجها برو حساباته رغم انه ممكن يكون عاوزها بس يفهم من كلام حضرتك ان فيه مشاكل تانية و العربية سيئة, خصوصا ان الدفعات الجديدة هتنزل معدلة الارتفاع و القديم هيتعدل في التوكيل و ساعتها المشكلة الوحيدة اللي فيها (رغم اني مش شايفها مشكلة) هتتحل و ساعتها كل المترددين هيشتروها و هتكتسح في الفئة دي ان شاء الله , وساعتها مش هتلاقي ولا عربية علي كونتاكت لأن اللي عارضين معظمهم ميعرفش موضوع التعديل ده وفاكرين العربية هتفضل منخفضة .
تقبل مرورى و كامل الاحترام لحضرتك
مساء الخير ..... اولا انا لم اقل ان الكورولا سيئه بالعكس سياره جيده بدليل انى اشتريت 2 اول ما نزلت بعد البحث والمقارنه بالاضافه الى شكلها الاسطورى من وجهة نظرى خارجيا ولكن بعد استعمال شهرين مقدرتش استحمل الانخفاض الغير طبيعى للسياره مما يجعل قائدها بحاله نفسيه سيئه لانه دفع مبلغ مش قليل فى سياره معتقد انها سيارة احلامه وعلى فكره انا عرفت موضوع التعديل بعد 1000 كم من توكيل تويوتا ولكن انا عمرى ما هلعب فى سياره فى التوكيل بعد ما انا دافع المبلغ ده اكيد هيسفر عن مشاكل اخرى وحتى السيارات الى هتيجى متعدله اعتقد والله اعلم مش هتكون مظبوطه نظرا للتعديل الاجبارى حتى يتم بيع اكثر عدد من السيارات وبعدها هيقولو هيتم التعديل مثل ما حدث مع كورولا الشكل القديم لحد الان بيغيرو الفتيش فى التوكيل .... لكن انا الان فى السعوديه وشفت الكورولا ومنتشره جدا وهتنجح نجاح باهر نظرا لعدم وجود المطبات المعتاده عندنا فى مصر لان الانخفاض ده بيدى العربيه ثبات رهيب مثل المرسيدس .... واكيد الى باعو السياره عارفين موضوع التعديل ده لان قرار البيع بيأتى بعد دراسه خصوصا معظم الى بيبيعو السياره اقل من 5000 كيلو فاكيد درسو القرار كويس وانا من وجهة نظرى المتواضعه الفلوانس تتفوق على الكورولا فى كل شى ماعدا الشكل الخارجى ووجود esp غير كده الفلوانس تكسب