للاسف ﻷ، و الف مبروك العربية ولو انا كنت سبب في اختيارك العربية دى يبقي عاوز الحلاوة هههه:36_1_1[1]:
د. محمد انا حجزت اللون الفضى و مرعوب جدا من الخبطات و التجريح و بفكر اغير الاختيار و اختار اسود او برونزى يا ترى ايه اخبار اللون الفضى معاك
افضل لون مش بيبان عليه التراب ولا التجاريح هو الفضي , اسواء لون بيبان عليه التجاريح و التراب هو الاسود او الغوامق.
ياباشا متحملش هم انت في مصر يعني كدة كدة هتتجرح و غالبا مش هتكون غلطتك , فسيبها علي الله و متخليش الموضوع ده يعكنن عليك فرحة و فخامة العربية
اللون الفضى لون جميلاقتباس:
د. محمد انا حجزت اللون الفضى و مرعوب جدا من الخبطات و التجريح و بفكر اغير الاختيار و اختار اسود او برونزى يا ترى ايه اخبار اللون الفضى معاك
وبصراحة الكورولا الجديدة الونها كلها جميلة بصراحة ماعدا الكحلى حاسس ان مش لايق عليها خالص
ولكن فيما عدا ذلك فكل الالوان جميله
بالنسبة للون الفضى فهو لون جميل فاتح مش بياثر على التكييف
مش بيظهر فية التجاريح زى ما يكون فى الغوامق وكمان الاتربه
بالنسبة للون الابيض فهو جميل بس خوفى منه فى التجاريح بيبان الفيلر الى تحت فى كل العربية ابيض فبيبان لان اللون الابيض فى الاكصدام الفيلر اسود فبتبقى ظاهره اوى علاوة انه بيعجز بعد فتره لكن طول ما هى جديدة فى زى الفل
بالنسبه االاسود والغوامق والفيرانى فهو كويس شيك وفخامه ولكن التجاريح و الاتربه بيبقى شى مزعج
اللون البرونزى لون جميل ايضا بين الفواتح والغوامق بس انا شخصيا محبتوش اوى علشان الفرش البيج انا مش بحبه لانه سريع الاتساخ
دى وجهة نظرى قد تحتمل الصواب والخطا لانها اراء طبعا فى الاول والاخر
الحمد لله سوف انتقل من فئة حاجز كورولا الي مالك كورولا خلال اسبوع ان شاء الله
كلموني اول امبارح
منتظر دعواتكم و نصائحكم الغالية
انا عندى عربية هوندا سيتى 2006 عاملة 110000ك تجميع تايلاندى و بعد بحث قررت شراء ix35 2014 هاى لاين لانى بصراحة انبهرت بشكلها لكن بعد التجربة العملية اقدر اقول ان اليابانى ثمنو فيه فقررت بيع ال ix35 مع احترامى لكل ملاك الكورى لكن ده رأى شخصى و قمت بحجز الكورولا بعد المعرض و انشاء الله يكون قرارى صح طبعا فى الاول لما شوفت العربية اول ما نزلت كان تعليقى عليها ان واطية بالنسبة لشوارعنا لكن بعد التعديل لا يوجد بها عيب و تتفوق على ما يماثلها بالسوق حتى على الهوندا سيفيك من حيث الكماليات و ده بقى واضح من انتشارها فى الشوارع فى الفترة الاخيرة لسه انهارده شايف حوالى 5 عربيات فى المنطقة بتاعتى و كلهم واضح انهم من الدفعات الاخيرة
الف مبروك يا باشا و ربنا يحفظهالك من كل سوء.
الهيونداي ix35 عربية محترمة. عالية بس متتركبش غير هاي لاين وده راي الشخصي يحتمل الصواب او الخطأ.
حضرتك حجزت انهي فئة و لون و بكام و تسليم امتي، و يا ريت حضرتك تقولنا ايه الفروق الجوهرية اللي خلتك تبيع الهيونداي و تفكر في الكورولا
حجزت الفئة التانية الون الفيرانى ب 50000 ج من حوالى شهر ونص و مفروض ان التسليم فى حدود 3 شهور و ياريت يصدقوا احسن الكلام كتر عن زيادة فى السعر.
بص يا بشمهندس الix شكلها كان عاجبنى جدا و خاصتا انها SUV لكن بعد مرور شهر من استخدامها بدأت اصوات تظهر من التقفيل فى التابلوة و اللى جننى ان الحلية البلاستيك فى الطارة كانت بتزيق (بتلب) و رحت التوكيل فى صيانة الاف قاموا بتربيط العفشة و بعد ساعتين من فحص الطارة جه المهندس و قالى انهم ماقدروش يصلحوها و انه حيعمل تقرير بيه وغالبا حيغيرو الطارة بالكامل لكن لازم استنى لما يشحنوها من الخارج لان العربية جديدة و ملهاش قطع غيار و بصراحة الراجل ما ادنيش فرصة للكلام و هو نفسه كان مستغرب ان عربية باسعر ده و تنزل من المصنع كده و فعلا بعد شهر كلمنى عشان اروح اغير الطارة و ساعتين لقيتوا بقولى انهم غيروا القطعة البلاستيك بس لان الطارة كويسة قولت ماشى انا المهم ان العيب يتصلح و بعد ما مشيت بيوم ان البلاستيك فى الطارة بيزيق من كل حتة يعنى اسوء من الاول و لما اتصلت بالمهندس كان ناقص يقولى ما توجعش دماغى و اتأقلم مع الصوت لكن ده ماكنش السبب الرئيسى لبيع العربية لانى كنت متوقع اداء اعلى من كده فى اعتقادى ان البودى محتاج موتور اقوى كده لان العربية بتكيك دون مع ابسط مطلع و طبعا صوت اموتر كان بيبقى عالى جدا يعنى لما بقارن بموتور السيتى 1500 السيتى اقوى مش عارف ازاى و انا كنت راكب الاتنين فى وقت واحد فكان احساسى دايما ان العربية over price مش اقل من 50000ج و انا كنت راكب الهاى لاين فقولت امال بعد سنة او اتنين الوضع حيبقى ايه وده اللى خلانى ارجع و احجز التويوتا