عايزة اشتري عربية .. لا تزيد عن 25000

السلام عليكم ورحمة الله وبركاته
انا عضوة جديدة معاكم هنا
كنت متابعة المنتدي كزائر وما شاء الله جميل جدا والاعضاء افاضل

ونفسي ان شاء الله اجيب عربية لا تزيد عن 25000

وف نفس الوقت خايفة من فكرة العربية المستعملة لانها ممكن احط فيها فلوسي وتروح عليا

شفت عربيات كتير ... بس لفت نظري ان في 128 وموديل 2009

ففكرت فيها وقلت ان دي ممكن تكون اجدد وارخص حاجة ممكن اجيبها

بحيث انها لو موديل 2009 حتبقي ما مشيتش كتير ع الارض

وفي نفس الوقت حتنفعني في مشاويري جوا البلد وتريحني من المواصلات وتعبها

غير باقي المستعمل اللي في حدود السعر ده حيبقي اقل حاجة 13 سنة

فما رايكم دام فضلكم :ask:

ابعدى عن ال 128

عندك الستروين zx فى رينج السعر وموديل 96 حتى 98 وتابعى الموضوع اللى فى توقيعى ولو عندك اى اسئله بخصوص العربيه انا موجود

ال 128 عربية مليانه مشاكل وعايزه واحد فاهملها علشان كانت مع واحد صاحبى وكتير بتعطل.. فى دايهاتسو شارد عربيه حلوه واوتوماتيك وفى الرينج بتاعك ده

اقتباس:

---

المشاركة الأصلية كتبت بواسطة amr011111

ابعدى عن ال 128

---

اقتباس:

---

المشاركة الأصلية كتبت بواسطة mahmoud_ali

ال 128 عربية مليانه مشاكل وعايزه واحد فاهملها علشان كانت مع واحد صاحبى وكتير بتعطل.. فى دايهاتسو شارد عربيه حلوه واوتوماتيك وفى الرينج بتاعك ده

---

متشكرة جدا لحضراتكم .. واضح ان في اجماع بعدم الموافقة
اذن نستبعد 128 :)

اقتباس:

---

المشاركة الأصلية كتبت بواسطة rotanamasoud

عندك الستروين zx فى رينج السعر وموديل 96 حتى 98 وتابعى الموضوع اللى فى توقيعى ولو عندك اى اسئله بخصوص العربيه انا موجود

---

حضرتك شايف اني لو جبتها مستعمله مش حتتعبني وتفتح بقها .. دي عمرها حيبقي فوق 16 سنة استهلاك
فهل ممكن تستحمل معايا ؟؟

ولا احط الفلوس اللي معايا في مقدمة عربية ماروتي مثلا يكون افضل ؟؟

واسفة اني بتقل عليكو

وجاري قراءة الموضوع

مقارنة بالدايو الماتيز ... مين فيهم افضل ؟؟

بصى حضرتك المبلغ اللى معاكى ده يجيب انواع عربيات كتير قديمه وللاسف العربيات دى هاتتعبك وخصوصا ان مفيهاش باور .. انا رأيي لو تعرفى توصلى المبلغ ل 29 او 30 وتشوفى ماروتى 2009 او 2008 وتكون حالتها كويسه .. هيا صحيح مفيهاش باور بس ارحم من العربيات القديمه دى .

السلام عليكم

أحب اني أشارك في الموضوع ده لأني في نفس الحيرة
فعلا الماروتي اقتراح كويس جدا جدا باستثناء الحاجة لتكييف و شنطة عربية..
بس اللي أحب اسألكم عليه الشاهين .. أنا شايفه انها في نفس الحدود
هل الشاهين عربية تستحمل حد في البداية و بيتعلم ؟؟ و هل قطع غيارها و تصليحاتها في المتناول ؟؟
و استهلاكها للبنزين كويس ولا عالي ؟؟

د/إسراء

اقتباس:

---

المشاركة الأصلية كتبت بواسطة Esraa_tarek

السلام عليكم

أحب اني أشارك في الموضوع ده لأني في نفس الحيرة
فعلا الماروتي اقتراح كويس جدا جدا باستثناء الحاجة لتكييف و شنطة عربية..
بس اللي أحب اسألكم عليه الشاهين .. أنا شايفه انها في نفس الحدود
هل الشاهين عربية تستحمل حد في البداية و بيتعلم ؟؟ و هل قطع غيارها و تصليحاتها في المتناول ؟؟
و استهلاكها للبنزين كويس ولا عالي ؟؟

د/إسراء

---

تستحمل وقع غيارها فى المتناول
بس المشكله انك بنت والتعامل مع الصنايعيه مش هحبب
خاصة ان العربيه انت ونصيبك
الماروتى ممكن يتدفع ليها مقدمه 10 الاف واقل وكل شهر مبلغ لا يزيد عن 500 جنيه
وتريحى دماغك من الكشف على العربيه ومن التعامل مع الصنايعيه
فيه عربيه الناس بتشكر فيها هنا اسمها سايبا تيبا تقريبا وفيها تكييف و abs كمان

مع الرأى الاخير جدا بالنسبه لسيارات البنات و السيدات تكون حديثه قدر الامكان و بحاله جيده جدا للبعد عن الصنايعيه

الشاهين عربيه بالبلدى كده تقيله فى السواقه (دبرياج و دريكسيون) و كمان ابعادها كبيره نسبيا اعتقد لا تناسب السيدات

ماروتي

ريجاتا حالة سليمة

اقتباس:

---

المشاركة الأصلية كتبت بواسطة text book

حضرتك شايف اني لو جبتها مستعمله مش حتتعبني وتفتح بقها .. دي عمرها حيبقي فوق 16 سنة استهلاك
فهل ممكن تستحمل معايا ؟؟

ولا احط الفلوس اللي معايا في مقدمة عربية ماروتي مثلا يكون افضل ؟؟

واسفة اني بتقل عليكم

وجاري قراءة الموضوع

---

قاعده عامه اى عربيه مستعمله فيها شغل
الشغل كتير ولا قليل حسب الحاله يعنى الحاله هى الفيصل
يعنى انا اشتريت عربيتى وشديتها عشان اريح دماغى
اشتريت شاسيه صح (اساسيات) وجبت محرك جديد وجددت العفشه بالكامل والفرامل(اكتر الحجات المستهلكه)
ده طبع فيا مبعرفش امشى بعربيه الا لما تكون بافضل حاله

ماروتي تقريبا .... او مستعملة حسب حالتها مع التظبيط الشديد

اقتباس:

---

المشاركة الأصلية كتبت بواسطة text book

ماروتي تقريبا .... او مستعملة حسب حالتها مع التظبيط الشديد

---

اللى هيخليكى تجيبى ماروتى بالسعر ده يبقى تجبيها جديده وتقسطى الباقى اريحلك واحسنلك وانا برضوا مع رأى الزملاء الافاضل ان بلاش مستعمل علشان تبعدى عن قرف الصنايعيه بس هرجع واقول لحضرتك المستعمل انتى ونصيبك وبالكشف عليها طبعا انا جبت عربيتى مستعمله ومعملتش فيها اى حاجه ولا كان فيها اى شغل

متشكرة جدا يا جماعة ربنا يكرمكم يارب

أنا شايفة انك استقريتي على سكودا يا text book
ألف مبروك عليكي :)

اقتباس:

---

المشاركة الأصلية كتبت بواسطة esraa_tarek

أنا شايفة انك استقريتي على سكودا يا text book
ألف مبروك عليكي :)

---

معتقدتش انها استقرت على اسكودا فيليشيا ولو استقرت عليها فانصحها بلاش اى لو هتجيبها من حد معرفه وعارفه تاريخه لان العربيه ديه مش اى حد بيشتغل فيها
وبعدين علشان تلاقى حاله كويسه هتتعب
وخاصة انها ملهاش خبره فى السيارت
وانا قولتلها فى مشاركه سابقه طالما انتى بنتى هاتى حاجه زى الماورتى تبقى موديل حديث ومشاكلها قليه
ويفضل انها تشترى زيرو حتى لو ماروتى هتدفع اقل من 10 وقسط اقل من 500 لو عاوزه

ماروتى افضل اختيار فى تلك الفئة

شوف 3 اعلانات ع dobizzle
عربيه دايهاتسو شاريد موديل 90
تكيف-زجاج كهرباء-5غيار
والعربية شكها كويس اوى بس بيتكلم ف 27500
بس لو خدتى حد فاهم كويس وقالك انها كويسة ممكن تنزلك فيها

وفى واحده تانيه برضو ب24500 بس مش كاتب تكيف بس شكلها ممتاز برضو

وشوفت واحد تانيه بس دى من كام يوم هوينداى اكسيل هاتش باك ب 23000

والله يا جماعة اكتر حتي لو مجبتش العربية .. كفاية الحديث مع اسرة محترمة زي حضراتكم .. وانا بس بخاف من موضوع القسط ده عشان الفوايد والحرمانية .. والتفكير جاري في حاجة تبع ناس معرفة عشان تكون مضمونة .. والملفت للنظر ثقافة الشعب المصري اللي شايف ان كل العربيات مش حتمشي وحتدوخك :)

استاذ احمد انا فعلا بشوف كتير علي دوبيزل وبروح اتفرج بس في حاجات حالتها مش كويسة واللقطة بتتخطف خطف .. ساعتين وبتكون اتباعت :) .. دعواتكم

اقتباس:

---

المشاركة الأصلية كتبت بواسطة text book

والله يا جماعة اكتر حتي لو مجبتش العربية .. كفاية الحديث مع اسرة محترمة زي حضراتكم .. وانا بس بخاف من موضوع القسط ده عشان الفوايد والحرمانية .. والتفكير جاري في حاجة تبع ناس معرفة عشان تكون مضمونة .. والملفت للنظر ثقافة الشعب المصري اللي شايف ان كل العربيات مش حتمشي وحتدوخك :)

---

قريت موضوع هنا ان عبداللطيف جميل بيبع تبع نفسه يعنى مش تبع بنك فكده يبقى هوه مالك السلعه وقريت كمان ان لو اتاخرتى فى القسط مش بياخد فلوس زياده بس عنده اجراءات تانيه
وكمان لو هتدفعى 50 فى الميه من تمن العربيه مش بيشترط انك تأمنى
هحاول ادورلك على اللينك

اقتباس:

---

المشاركة الأصلية كتبت بواسطة text book

استاذ احمد انا فعلا بشوف كتير علي دوبيزل وبروح اتفرج بس في حاجات حالتها مش كويسة واللقطة بتتخطف خطف .. ساعتين وبتكون اتباعت :) .. دعواتكم

---

ربنا ان شاء الله يرزقك بعربيه تكون كويس

بس دورى ع النت وحاولى لو شوفتى حاجة تسعى فيها ع طول حتى وتشوفيها بس

اقتباس:

---

المشاركة الأصلية كتبت بواسطة amr011111

قريت موضوع هنا ان عبداللطيف جميل بيبع تبع نفسه يعنى مش تبع بنك فكده يبقى هوه مالك السلعه وقريت كمان ان لو اتاخرتى فى القسط مش بياخد فلوس زياده بس عنده اجراءات تانيه
وكمان لو هتدفعى 50 فى الميه من تمن العربيه مش بيشترط انك تأمنى
هحاول ادورلك على اللينك

---

مش عارفة اقولكم ايه ... جزيتم خيرا كثيرا .. عاجزة عن الشكر

اقتباس:

---

المشاركة الأصلية كتبت بواسطة @ahmed@

ربنا ان شاء الله يرزقك بعربيه تكون كويس

بس دورى ع النت وحاولى لو شوفتى حاجة تسعى فيها ع طول حتى وتشوفيها بس

---

حاضر ا.احمد انا فعلا بصحي الصبح اشوف ايه جديد نزل عشان الحق .. وكل شئ نصيب

اقتباس:

---

المشاركة الأصلية كتبت بواسطة esraa_tarek

أنا شايفة انك استقريتي على سكودا يا text book
ألف مبروك عليكي :)

---

لسة والله يا اسراء .. لما تستقري علي حاجة قوليلي بردو .. زملاء عمل وبحث عن السيارة :36_1_40[1]::

ايه الاخبار فى جديد ولا لسه

http://nileup.com/up/uploads/nilemotors_13929060431.jpg

انا ناوى على دى ان شاء الله مازدا 121 شكلها جميل وسعرها فى حدود 22

شوفى ياستى
اولا تسمحى اركب معاكى فى الموضوع وبعد ما اقفل الباب وندوس بنزين ونطلع احب اقولك :
ميزانية ال25 كويسة مش وحشة
تجيبلك السوزوكى سويف بحالة جيدة او تجيبلك سوزوكى ماروتى بحالة الزيرو وطبعا الماروتى عربية
حريمى وجميلة قطع غيار متوفرة وصيانة سهلة
او ممكن توفرى وتجيبى 128 بس متزيدش عن 15 او 16 ودى هتكون موديل كويس وحالة كويسة جدا
وخودى الموضوع دا كنت منزله هدية لاعضاء المنتدى هيفيدك كتير وانتى بتشترى وممكن متحتاجيش حد يكشفلك عالعربية
http://www.nilemotors.net/Nile/406058-a.html
وبالتوفيق

[QUOTE=ahmed air;3875435001]

انا ناوى على دى ان شاء الله مازدا 121 شكلها جميل وسعرها فى حدود 22[/QUOTE

ربنا يكرمك يارب فيها ان شاء الله

طبعا الاحسن للبنات هيا
الماروتى
الميرا
الاونو
بردوا كانشل
ماتيز

وطبعا لو حاجه زيرو قسط احسن وافضل
سعتها ممكن ماروتى او التو اوسبارك

انا رائيي الماروتي اختيار ممتاز