عرض للطباعة
امامى سيارة سيتروين ax م94 حالتها كويسه
بس من جوة مزبله الى حد ما عايزة تتروق جدا ستورجى وشغل كهربا ومن برة عايزة سمكرة
صاحبها بيقول جايب فوانيس جديدة وكبوت جديد ورفرفين جداد وهيغير الازاز الامامى لانه مشروخ وكمان التكيف مش شغال هيشخنه وهيسلمهالى شغال وطالب 23000 كلمه نهائيه
ايه رايكم ؟؟؟؟؟؟؟؟؟؟
ياريت بسرعة لانى المفروض ارد على الراجل بكرة بعد الفطار
ولكم جزيل الشكر
ياشباب انتم فين ياريت الاقى نصيحة منكم بخصوص العربيه دى وخصوصا انى هرد عليه انهاردة بليل
يا جماعة نصيحة ارجوكم وجزاكم الله خير
انتم شكلكم مستحقرين العربيه ومحدش راضى يرد عليا
على العموم انا مستنى حد يعبر التوبك دة والله المستعان
ماتزعلش مني
انا مش لاقي كلام أقوله
انت بتقول حالتها كويسة ..كويسة منين بالظبط ؟؟؟
ده غير ان العربية أنا الحقيقة ماعرفش شكلها أصلا (عن جهل منى و عدم انتشارمن السيارة) و يمكن ده سبب ان مافيش مشاركات
بس الشكل العام بيقوللك بلاش
و لية تعزب نفسك بحاجة مكركبة زى كدة!!!!
السلام عليكم
انا كان معايا العربية دى موديل 95 وكانت فابريقة جوة لكن رشة اجزاء من برة وكاملة (تكييف، زجاج كهرباء، سنتر وانذار) وفرش جلد ومش فيها أى حاجة وبعتها بـ 21 الف، فحرام اوى تشترى دى بالرقم العالى ده.
وبعدين خد بالك العربية مقرفة فى شغلها ولو مش ميكانيكى فاهم فى السيتروين كويس يبقى ها يعك وتقرفك جدا، بس العربية ها تبقى كويسة معاك لو مهتم بيها وبتعمل صيانتها عند واحد فاهم سيتروين.
بص يا سيدى وقف كدة اى سواق تاكسى راكب العربية دى وقوله ايه رأيك فيها وان مطلعش يجرى وراك ابقى قابلنى العربية سمعتها وحشة اوى قطع غيار غالية وغير موجودة ....... انا بصراحة مجربتهاش ولكن الكل بيشتم فيها والناس هنا فى المنتدى اكدوا ده فبلاش احسن حاول تستنى شوية وتكمل لغاية ال 30 وتجيب اونو او برايد
العربية شعرها بيدا من ال20 الي 23 حسب الحالة ,قطع غيارها غالية ولكن معمره قطع غيار معظمها متوفر وفي حاجات استيراد ادخل قسم السيتروين حتلاقي مواضيع كتير عن العربية
شكراااا ليكم جداااا على النصيحة الغاليه دى
وانا مع الاستاذ اللى جاب سيرة الاونو دى فعلا عربيه كويسه وقطع غيارها مليه الدنيا
وربنا بعتلى واحدة اونو ايطالى م93 فابريكة جوة وحالتها كويسه جداا ونظيفه كماليتها سنتر وكست cd المهم صااحبها طالب فيها نهائى خااالص 25 الف ايه رايكم ولا اصبر وكمل ال30 وربنا يكرم فى حاجة افضل ؟
سعر العربية الاونو دي غريب شوية قليل ؟؟ولا اية؟اقتباس:
المشاركة الأصلية كتبت بواسطة flymido
بس طبعا الاونو فيها مميزات اكتر عن السيتروين من حيث قطع الغيار والانتشار وسهولة الصيانة ,اختيار كويس الاونو بس يا ريت تكشف علي العربية دي كويس
انا مش شايف انه قليل لانها موديل 93 يعنى بس فعلا الخوف من حالتها هى ظاهريا تمام بس بكرة المكانيكى يحدد حد عندة نصيحة ليا وانا بكشف عليها
عربية زى الفل وانا راكبها بقالى سنين ولا اى شكوى منها وسيبلى ايميلك عشان افيدك اكتر والمهم تختار واحدة نضيفة وكل التاكسيات 1100 وماتتحملش شغل التاكسيات عشان كدة لازم تركب 1400 لانها قوية جدا وثبات على الطريق حتى على 150 كم احسن من كل العربيات الجديدة لان البودى صغير على موتور قوى
هو في كل الحالات ابعد عن الستروين الا لو عرفت توفر كل قطع غيارها من الاكصدام للاكصدام:)
من رايي الاونو افضل بمراحل لكن بشرط الحاله
يا جماعة الاونو اللى قدامى حالتها من برة حلوة بس المكانيكى بتاعى اكدلى ان متورها تعبان وهى عربيه شقيانة وكمان رشه دواخل يعنى زى الزفت المهم
مبقاش قدامى غير واحدة ستروين م 97 حالتها كويسه وبتاعت واحد جارى وطالب 25 ممكن تنزل الف كدة ومش عارف اجبها رغم اللى انتم بتقوله والكل بينصحنى ابعد عنها طيب مش هجبها ممكن اجيب ايه بالسعر دة غير فيات ال128 التعبانه دى حد يفدنى عشان انا محتار جدااا وخايف ادبس فيها وبرضه خايف اسيبها وملاقيش عربيه بحاله كويسه زيها
فدونى يا اهل الخبرة
بص هيا الاونو اللي راشه دواخل دي تبعد عنها نهائي
اي عربيه راشه دواخل مالهاش امان
بالنسبه للتسروين انا قولتلك رايي فيها
عاوز تجيبها تسال الاول علي كل قطع الغيار من فوانيس و زجاج و صاج
و سيور و فلاتر و اكسسوارات و عفشه اماميه و خلفيه
و قطع غيار استعمال زي المارش و الدينامو و الاسبراتير و خلافه
لو الحاجات دي متوفره هات العربيه
ما لقيتش الكلام دا يبقي سيبك منها خالص
و هات 128 او لادا قضي بيها سنه ولا اتنين يكون ربنا كرمك بمبلغ كويس
تشتري بيه اونو او تكبر العربيه شويه باكسيل او سويفت
شكرا يا حازم على الرد
بس عندى سؤال رغم انى لو سالت على كل قطع الغيار اساسى استروين متعبه فى قطع غيارها بس فى واحد صاخبى عندة ستروين ووصفلى واحد بيجيب منه قطع الغيار
بس لو جبتها وربنا كرمنى كمان سنه ولا اتنين وعايز ابعها هتقرفنى فى بعها ولا ايه سوقها بالظبط ماشى ولا تقيله فى البيع
فعلا تقيلة في البيع شويةاقتباس:
المشاركة الأصلية كتبت بواسطة flymido
Nothing to say " Don't touch" Nothing good in it at all
zxموديل 96 فابريكه دواخل حاله ممتازه فرق كبير عن ax مساحه داخليه اكبر وكمان عفشه اقوى والحمد لله عربيتى بدون مشاكل وب25000 فقط هى فرصه لا تعوض تليفونى 8127232/012
25000
يا جدعان ارحمونا بقى العربيه كدة سعرها نازل جدا ودة يبين قد ايه حالتها تعبانه
انا ربنا كرلامنى خلاص بعربيه فليشيا حالتها زى الفل
عشان ربنا يرحمنى من التدوير وسط التجار والعربيات المستعمله الخربانه