الموضوع: الاخوه الكرام حصل لعربيتي حادث وارجو مساعدتكم

ربنا يعوض عليك وقدر اخف من قدر

المشاركة الأصلية كتبت بواسطة mohamed salhin

ربنا يعوض عليك وقدر اخف من قدر

الحمد لله ومتشكر اخي

المشاركة الأصلية كتبت بواسطة abo-omar

الاخوه الكرام عربيتي بريليانس v5 عامله حادثه من شهرين وارجو مساعدتكم في افضل طريقه لأصلاحها
فقد حدث وانا راجع للقاهره من سفر في طريق بنها بعد كباري بنها لقيت عربيه تيجو توقفت فجأه امامي ولفت بالعرض ورغم قرب المسافه والجو كان مطره شديده جدا والارض مزحلقه والطريق نازل وسرعتي 80 الا اني مسكت فرامل وعربيتي ماشاء الله في ثانيه كلبشت في الارض ولسه بحمد ربنا اني مخبطتش فوجئت بنص نقل سائقها ممسكش فرامل او ذي ماقال مسكها لكن الارض منزل ومزحلقه خبطني من ورا وحرك عربيتي للامام وخبطها في التيجو
ونتج عن ذلك في عربيتي كسور في الاكصدام الامامي والشبكه الاماميه وانبعاج لفوق في الكبوت من الامام يمين وشمال وكسر قاعدة فانوس امامي وتحركه من مكانه ودخوله سليم لجوه تحت الكبوت وكسور في الاكصدام الخلفي وخبطه مش باينه جامد في باب الشنطه من اسفل لكن مش عايزه تقفل عشان قطعة القفل في الشنطه والعتبه من حولها اتعوجت للامام ومش ظابطه مع قطعة القفل في باب الشنطه (وده خلى بطارية العربيه تنام عشان شاشة الكمبيوتر لا تطفئ الا بعد غلق الابواب والشنطه)
وطبعا سائق النقل مش مغلط نفسه ولا سائق التيجو فتح بقه وانا اللي اتعجنت في النص
لكن حمدت الله اني وزوجتى وابني الصغير بخير وان العربيه بتدور وبتمشي وقولت ربنا يعوض وقضى اخف من قضى ومشيت بس طبعا في حزن شديد وخاصة اني معملتش بوليصة تأمين على العربيه يعني هصلحها على حسابي ومش عارف هتتكلف كام
فقمت بالاتصال بالتوكيل فقالي هات العربيه وهنعمل مقايسه وممكن نعمل نسبة خصم عشان انت مش مأمن عليها فسألت عن اسعار قطع الغيار مبدئيا فقالي الكبوت ب 3000 جنيه والاكصدامين امامي و خلفي 2800 جنيه وطبعا توقعت الباقي وانها هتتكلف والحسبه هتعدي معي
المهم وصلت لبيتي في مدينة نصر بالسلامه وركنتها امامه وغطيتها ومن وقتها من اكتر من شهرين وهي مركونه لحد مافضيت من شغلي وخدت اجازه اليومين دول وقررت اصلاحها فيهم
لكني في حيره شديده هل اصحلها في التوكيل وده التكلفه اكيد هتبقى عاليه وهل يقوم باصلاح قاعدة الفانوس وباب الشنطه ولا هيغيرهم كمان وهل سيسقط حقي في الضمان لما اعملها عنده
ام اشتري قطع الغيار من بره التوكيل بس معرفش مكان موثوق فيه وفي اسعاره
وحصل اني اتصلت بميكانبكي في الحرفيين قريب من محل قطع غيار صيني وطلبت منه يسأله عن اسعار قطع الغيار فلقيت شغل نصب واستهبال لقيته بيقولي الاكصدام عنده ب 1000 جنيه ومش اصلي كمان وهو ب 1400 في التوكيل واصلي
ولا اروح اعملها في الحرفيين بس معرفش ورشة سمكره ودوكو موثوق فيها من حيث الاصلاح والتكلفه
وانا اقدر اعملها في ورشة الجيش لكن بقالي فتره طويله لا اسمع عنها شيئ ومش عارف هي مستوى الشغل فيها الان كويس ولا سيئ
ولا اعملها فين حد عارف ؟؟؟؟؟؟؟؟؟؟؟؟؟
عشان كده كتبت لكم ايها الاخوه وخاصة الخبراء منكم لأستعين برأيكم في افضل مكان يقوم بإصلاحها حتى تعود زيرو كما كانت ثم اقوم بالتأمين عليها لاني فعلا نادم جدا اني مأمنتش عليها وارجو اعتبار ان التكلفة الاقل في الاصلاح هامه ايضا
ولكم مني خالص الشكر والتقدير

سؤال يبدو ساذج..
ياريت حد ينصحنا في نقطة "الاصلاح" برة التوكيل مش سمكرة ودوكو بس ؟؟لأ كمان لو في اصلاح قفلة الشنطة أو لاقدر الله الشنب الأمامي الداخلي.. هل تسقط حق الضمان في الأجزاء دي؟؟