مشكلة في وحدة رفع الزجاج في الأوبل فيكترا 97

**almouslim** · 27-09-2008 07:50 AM

السلام عليكم ورحمة الله

عندي مشكلة وحدة رفع الزجاج لأني ساعة أما اقفل العربية من برة الزجاج الأيمن مابيقفلش مع العربية ودي اول مرة تحصل
بس ممكن اقفل من الزرار اللي جنب الفتيس بس كد ايه فايدة مكينة الرفع ومعلش هاتعبكم معايا ساعات الباب الشمال اللي ورا مابيقفلش مع السنتر وساعات يقفل بيبقى لازم اقفله مانويل
فابعد المهندسين الكبار عايز اعرف اعمل ايه وهي ليها علاقة بالفيوزات او الريلهات
وجزاكم الله خير

**Ahmad Allawy** · 27-09-2008 01:04 PM

ممكن طبعا يكون ليه علاقة بالفيوزات و الريلايز..
و موضوع السنتر ده غالبا مكنة السنتر بتعلق. ممكن تكون اتعوجت بس جوة الباب.. لأنها بتبقي راكبة علي رايل نحاس كده او حديد جوة الباب.. ممكن يكون اتعوج او المكنة باظت.. و جه وارد و دي حاجة بسيطة قوي انها تتغير عادي..
اما مكينة الرفع فشوق الفيوزات و كده و خلي كهربائي نضيف يبص عليها.. ولو باظت برضه بسيطة و رخيصة..

**M.Mokhtar** · 28-09-2008 02:40 AM

شوف يا باشا
لو انت فصلت البطاريه قريب كده يبقى برمجه ماكينات الرفع راحت ولازم تبرمجهم تانى
الطريقه كالاتى
هتفتح الزجاج كله تمام
هتقفل الاتنين اللى قدام وتفضل ضاغط على زرار الزجاج لغايه ما يقفلوا خالص وافضل ضاغط 5 ثوانى كمان
بعد كده اعمل نفس الموضوع للزجاج اللى ورا
بعد كده افتح كله واقفل السنتر وشوف هيقفلوا كلهم ولا لأ

موضوع سنتر الباب اللى ورا ممكن تكون المكنه معلقه او فى سلك فاصل
خلى كهربائى يكشفلك عليها

**abouzahra** · 28-09-2008 04:57 AM

السلامة عليكم ورحمة الله وبركاتة

اخى العزيز

مقصدك ان الزجاج لا يقفل مع السنتر لو ك

ودى حلها بسيط ان شاء الله

**abdelaziz-waleed** · 28-09-2008 06:25 AM

المشاركة الأصلية كتبت بواسطة abouzahra

السلامة عليكم ورحمة الله وبركاتة

اخى العزيز

مقصدك ان الزجاج لا يقفل مع السنتر لو ك

ودى حلها بسيط ان شاء الله

طب حضرتك قولنا على حل لمشكلة واحدة طيب
انا حاسس ان حضرتك مستني الوحي ينزل على حضرتك بالاجابة
اوعى تزعل مني انا بهزر معاك. خد وقتك ونحن في انتظار الاجابة ان شاء الله

**M.Mokhtar** · 28-09-2008 12:32 PM

المشاركة الأصلية كتبت بواسطة abdelaziz-waleed

طب حضرتك قولنا على حل لمشكلة واحدة طيب
انا حاسس ان حضرتك مستني الوحي ينزل على حضرتك بالاجابة
اوعى تزعل مني انا بهزر معاك. خد وقتك ونحن في انتظار الاجابة ان شاء الله

مش بقولك كل ردوده عباره عن فوازير او اتصل بالرقم كذا عشان تعرف الحل :)

**ENG\AHMED** · 28-09-2008 06:36 PM

المشاركة الأصلية كتبت بواسطة almouslim

السلام عليكم ورحمة الله

عندي مشكلة وحدة رفع الزجاج لأني ساعة أما اقفل العربية من برة الزجاج الأيمن مابيقفلش مع العربية ودي اول مرة تحصل
بس ممكن اقفل من الزرار اللي جنب الفتيس بس كد ايه فايدة مكينة الرفع ومعلش هاتعبكم معايا ساعات الباب الشمال اللي ورا مابيقفلش مع السنتر وساعات يقفل بيبقى لازم اقفله مانويل
فابعد المهندسين الكبار عايز اعرف اعمل ايه وهي ليها علاقة بالفيوزات او الريلهات

وجزاكم الله خير

الزجاج اليمين بس مبيقفلش ولا مكن الرفع مش شغال اصلا؟؟

مشكلة الباب اللوك نفسة بيتحرك؟؟ ( الصوباع اللى بتقفل وتفتح منة من جوة )
حصلت معايا نفس المشكلة بس فى الباب الامامى بس كان اللوك مش بيتحرك المشوار للاخر فا ساعات مبيقفلش لازم اقفلة بايدى وساعات ميفتحش لازم افتحة بايدى
كل الموضوع الستنر كان محتاج يتنضف فكيتة و wd-40 واشتغل تمام
نصيحة روح لحد نضيف بتاع اوبل يعملهولك لأن القصة دى انا عملتها بنفسى وطلعت روحى لأن السنتر هنا مش كويل زى السنتر العادى اللى بيتباع غاليا موتور كهربا صغير انا حاولت افتحة اعرف تركيبة من جوة معرفتش .. السنتر بالكالون وحدة واحدة واكرة الباب ليها زى دراع بيتوصل بيها واللوك نفس الكلام ولية سلك زى سلك الفرامل بتاع العجلة بيتحرك جواة .. قصة رخمة وبالذات تجميعها لأن مهما كان مساحة الباب من جوة محدودة

**abouzahra** · 28-09-2008 08:14 PM

اخى الحبيب

مشكلة القفل من برة مع السنتر مشكلة حلها بسيط
ان شاء الله

ممكن تيجى تشرفنا فى الورشة نحلها

اما موضوع الباب الخلفى

دى كنترول السنتر الخلفى بتاع الباب هو الى فية المشكلة ( اربة السنتر )

ودى الكل بيغير

بس احنا بنصلحها ان شاء الله

**shoki89** · 25-11-2008 05:45 AM

طب معلش يا رجلة انا عندى استفسار بسيط انا عندى الازاز الامامى بس هو الكهرباء و هو فى وحده رفع بس بتشتغل و انا بقفل بالمفتاح بس فى تكتين اول واحده بتقفل السنتر بس تانى وحده بترفع الزجاج انا بقى عايز اعرف ازاى اقدر اقفل الزجاج بالريموت مع ان لما باجى اقفل بالريموت بدوس اول مرة بيقفل السنتر عادى و بدوس مرة تانيى بسمع صوت قفل سنتر بس بيكون السنتر نفسه مقفول فانا بعتقد ان تانى مره دية المفروض تقفل الزجاج هل الكلام ده صح و لا غلط و لو صح يبقى ليه مش شغال و لو غلط يبقى لية الزجاج مش بيقفل بالريموت ولا اصلا العربية دى مبيتقفلش فيها الزجاج بالريموت و اعمل ايه علشان اشغلة مع العلم العربيه فيكترا 98 1600glx

**ENG\AHMED** · 25-11-2008 06:47 PM

المشاركة الأصلية كتبت بواسطة shoki89

طب معلش يا رجلة انا عندى استفسار بسيط انا عندى الازاز الامامى بس هو الكهرباء و هو فى وحده رفع بس بتشتغل و انا بقفل بالمفتاح بس فى تكتين اول واحده بتقفل السنتر بس تانى وحده بترفع الزجاج انا بقى عايز اعرف ازاى اقدر اقفل الزجاج بالريموت مع ان لما باجى اقفل بالريموت بدوس اول مرة بيقفل السنتر عادى و بدوس مرة تانيى بسمع صوت قفل سنتر بس بيكون السنتر نفسه مقفول فانا بعتقد ان تانى مره دية المفروض تقفل الزجاج هل الكلام ده صح و لا غلط و لو صح يبقى ليه مش شغال و لو غلط يبقى لية الزجاج مش بيقفل بالريموت ولا اصلا العربية دى مبيتقفلش فيها الزجاج بالريموت و اعمل ايه علشان اشغلة مع العلم العربيه فيكترا 98 1600glx

وحدة الرفع بتشتغل بالمفتاح .. لف المفتاح و ثبت ايدك هتلاقى الزجاج قفل

التكة التانية اللى بتحصل لما تدوس على الريموت مرتين دة dead lock العرربية مش هتفتح الا بالمفتاح بتاعها او الريموت حتى لو مديت ايدك شديت اللوك من جوة مش هتفتح

روح لحد نضيف بتاع تركيب سنتر وانذار هيعمل كوبرى بين سلكة السنتر ووحدة الرفع علشان تقفل الزجاج مع السنتر بالريموت

الموضوع: مشكلة في وحدة رفع الزجاج في الأوبل فيكترا 97

LinkBack

أدوات الموضوع

عرض

-

-

-

-

المواضيع المتشابهه

فى مشكلة فى الأوبل فيكترا

مشكلة في زرار الزجاج الامامي فيكترا a

مشكلة.. بسبب وحدة رفع الزجاج

مشكلة وحدة رفع الزجاج اوبل فيكترا 97

وحدة رفع الزجاج

الكلمات الدلالية لهذا الموضوع

المفضلات

المفضلات

ضوابط المشاركة