اللانوس يكسب اكيد يكفى انك لما تجيب قطعة غيار اوا حاجة بتقولها لصاحب المحل متجبليش صينى
عرض للطباعة
اللانوس يكسب اكيد يكفى انك لما تجيب قطعة غيار اوا حاجة بتقولها لصاحب المحل متجبليش صينى
هنروح بعيد ليه انا ليه واحد صاحبى راكب عربيه بريلنايس برغم ان انا ليه خبره فى العربيات الا انى اول ما شفتها انبهرة بيها وقلت دى اكيد النوع ده جامد شكلها خرافه باملعنى وبعد كده عرفت انها صينى المهم بعد 6 شهور بصبص على العربيه بحسبها فيات 128 بس مشدوده شويه المهم الكشافات لونها بقى اسود وبقى شكلها يقرف ده حتى لو سوء استخدام متبقاش كده ده سوء خامات راح الحرفين يجبلها كشافات ملقاش المهم ملقاش اى قطع غيار ليها واتصل وجابها من الصين باضعاف سعرها الشهاده لله بشوف لانوس 1 ماشيه فى الشارع عرووووسه ده حتى لو كان معمول ليها عمره فهو لقى قطع غياره مش عملها فى الصين ده رايى وشكرا للاطاله
معا كل الاحترام لملاك الدايو بس اول مرة الاقي حد بيقارن بين الانوس موديل 2000 و الامجراند او الانفي موديل 2013 وبيقول عليها احسن منهم .. انا هقارن بين الامجراند و الانوس ونشوف
خلينا موضوعيين ..
ثبات . الامجراند
وسائل امان . الامجراند
فرامل . الامجراند
خامات . الامجراند
اوبشن . الامجراند
وكيل . الامجراند
اعادة بيع . الانوس عشان بس الامجراند لسة منتشرتش زي الانوس
قطع غيار . الانوس لنفس السبب
سحب . الامجراند
محرك . الامجراند
شكل . الامجراند
فين المقارنة الي بتتكلمو عليها
في المجمل ربنا يبارك لكل واحد في عربيتة وياريت ننسي عقدة الصيني ونشوف العالم بقي بيتعامل ازاي ونحاول نواكب التطور ومش معني ان العربية سعرها مش عالي مقارنة بالعربيات الكوري انها سيئة لا الفكرة ان التوكيلات كلهم جشعين والحاجة الي بتبيع بيضربو تمنها في السما يعني في نظري الانوس مثلا مينفعش باي شكل من الاشكال تعدي 60 الف و بتتباع ب 72 برضو الامجراند حاليا بتنتشر شوية هتلاقوها بقت ب 100 الف ودة الطبيعي في مصر . ياريت منبصش للسعر ونبص للمقابل الي بناخدة بالفلوس الي بندفعها
ربنا يبارك لكل واحد في عربيته
بس الكوري عموما افضل واجود شوية من الصيني وده مش عيب في الصيني
لكن لان العربيات الصيني مابقالهاش كتير ومتحطتش في نفس الظروف اللي اتحطت فيها الكوري ومينفعش نقول انها اقل بكتير من الكوري
غير كده كمان الكوري بقاله كتير بيتصنع وواخد تكنولوجيا وخبرة في التصنيع كبيرة جدا اللي تفوق الصيني اللي لسه في بداياته وممكن قدام شوية ان شاء الله الصيني يكون افضل من دلوقتي ويقدر يتحط في مقارنة جادة وعادلة مع الكوري وبكل جرأة لكن مش هينفع المقارنة دي تبقى دلوقتي خالص
وبما ان حضراتكوا اتكلمتوا عن الدايو خصوصا فرأيي انها اكيد اثبتت جدارتها بكل قوة كفاية انها بقالها 15 سنة ما شاءالله بنفس حالتها وبتتظبط كمان وبتعدي قدامنا ونلف راسنا عشان نشوفها ونقول بسم الله ما شاء الله
ياجماعه ناس طلعت القمر مش هتعرف تصنع عربية الفيصل هوا الجودة وطبعا متقارنوش الموبايل الصينى المتقلد تحت بير السلم بعربية لها اسم مستقل ومصانع واستثمارات بالملايين فكروا شويه لانوس ايه بس اما بركبها بالصالون بتاعها دا بحس انى مضايق حاجة ع قدها اوى يعنى فبلاش كلام كتير وكل واحد مقنع بعربيتة وخلاص
مع احترامي لمالكي السيارات الصينية
نتكلم في ثبات سعر في عربية لانوس او نوبيرا مع اي عربية صيني
نوبيرا 2000: 2005بتتكلم من 50000لغاية 55000و 56000
سبيرانزا 516 2007 :2011 بتتكلم من 42000 اخرها 50000
والله بلاقي كمية عربيات جيلي اصحابهال عرضنها للبيع كتير اوي و العربية اساسا ماكملتش 10000 و 15000 كيلو اكيد في سبب
اولا انتوا اللى بداءتوا المقارنة مش احنا
ثانيا كل الحاجات اللى انت رصيتها دى مين اللى اختبرها و قارنها؟؟؟... يعنى مين جرب ثبات العربيتين و فراملهم و محركاتهم عشان يقول الصينى احسن؟
ثالثا معلش يعنى من امتى الصينى "خاماتة" افضل من اى صناعة تانية؟؟؟؟... اد الواحد بيروح يشترى قطعة غيار استيراد م بيجيبهاش صينى جديدة تقوللى خامات؟؟؟
و لو بنتكلم فى اوبشنز و و سائل امان فا الحاجات دى فى خلال سنتين هتكون باظت... كسبت انا ايه بقى؟؟؟؟
و انا ضحكت جامد جدا جدا من "عقدة الصينى" اللى قولت عليها دى... فعلا احنا عندنا عقدة من الصينى... بدليل اننا داخلين قسم الدايو ندافع عن العربيات الصينى :C_laugh[1]:
و بالمرة طالما عايز الناس تبص للمقابل اللى بتاخدة لما تدفع فلوس... خلليهم برضوا يبصوا على المقابل دة هيعيش كام سنة... يعنى بمعنى اخر قوللى 3 ماركات عربيات صينى انتجت فى سنة 1999 و لسة موجودة لحد النهاردة و شغالة بكفائة و ليها وضع فى السوق و بتتباع فى سوق المستعمل بتمن مماثل لتمنها لما كانت زيرو فى 1999؟؟؟
يا راجل يا طيب دا الواحد كان بيروح معرض اوتوماك يفتح العربية الصينى يلاقى اكرة الباب طلعت فى ايدة (دا حصل فعلا مش تريقة) و الخامات زبالة و التقفيل رايح فى داهية...
متحاولش بس تقنعنا ان الصينى رخيص عشان التوكيلات الكورى جشعة... الحداية مبترميش كتاكيت... لو كان المنتج الصينى علية القيمة فعلا كان اتحط فى فئة سعرية تعبر عن القيمة دى
MMamdouh
انا مالك سابق لدايو لانوس
و من محبيها بأمانة
بس الحق ان الBYD f3 و الايمجراند احسن منها فعلا
و للحق برده هي احسن من صيني كتير احدث منها زي ال516 مثلا
هي مش هتاخد زمنها و زمن غيرها يعني
عظيم... ابقى احكيلنا عنهم لما عمرهم يبقى 15 سنة و قوللنا ايه الاخبار
MMamdouh
بص عالتاكسيات يا ممدوح هتلاقي الbyd بالذات مكتسحة جامد
حتى سواقين التاكسي لما تسألهم هتلاقيهم بيقولوا اعطالها اقل من اللانوس كتير
اللانوس و الله باموت فيها كعربية و كانت عربيتي و لما بعتها بعتها عشان اجيب عربية اكبر و موديل احدث مش عشان انا كارهها ولا حاجة , و لحد دلوقت لما حد بيجيب عربية مستعملة بانصحه بيها هي و النوبيرا رقم 1 , لكن لما حد يشتري زيرو مش بانصحه بيها بصراحة
أنا من كام يوم وأنا بتابع الموضوع ده من خلال تعليقاتكم
لأنى بصراحه كنت معجب بالإمجراند شويه
لما قرأت تعليقاتكم عليها أخذنى الفضول إنى أبص عليها من جوه
و فعلا إمبارح دخلت أبص عليها فى معرض
العربيه شكلها من بره حلو و فعلا ممكن تكون للوهله الأولى مبهره
لكن اللى يركبها من جوه ويدقق فى تفاصيلها يعرف ان فعلا الخامات واضح إنها مش حلوه
مع ان المفروض انها زيرو يعنى تخطف اللى يبصلها
الموضوع مش مجرد ان اننا بنحب اللانوس علشان هى عربيتنا لكن واضح جدا الفرق بين الاثنين
لما أبص لعربيه 2014 و أحس ان العربيه ال 2008 زيها أو يمكن أحسن يبقى المقارنه تضييع وقت
حتى لو قالوا لنا الأوبشنز اللى فى الصينى أى حد يركب سبيرانزا قديمه حيلاقى معظم الأوبشنز فيه مشاكل
اللى جاب صينى وحاببها ربنا يباركله فيها ويديه خيرها ويكفيه شرها
لكن أى حد معاه لانوس أو نوبيرا عارف و متأكد أن مفيش مجال للمقارنه لأن المقارنه فى كل شىء لصالحه
مش كل الصينى ولا كل الكورى عن نفسى لو نازل اشترى زيرو لو قدامى لانوس واسبرانزا 516(انا عارف ان انتاجها وقف ) هختار اللانوس لو قدامى لانوس وbyd هختار byd طيب تصدقوا بقى ان فيه عربية صينى نفسى اجبها بريليانس v5 مع انى معايا نوبيرا واوبل فيكترا
صينى صينى يا جماعة محدش يتعب نفسة واللى اشترى صينى مبروك علية بس يحافظ عليها بالمناسبة انا عرف كهربائى يرفض رفضا باتا ان يصلح اى عربية صينى ومشعارف السبب اية رغم انة شاطر ومعروف
فكرتنى بالكهربائى بتاعى كنت مره معدى من عند الورشه لقيته شغال في اسبيرانزا إم١١
سألته موديل كام قالى ٢٠١٢ لفيت بتفرج عليها شكلها حلو
بقول له إيه رأيك فيها سألنى ليه
قلت له بفكر
قال لى إتكل على الله يا أستاذ أحمد دى عربيات مقرفه متتركبش
قلت له يا عم شكها حلو
قال لى والله ما بتكمل سنه و يظهر فيها أعطال الله
[QUOTE=amr83;3875411075]انا ملاحظ من فتره هنا في المنتدي ان كل واحد شاري عربيه صيني و فيها عيوب و بلاوي الدنيا يقولك بس برده احسن من اللانوس , و اصل الانوس دي تكنولوجيا التسعينات !!
و اي حد جاب اسبيرانزا ولا جيلي يقولك احسن من النوبيرا و الانوس و يضيف الفيرنا !
هو مش لاقي حاجه يطنطط عليها غير الدايو الي من سنه 99 في مصر و اثبتت جدارنها ما يسبوها في حالها
و بعدين ايه حكايه تكنولوجيا التسعينات دي ؟؟ هي حاجه عيب و لا مؤاخذه ؟؟
ما علينا ممكن حد يفهمني ايه الفرق الرهيب في التكنولجيا بتاعت الصيني مثلا ؟؟ ايه بتطير ؟؟ ايه بجد ميكانيكيا الفرق في التكنولجيا
ان الجيلي الاميجراند 1500 سي سي و 107 حصان ؟؟؟ وماشيه بتجر في نفسها
هو لو الجيليي انضف من الفيرنا و احسن و شكل جديد و اوسع و فيها abs , و ebd , و sensor park , تكييف تاتش ديجيتال و جنط , ده بلاس فرق التكنولوجيا الرهييييب بينها و بين الفيرنا و فرق الحجم و الاوبشنس دي مش موجوده في الفيرنا و الاتنين تبع توكيل واحد هو غبور , لما الاتنين يبقوا نفس الثمن ازااااي ؟؟؟ هو غبي مثلا و لا عايز يضرب الفيرنا ولا الي بيشتري الفيرنا طيب و بيضحك عليه
الموضوع ببساطه ان كل واحد بيحب عربيته اوييييي حتي و لو كوم صفيح , بس ده مش معناه ان الواحد لما يشوف كم المشاكل دي كلها في عربيه زيرو لسه مكملتش شهور في الشلرع المصري يقول برضه فيها غزل و شعر و يقارنها بعربيات محترمه
الفرق في وجهه نظري بالمقارنه بالعربيات دي و دي زي ما بتقارن واحده محترمه مش عايزه تحط ميك اب بس واحده جد و تعيش معاك و زي واحده عامله كل حاجه في نفسها و بهرتك بمكيجها المزيف و مشيت ورها و ما بصتش لعيوبها[
اولا السلام عليكم جميعا واتشرف بانضمامى الىكم فى هذا المنتدى المفيد
انا عندى لانوس 2 موديل 2003
واشتريت كمان والحمد لله a516
الفرق بين العربيتين كالتالى
الدايو كويسه مفيش كلام فى الطلعه والسحب والمناوره بس متزدش عن 120 افضل لسلامتك لانها بعد ال 120 مش بتاعتك واعتقد انها كمان افضل من الفيرنا
ال a516 ركوبه بالبلدى بهواتى .... صالون واسع وتبدو عليه الفخامه من اول وهله ومهما اتعودت ع العربيه متقلش فى نظرك تفضل حاسس انها فخمه والتابلوووووووه كمان باشا والاوبشن يطول شرحه وكفايه انك بتحس فيها برونق الحديث ودى حط تحتها 100 خط يعنى والله مش مبالغه مبتحسش ان العربيات اللى حوليك ركابها مرفهين عنك بالعكس بتحسه فى الدايو والفيرنا لما تشوف النترا او مثيلها لانهم صغيرين
التكييف فوق فوق فوق فوق الممتاز والله العظيم ماشاء الله والحمد لله التكييف مابيأثر ع المكنه 1% حتى مع العلم انه تلاجه ديب فريزر انا كنت بشغل تكييف الدايو يهبط المكنه وياكول بنزين بالعبيط الa516 مش بتتأثر بالتكييف مع العلم انى ممشيها 80 بعكس الدايو اللى لو حطيت فى التانك 80 احتمال متدورش اصلا ودى حط تحتها 200 خط لانها موفره جدا واستهلاكها بسيط جدا
الثبات بسم الله ماشاء الله مكونتش متخيلها بالوضع ده الا مركبتها وطلعت ع الطريق الدولى دمياط الى الاسكندريه 150 الى 170 ومناورات ايه الله يحميها
الدايو بالنسبه لى دى الوقتى لما بحب اريح a516 داخل البلد بركب الدايو واحتمال ابيع الدايو اليومين دووووووول ان شاء لانها معدتش على هوايا وان فكرت احدث هركب تيجو ان شاء الله الى الاخ بتاع الفيرنا سبقها ههههههههههههههههههههههههه ه اسف ع الاطاله
انا عندى الدايو لانوس 2 موديل 2003 واشتريت من 7 شهور a516 بصراحه مفيش مقارنه
ال a 516 تكسب فى كل حاجه اتساع متانه قوه ثبات اوبشن فخامه تكييف حتى الباور اخف وافضل عفشه حرير انا بستغرب من اللى بيقول العفشه ناشفه ممكن يكون بيسمع بس مركبش .......... انا بنزل من ال516 اركب الدايو بحس انى نزلت من عربيه ركبت كنبه مع احترامى للدايو وملاكها بس انا بفكر ابيع الدايو خلاص معنتش بتلذذ بها بعد ال516 لو فى مشترى يشيل فبريكه جوه وبره وحاله 95 % للماتور والكماليات
اولا السلام عليكم جميعا واتشرف بانضمامى الىكم فى هذا المنتدى المفيد
انا عندى لانوس 2 موديل 2003
واشتريت كمان والحمد لله a516
الفرق بين العربيتين كالتالى
الدايو كويسه مفيش كلام فى الطلعه والسحب والمناوره بس متزدش عن 120 افضل لسلامتك لانها بعد ال 120 مش بتاعتك واعتقد انها كمان افضل من الفيرنا
ال a516 ركوبه بالبلدى بهواتى .... صالون واسع وتبدو عليه الفخامه من اول وهله ومهما اتعودت ع العربيه متقلش فى نظرك تفضل حاسس انها فخمه والتابلوووووووه كمان باشا والاوبشن يطول شرحه وكفايه انك بتحس فيها برونق الحديث ودى حط تحتها 100 خط يعنى والله مش مبالغه مبتحسش ان العربيات اللى حوليك ركابها مرفهين عنك بالعكس بتحسه فى الدايو والفيرنا لما تشوف النترا او مثيلها لانهم صغيرين
التكييف فوق فوق فوق فوق الممتاز والله العظيم ماشاء الله والحمد لله التكييف مابيأثر ع المكنه 1% حتى مع العلم انه تلاجه ديب فريزر انا كنت بشغل تكييف الدايو يهبط المكنه وياكول بنزين بالعبيط الa516 مش بتتأثر بالتكييف مع العلم انى ممشيها 80 بعكس الدايو اللى لو حطيت فى التانك 80 احتمال متدورش اصلا ودى حط تحتها 200 خط لانها موفره جدا واستهلاكها بسيط جدا
الثبات بسم الله ماشاء الله مكونتش متخيلها بالوضع ده الا مركبتها وطلعت ع الطريق الدولى دمياط الى الاسكندريه 150 الى 170 ومناورات ايه الله يحميها
الدايو بالنسبه لى دى الوقتى لما بحب اريح a516 داخل البلد بركب الدايو واحتمال ابيع الدايو اليومين دووووووول ان شاء لانها معدتش على هوايا وان فكرت احدث هركب تيجو ان شاء الله الى الاخ بتاع الفيرنا سبقها ههههههههههههههههههههههههه ه اسف ع الاطاله
http://www.nilemotors.net/Nile/AH/Ni...ser_online.gif http://www.nilemotors.net/Nile/AH/Ni...ons/report.gif http://www.nilemotors.net/Nile/AH/Ni...tons/quote.gif
اللى معلى سعر الفيرنا ومساويه بالجيلى هى ثقافه الشعب اللى لسه مطورش انه بيقول ع الجيلى صينى والفيرنا فرخه بكشك مع انها فاشله بس حسن السوق ولا حسن البضاعه
و على فكرة اللى بيشترى عربية صينى عشان فيها كماليات كتير و يتغاضى عن المتانة و العمر الافتراضى زى اللى بيتجوز واحدة عشان هى دكتورة و يتغاضى عن انها بتحلق دقنها كل يوم الصبح
انت بتشترى عربية فيها كماليات... مش كماليات عليها عربية
MMamdouh
أنا مكنتش واخد بالى من حكايه كنبه دى
بس يعنى صاحب الكنبه اللى مش عجباه ممكن يبيعها وبفلوسها من غير ما يزود مليم يجيب a 516 موديل أحدث 5 أو 6 سنين
لكن السؤال المهم اللى عاوز اعرف إجابته
لو عندنا عربيتين
واحده فيهم تشتريها وبعد 10 سنين تبيعها بسعر قريب من اللى اشتريت بيه(زى اللانوس اللى مش عاجبه صاحب الكنبه)
والتانيه بعد 3 سنين تخسر فيها 20 ألف من ثمنها اللى هو كله أصلا 65 ألف ( زى الa516 )
يا ترى مين فيهم تبقى كنبه ؟
السلام عليكم و رحمه الله و بركاته
اولا انا معايا نوبيرا موديل 2006 و معايا من اخر 2009 تقريبا
بصراحه العربيه بقى فيها شويه شغل عاوز يتعمل و انا ما بحبش وجع الدماغ اوى ففكرت ابيعها و اشترى زيرو
بالصدفه واحد صاحبى جاب واحد صحبه يشتريها و اتفقنا على سعر كويس جدا من وجهه نظرى 55 عشان فيها شغل
نزلت تانى يوم اتفرج على الاميجراند عشان انا منبهر بيها جدا .
روحت المصريه و طلعت على العربى و اتفرجت على اكتر من 10 عربيات
و هاتكلم عن العيبوب اللى شفتها و هى :
1- دهان المصنع مخرز او محبحب و مطفيه و ما فيش لمعه خالص تحس انها معموله بروله زى بتاعت الحيطه و كان جنبها لوجان فرق رهيببببببببببب ( اللوجان واقف قدام مرايه
2- فروقات تقفيل الصاج ( الخلوص )فى جميع العربيات سيئه جدا و خاصه فى الشنطه و الكبوت الجنبين مش زى بعض خالص
3- كل العربيات بلا استثناء لون الاكصدام الامامى و الخلفى مختلف بشكل واضح عن باقى لون العربيه
4- الكنسول البلاستك اللى فيه عصايه الفتيس بيتحرك و بيزيق و انت بتحرك الفتيس
5- فينش ال 4 قوائم بتوع الزجاج ما تعرفش رشوها على المعجون من غير سنفره و لا ايه عالى و واطى و حجات غريبه
و بصراحه خفت احط فيها فلوس و خاصه انى لقيت فى المعارض منها كتير مستعمل على من 3 الاف الى 10 الاف كيلو للبيع و ديه حاجه تخوف و رجعت كلمت الراجل و اعتذرت عن البيع و قولت اشد عربيتى و اظابتها ( مع انى لازلت من اشد المعجبين بالاميجراند بس من بعيد )
كل واحد شايف عربيته احلي عربيه حتى لو موديل 60 , وكل واحد ووجهة نظره
يعنى انا بشوف ان اى عربيه صينى ملهاش اى 60 لازمة وان الدايو برقبة الصينى كله , مفيش حاجة اسمها صيني نضيف وصينى مش نضيف كلهم اى كلام.
ودا طبعا رائيي المتواضع
يباشا التكنولوجيا دى موجوده فى الدايو اللانوس والنوبيرا من اواخر النسعينات وخصوصا الدايو الاوربى الاستيراد وبصراحه اتحدى ان حد يقةل ان عربيه دايو شكلها قديم بعد استعمال 10 سنوات انا معايا نوبيرا -1 كورى حد يصدق انها ماشيه 14 سنه ده حيقول مثلا مودبل جديد الفرق فى الخامات سيدى الرئيس انت بتتكلم عن الدايو مواتير المانى وتصميم ايطالى وخصوصا مواتير اللانوس انه بشهاده الخبراء احسن موتور المانى فى فئته
الدايو النوبيرا واللانوس منتشره جدا فى اوروبا وامريكا وهى تنتج حتى الان فى اوروبا الشرقيه
ويكفينا فخرا ان الاوبترا والدايو اللاسيتى والكروز كلها مبنيه على شاسيه النوبيرا ومحركاتها
اما الصينى هات الموديلات اللى طلعت من عشر سنين مش حتلاقيها ماشيه وانا عن نفسى والله مش مقتنع بالصينى
انا راكب المانى و لا يلزمنى دة و لا دة بس هقول شهادة حق الصين متفوقه فى معظم سياراتها و فى عربيه مظلومه جدا جدا و سعرها فى الضياع لمجلرد ان اسمها صينى سبرانزا 620 ال 2000 يىيى الكبيرة العربيه دى سوقها 55000 ج يعنى سعر فيرنا تعبانه ..... العربيه دى حكايه بجد اتساع و فخامه و تكييف محترم و موتور قوى و ناعمه جدا جدا و فراملها بى اس طبعا و صاجها ناشف جدا جدا ازاى اقارنها بفيرنا ؟؟؟؟ و المشكله اللى بييجى يقارن يقولك انا علمت بالفيرنا على عربيات محترمه ؟؟؟؟ يعنى كدا المقارنه بقت كدة سرعات طيب تعالى بقى ابن خالتى معاة جولف 2 عربيه ب 30000 ج و علم بيها عليا باسات 2008 هتقولولى انتا مبتعرفش تسوق هقلكو انا اللى معلمو السواقه بس كل الموضوع انو مسقط موتور 1600 اسمو فى الحرفيين الفهد عشان سرعته ... الموتور دة من قوته العربيه بتطلع على التالت عادى ؟؟؟؟ بس مش اى حد يطلعها لازم واحد واخد على العربيه ... هل معنى ذلك انها احسن من الباسات 2008 ؟؟؟؟؟؟؟؟
محدش يقارن بالطريقة دى.... انت بتقارن ال620 بالفرنا؟؟؟
ال620 تقارنها بالليجانزا مثلا لانهم نفس الحجم و الفئة... انما تقارن عربية بالحجم و الامكانيات دى مع الفرنا و تقولى ال620 تكسب... دا غير منطقى
منا ممكن اقارن السبرانزا 113 مع الالنترا الجديدة مثلا و هنا ال113 هتبان انها رايحة فى 60 داهية ولا تقارن اصلا بالهيونداى
لما تقارن عربيتين قارن عربيتين من نفس الفئة
MMamdouh
كلام سليم لكن مش مكتمل
صحيح اللانوس في أمريكا يتكسف الأمريكان يركبوها
لكنها اجتازت مواصفات سيارات الركوب الأمريكيه و الدليل كلامك
ولو العربيات الصيني محل المقارنه اجتازت هي الأخرى (ودي معلومه انا معرفهاش) كانت هتتعامل نفس المعامله اللي كانت في الفيلم
ياراجل دي العصابه في أخر الفيلم لما ركبوا راكبين العربيتين الbmw قالوا لنفس البنت الزنجيه على ال ford - crown victoria هاتعرفي تحصلينا بكوم الخرده دي
ماهي نفس الفكره ياباشا
ماينفعش تقارن ال 516 بالانوس او الفيرنا
لائنها افئه اعلي منهم وتكتسحهم بجداره
لكنها في نفس فئتهم السعريه
عايز اقولك لما اشترتها في 2008
الفيرنا كانت موجوده والانوس موجوده ودايو
مش شيفروليه
وكان ممكن اتشري اي واحده خصوصا اني نازل من شاهين
يعني الفيرنا او الانوس بالنسبه لي كانت هاتبقي نقله
عربيات ناعمه وتكييف وباور وزجاج كهرباء واقتصاديه زيها زي الشاهين
لكن
فعلا مفيش مقارنه بين ال 516 وبين الانوس او الفيرنا
ولاقوه
ولا اتساع
ولا متانه صاج
ولا اوبشن
ولا ثبات
وبعد استهلاك 120 الف كيلو و5سنوات
وبعتها لائني غاوي التيجو وحابب اركب عربيه عاليه وليها شبكه سقف
انا بعت العربيه من سنه
لكن ظلم بين لما تتقارن مع الانوس والفيرنا
معلش هو شكلك فاهم "الفئة" غلط... لو بنتكلم فى الفئة يبقى ال516 تتقارن بالنوبيرا فى الدايو و بالالنترا فى الهيونداى و بالسيراتو فى الكيا... بالتالى اعتقد الموضوع محسوم من غير ما نتكلم فيه اصلا...
اعتقد مواتير العربيات دى تتفوق على ال516 و يمكن اقل موتور هم موتور النوبيرا هيفضل برضة زى ان لم يكن افضل من موتور ال516 كقدرة حصانية
الوسع التلاتة زى بعض تقريبا لاننا حطينا العربيات الصح اللى المفروض تتقارن ببعض
الاوبشن مش عارف الصراحة فيه ايه موجود زيادة فى ال516 عن العربليات دى او حتى الفرنا و اللانوس... و حتى لو فية اوبشن زيادة فا اخرة 6 شهور و بيوظ... اصلة صينى
اما اللى يضحك بجد ان واحد راكب عربية صينى و بيتكلم فى "متانة" و "ثبات" و "قوة".... بقولك صينييييييييييييييى... يعنى اشترينى و ارمينى
دا العربيات بتبقى واقفة فى المعرض و مخلعة من بعضها و بتتفكك لوحدها من قبل ما حد يشتريها... و ما شاء الله كل ورشة واقف قدامها بدل العربيه 10 و كلهم مواتيرها مفكوكة
و بشهادة ملاك الصينى كلة بيشترى قطع غيار مش بتاعت العربية اساسا انما بتاعت العربيات اللى اساسا الصين واخدة تصميمها و عملت بيه العربية الصينى... يعنى انتوا نفسكم معترفين انها عربيات اى كلام و صناعة اى كلام
دا احنا مبنشتريش قطع غيار صينى لعربيانا... هتيجى تقنعنا بعربية كلها صينى؟؟؟؟؟
MMamdouh
المقارنه اصلا بين الكورى والصينى غير عادله يعنى مثلا متقارنش موبايل سامسونج كورى بواحد صينى تقليد يعنى تلاقى الموبايل الصينى ليه 4 سماعات من الامام و4 من الخلف وخطين وعليه موبايل هديه
يعنى الصينى بيعيشك فى الوهم بتاع الاوبشن وتكنولوجيا اليابانى اللى هى ملهاش دعوه بها اساسا
يعنى الكورى يقارن باليابانى او الاوربى
لاوالله فاهم الفئه كويس
وعارف انها تتقارن بالنوبيرا
وظلم بين انك تقارن النوبيرا بالالنترا اصلا
مفيش مقارنه بينهم
النوبيرا اخرها تتقارن مع ال516
اماموضوع المفكك والاوبشن اللي بيبوظ
واضح ان حضرتك خبرتك ضعيفه
اومبنيه علي السمع او تقدر تقول
انك بتحاول تجمل عربيه عفي عليها الزمن
بعيدا عن التجربه
ايه الموضوع الى مولع ده ..
انا هقول تجربتى بما ان كان معايا نوبيرا من الزيرو و قعدت معايا ٧ سنين و جيبت الامجراند لا شك ان النوبيرا عربيه اعتماديه جدا و يكفى انها قعدت معايا ٧ سنين و مشيت بيها 220 الف كم من غير عطل واحد تقريبا و دايما كانت رافعه راسى و قطع غيار متوفرة و اى حد بيشتغل فيها و مكنتش بشتكى غير ن عيب واحد الى هو جلب المقصات و كمان ٧ سنين كفايه عليها لكن هى تقعد زيه تانى عادى مفيش مشكله و الموتور حتى ماغيرتش فيه مسمار لكن انا بعتها عشان موضوع الجلب ده و كمان عاوز اوبشن اعلى و كمان مايكونش فيه فرق سعر كبير بين بيع عربيتى و الى هشتريها فاختارت لامجراند لعده اسباب اولا غبور وده توكيل هيونداى و دى اكتر عربيه كورى واكله السوق وهنا لازم تفكر هو محتاج يعنى عشان ياخد توكيل عربيه صينى مش كفايه عليه الفيرنا ديه لوحديها تعيشه ملك فمعنى كده انه راجل شايف العربيه ليها مستقبل و مش هيضحى باسمه عشان عربيه ب80 الف جنيه وكمان يفتحلها خط انتاج هنا فده طمنى شوية بعد كده ان شركه جيلى دى عملت عربيه فاشله فاختبار الامان اسمها انجلون فاشتروا شركه فولفوعشان يساعدوهم فده و نجحو فعلا لكن برضه فالاخر دى عربيه صينى و انا عاوز منها حاجات معينه مش طالب منها ان تقفيلها يكون واو يعنى و لا تعيش معايا 10 سنين لان مش بقعد بعربيه كل الفترة ديه انا طالب اوبشن اعلى بجوده ممكن تكون مش عالية لكن على اد الفلوس عشان كده عربيات زى الكيا والهيونداى والشيفروليه بتعدى الميه الف مرتاح لكن هل معنى كده ان الصينى كله وحش اقلك لا لسببين اولا شوف الامجراند منتشرة ازاى فالخليج ودول ناس اصلا مش بيركبوا غير امريكى والمانى و يابانى فلك ان تتخيل التغير فالفكر هناك وده يدل عالنجاح العربيه ثانيا الى يعرف عربيه اسمها mg و دى صيانه و خامات محترمه تنافس الكورى مرتاح لكن غاليه زى الكورى برضه يبقى الموضوع كله بيتلخص فاسم العربيه الى انت بتجبها مهتميه بالخامات ولا لأ مش هى صناعه ايه
لكن مهما نقول انا مقتنع تماما ان الكورى الى الان عربيات اعتماديه جدا و لو عربيتى قعدت ٥ سنين من غير عطل هعملها تمثال عالاول شارعنا