:S_thum1[1]:
بصراحه جامده أوى إشترينى وإرمينى دى
عرض للطباعة
ياراجل كبر مخك .............
فعلا كلام كتير من إللى إتقال فى الموضوع هنا هدفة إما الإثارة أو المغالطة والجدال من أجل الجدال
أنا ركبت الفيرنا (سنة كاملة) فى السعودية ودايو لانوس (شهر كامل) فى مصر قبل ما أقارن صح وأشتري 516 سنة 2008
وفعلا لا أجد أى وجه للمقارنة الـ516 (الصيني) إللى موتورها معمول بتكنوليجا avl لمحركات الطائرات فى النمسا وإللى مفيش أوبشن واحد منها بعد 5 سنين خدمة شاقة قال لأ ... أحسن 100 مرة من الديو لانوس والفيرنا ....
ولو كنت لقيت عيب مكنتش هدافع ... كنت هابيعها وأقول عيوبها .. واشتري عربية تانية بس مش فيرنا ولا لانوس
فى ناس بتجيب عربية عشان تركب .. وفى ناس بتجيب عربية عشان تبيعها بنفس تمنها أو أكثر بعد عدة سنوات
بس ده كان سنة 1995 لما طلعت الدايو والأكسنت
دلوقتي الخدعة دة خلاص ... بخ
لما الصين (إللى كل ماركات السيارات فى العالم وقطع غيارها بتتصنع فيها) قررت إنا تدخل سوق السيارات
فى شركة دايو (فلست وقفلت)
وشيفيروليه مصر ... قررت تستغل نقطة ضعف المصريين وتبيع الانوس لغاية النهاردة (شيئ يحسر)
حد شاف الدايو لانوس فى معرض أتوماك كانت عاملة إزاي؟؟؟
العربية الوحيدة إللى كانو مفتحين الأربع أبواب والكابوت والشنطة .. أكنها فى سوق مدينة نصر
ومفيش بني أدم بيفكر يبص عليها ..... بتبيعوا إية ياجدعان؟؟؟
هي عقدة (الخواجة والماركة والبراند وشاريها منين) هي دى إللى بتخللى للحاجة 100 سعر فى مصر
يعني إنت مثلا ممكن تشتري قميص ب150 ج ونفس القميص ب500ج نفس الماركة بس التاني كان من المول
للي بيفكر فى عربية إعتمادية وسعرها إقتصادي وركوبة ومتانة وأوبشن وقرر يجيب صيني .. يبقى إسبرانزا (حسب تجربتي الشخصية) عشان ما بحبش أفتي فى حاجة مجربتهاش وأكرر كلام سمعتة
النهاردة إنا بفكر أجيب عربية عالية إن شاء الله
بس برضو مش هابيع ال516 حاسيبها للمدام إن شاء الله .... مش باعمل دعاية
انا خبرتى ضعيفة؟؟
http://www.strangeworldnews.com/wp-c...-laughiing.jpg
http://jecobiesmindplay.com/MP-IMAGE...g%20people.jpg
http://thumbs.dreamstime.com/z/laugh...r-14979236.jpg
http://www.anthonyparisifilm.com/wp-..._laughing.jpeg
http://justinjackson.ca/wp-content/u...t-loud-lol.jpg
http://www.emoodicon.com/images/2008.../happydawn.jpg
http://i.telegraph.co.uk/multimedia/...n_2255384b.jpg
http://www.sumnerdene.com/images/nonaamah.jpg
http://www.liosite.com/system/wp-con...aper_nqq18.jpg
http://cl.jroo.me/z3/s/A/i/d/a.aaa.jpg
MMamdouh
هههههههههههه
هههههههههههه
وايه المشكله يعني في ان خبرتك ضعيفه في الاسبرانزا
مش عيب
معلوماتك كلها عنها غلط
تقيميك لاداء العربيه غلط
تقيمك لجود الماركه كله غلط في غلط
ينتقارنها مع عربيات اقل منها غلط
يعني مش هاينفع اقول لحضرتك انك استاذ وكلامك كله غلط
تحياتي
تكنولوجيا طيارات ايه بس صلى على اللى هيشفع فيك...
انا جنب بيتى ميكانيكى بيشتغل فى السبرانزا و العربيات اللى مواتيرها مفكوكة و بتعمل عمرة اكتر من العربيات اللى جاية تغير زيت....
و احب بس اصحح معلوماتك... شركة دايو مفلستش عشان الصينى ظهر ولا حاجة... اسم دايو كشركة هو اللى كان علية مشاكل فى المحاكم و عشان المشكلة تتحل اشهروا افلاس شركة "DAEWOO" و تم نقل ملكية كل اصول الشركة دى الى شركة جنرال موتورز و علية كل انتاج شركة دايو ظهر فى الاسواق باسم شيفرولية فى بعض المناطق و باسم سوزوكى يعنى الشركة مقفلتش ولا حاجة... ابقى اتاكد من معلوماتك
و بالنسبة لقصة المعرض... معتقدش حد لسة هيجى النهاردة عشان يتفرج على عربية موجودة فى البلد من1998... معتقدش فيه حد فى مصر مشافش اللانوس و منتظر المعرض عشان يتفرج عليها
اما بالنسبة لمثال القميص... انت معاك حق... بس متنقنعنيش انك لما تشترى القميص من على الرصيف ب10 جنية هيبقى زى القميص اللى فى المول او القميص اللى فى محل عادى
و القصة اللى بنتكلم فيها مش مجرد براند... احنا بنتكلم فى quality... هاتلى عربية صينى مشيت فى بلدك 15 سنة و لسة حالتها تمام و شغالة... هاتلى عربية صينى عملت 900 الف كيلو بموتورها الاصلى...
MMamdouh
بدون تعصب
أنا مركبتش صيني قبل كده عشان احكم عليه لكن هاعلق على نقطتين فقط لا غير:
الأولى
تكنولوجيا الطائرات دي معلومه خاطئه بنسبة 100% و العبد لله أخصائي رقابة جودة وقود نفاثات Jet Fuel بنزين طائرات مروحيه AVGAS 100LL و اؤكد لحضرتك انه لو Piston engine بتكنولوجيا الطائرات المروحيه مستحيل يشتغيل ببنزين 90 او 92 او حتى 95
الثانيه
نقطة ناس بتشتري عشان تركب و ناس بتشتري عشان تبيع
أقسم لك بالله واحد اعرفه اشترى بريليانس جالينا ب 148000 مو 2010 و فشلت محاولات اقناعه بانه يزود 12000 و يجيب اوكتافيا لأنه اتغر في الكماليات، النهارده عاوز يبيعها و هيه بحالة الزيرو جايبه 50000 و كلمتله تاجر كبير و يخلص في 100 عربيه وقتي و عشرة عمر و قلتله اخدمني في الموضوع ده رفض يشوفها أصلا و قالي مش بشتري صيني غير اسبرانزا A116 و تيجو 1600 غير كده لأ
فالنقطه دي مش عيب ان الواحد يحطها في الاعتبار عشان لما ينوي يغير للأحسن العربيه اللي معاه تقربله الفرق
تحياتي
إخص عليك يا محمدبك يا ممدوح
بعد كل ده تطلع خبرتك ضعيفه وبتخدعنا
مكنتش اتخيل انه هيجى يوم يتقارن فيه متانه وجودة خامات وصلابه خامات دايو مع عربيات صينى الهلال والنجمه
دة واحد صحبى كان فى معرض بيبيع صينى وهوة جسمه جامد شويه
اقسم بالله عصايه الفتيس اتفكت فى ايدة
واكره الباب طلعت فى ايده
صينى مين بس صلوا على النبى ووحدا والله
دى مش عربيات دى لايت سيستم
أنا ما قولتش إنه موتور طيارة
أنا لما بحثت عن أصل العربية وقت الشراء مكنتش حابب إن أجيب عربية مبنية على موتور من شركة تانية زي بعض العربيات الصينى
بالبحث ... عرفت إن (سبرانزا) من إنتاج شركة (شيري) وهي شركة تابعة لحكومة الصين وقد إستعانت بخبرة شركة AVL النمساوية فى تطوير محرك يكون خاص بسيارات الشركة وكان هو النواة التي أسست شركة شيري علية فيما بعد
وشكرا لتعليقك
ولكن أنا برضوا بتكلم فى ثلاث عربيات بعينها .. أنا ركبت الثلاثة وجربت الثلاثة ... ولا أنقل كلام سمعته وأتكلم عن تجربة شخصية بحتة ... ولا لية مصلحة مع أبو الفتوح ولا الجاج (دايو) الله يفك سجنة:S_thum1[1]:
محمد ممدوح أستشاري قسم دايو طلع خبرته ضعيفة
انا بأطالب بسحب اللقب منه وعقابا ليه يروح استشاري سنه في العربيات الصيني علشان يعرف ان الله حق
هههههههههههههههههه
مفيش حد عندة خبرة فى كــــــل حاجة
أو يعرف كل حاجة عن أي حاجة
مهندس ممدوح بالفعل موسوعة وخبرة لا تضاهى فى دايو وقد تعلمنا الكثير منه بالفعل
كن كلامة عن (سبرانزا) بالذات يبدو لمن يملك السيارة بالفعل إنة كلام غير مبنى على تجربة فعلية
وبناء علية أنا أدعوه للتجربة الفعلية على سيارتى .. يمكن يفهمنا حاجات كانت تايهة عنا:verygood:
الصينى عربيات مصنعه من خامات معاد تصنيعها
ضعف ونسبه عاليه من الشوائب
ده صحيح لكن لازم نفهم ان التقسيمات اللي عملها المنتدى ده مش معناه ان محمد ممدوح لو فتح موتور عربية تانية حيضرب حيص بيص لأ لأن المواتيير كلها الاساس بتاعها واحد لكن الاختلاف بيبقى في حساسات نسب انضغاط اونسب ضخ الوقود لكن الاساس واحد ،،،،،كل المواتير فيها بساتم وشمايز ووش سلندر وغيرها وإلا يبقى كل الميكانيكيا اللي في بلدنا يولعوا في نفسيهم او يتخصصوا في محركات معينه حتى لما بنلاقي ميكانيكي شغال في ماركة معينه فده مش معناه ان ميصلحش عربيات تانية القصة كلها تتلخص في انه بيبقى عارف العيوب اللي في مواتير ماركة معينهاقتباس:
مفيش حد عندة خبرة فى كــــــل حاجة
أو يعرف كل حاجة عن أي حاجة
محمد ممدوح عمره ما قال انا بعرف كل حاجة في كل حته بالعكس ساعات ممكن الواحد ييجي يساله في حاجة فيبقى رده معرفش والله وده نقطه الكل بيحترمه فيها ( ومن قال لا أعرف فقد افتى )
مش محتاج امسك موبيل سامسونج صيني تقليد علشان اعرف هو وحش ولا حلواقتباس:
مهندس ممدوح بالفعل موسوعة وخبرة لا تضاهى فى دايو وقد تعلمنا الكثير منه بالفعل
كن كلامة عن (سبرانزا) بالذات يبدو لمن يملك السيارة بالفعل إنة كلام غير مبنى على تجربة فعلية
ده شيء يرجعله هو بقىاقتباس:
أنا أدعوه للتجربة الفعلية على سيارتى .. يمكن يفهمنا حاجات كانت تايهة عنا
ولكن مواتير الصينى غير الكورى اواليابانى او الالمانى
او الميكانيكى اللى بيصلح صينى وبيغير موتوره اويركب او يسقط موتور اخر جديد حنلاقيه فى المرسيدس او البى ام او الدايو
وموتور الموتوسيكل الصينى زى اليابانى او الالمانى
All engines are ACTECO engines, designed in cooperation with the AVL engineering company, of Austria
كل محركات سيارات شيري تم (((تصميمها))) بالتعاون مع AVL النمساوية
بس هو برضه علشان تبقى كل الناس فاهمة النقطة دي يعني ايه !!!!
يعني ايه تم تصميمها في النمسا ؟؟؟؟؟؟؟؟؟؟؟؟؟؟
في فرق بين اصمم وانت "تصنع" من اني اصمم واصنع !!!!!!!!!!
يعني الهندسة نمساوية ايوه لكن التصنيع والخامات مش في النمسا الشركة بتديك التصميم بتاع المحرك وانت مع نفسك بقى تعمله في مصنع تعمله عند حمزه اللي في اخر الشارع تعمله في اي مكان دي مش قضية المصمم !!!!!!!!!!!!
يبقى المشكلة هنا في ايه ؟؟؟؟؟ في التصنيع وليس التصميم فيجب ذكر اين صنع المحرك حتى يتم التأكد من قوة تحمله وعمره الافتراضي ..... الخ
والله اعلم !!!!!
وجه نظري المتواضعه من حيث المقارنه بين الصيني و الكوري
الواحد مش بيهاجم العربيات الصيني عشان عايز يهاجمها و خلاص و كل الناس تتمني ان العربيات الصيني كان يبقي فيها الخير و تبقي منافسه بسعر كويس
انا حتكلم عن المقارنه بين سيارتين واحده نوبيرا 2003 و اسبيرانزا 2010 مكملتش 40000 كيلو
النوبيرا دي عربيتي و الاسبيرنزا دي عربيه عديلي و للعلم هوا ناقص يشيلها ينيمهما جمبه باليل من كتر ما هوا محافظ عليها
انا عربيتي الحمد لله و بكل امانه كل الي صادفته فيها مشاكل عاديه في العفشه من جلب و بيض و مسامير ميزان فقط و ده بعد هري 11 سنه في شوارع المحروسه و مصادفتش و لله الحمد اي عطل موتور و لا اي مشاكل الحمد لله العربيه بحالتها داخليا و لسه بحاجتها الاصلي و الحمد لله مريحاني
عديلي بقي مغير عفشه كامله و لسه من شهر مغير صبابات و لمبه الشيك علطول منوره قالي ده العادي و كان عنده مشكله لسه ما راحتش و هي ريه بنزين جامده في العربيه انا شمتها و االله بنفسي ده غير اكر الباب الداخليه الي كل شويه بتتكسر و كل الي راكب اسبيرنزا عارف المشكله دي ده غير ان العربيه من جوه و من بره بقت عجوزه اويييي , يا راجل يا مؤمن عاصيه الفتيس اتاكلت و الفبره بانت و راح جاب غطا عصايه نيكل اكسسوار!!! بص علي اي اسبيرانرا بقالها فتره و معداش عليها سنه حتلاقي صاحبها مغطي عصايه الفتيس بجلده ازا كان فاشلين حتي يعملوا دي بجوده شويه دي ما بتحصلش في 128 موديل 70 ده غير الطاره الي بتقشر بعد شهرين استخدام , بص سيادتك علي اي عربيه دايو 99 من جوه و قارنها و حضرتك حتعرف يعني ايه خامات نضيفه
الياباني لما بدأ كانت بدايتوا صح و الكوري مشي علي نفس النهج , شوف حضرتك عدد الماركات الصيني الي بالهبل دي كله وشوف بدايتها ايه دول كل يوم شركه بتفتح و باي اسم و اي ماركه ما هما مش تعبانين في حاجه قاعدين بيقلبوبوا في تصميميات الشركات التانيه
دي حتا العلامه ما كانوس راضيين يتعبوا نفسهم و يبتكروا فيها حتي دي بيقلدوها !!! عايزنهم يبتكروا في تصنيع عربيه محترمه !!!!
عندك حق
شوف كده
http://i1280.photobucket.com/albums/...psb3b7335c.jpg
http://i1280.photobucket.com/albums/...psdef91678.jpg
http://i1280.photobucket.com/albums/...ps0192ab99.jpg
http://i1280.photobucket.com/albums/...ps067107bd.png
http://i1280.photobucket.com/albums/...psd6ae3fab.jpg
http://i1280.photobucket.com/albums/...ps562fc00e.jpg
http://i1280.photobucket.com/albums/...ps51a5e76d.jpg
http://i1280.photobucket.com/albums/...ps6f4bea20.jpg
و ممكن بردو تمشي مع كرايسلر
http://i1280.photobucket.com/albums/...ps66486e58.jpg
سؤال لولبي للبيفكروا ؟؟؟؟؟؟؟
هو صحيح شيفروليه لانوس خسرت جزء كبير من سمعة اللانوس كعربية بسبب انه بقى بيستخدم قطع غيار صيني كتيير فيها ؟؟؟؟؟؟؟؟
موضوع مُهين للمنتدى ولكل الأعضاء.
العربيه الصينى زى البالونه المنفوخه تتفرج عليها حلوة تلمسها تفرقع فى وشك
ماتيجى نتكلم شوية بالمنطق:
لما تتكلموا على اللانوس يبقى تتكلموا على شيفرولية لانوس اللى هية اصلا مالهالش اى علاقة بدايو لانوس , لان مستواها قل جدااااااااا عن الدايو لانوس الكورى اللى عودتنا انها كويسة وحمالة اسية بالنسبة لسعرها
نيجى للكورى
1- النوبيرا 2 :
كلنا عارفين ان النوبيرا 2 محدش بيشتريها غير مانيوال لان الاتوماتيك ضايع , انا صاحبى اشتراها زيرو الاتوماتيك بتاعها بعد اول 3 شهور والتوكيل رفض يصلحة قالة عيب استخدام والكلام دة كان سنة 2008
دة غير مشاكل العفشة اللى كل الناس بتغيرها وخصوصا جلب المقصات اللى بتبوظ بسرعة والناس كلها بتسبدلها بجلب اسبانى تقريبا
- مشاكل دورة التبريد العربية بتاكل مياة بدون وجود تسريب لية محدش عارف ( ودة استخدام واحد صاحبى وبردة كان جايبها زيرو مانيوال ) وباعها بعد 6 شهور فقط
- العفشة ناشفة - العزل كويس الى حد ما - صوت الماتور عالى وخصوصا صوت الشكمان الغريب بتاعها دة اللى مهما تعمل فية تحس ان المصفاة اللى جوة مبوشة
مميزاتها : الصراحة العربية ماتورها كويس فى السحب وجراية وكمان ثباتها كويس جدااااااا
2- الفيرنا :
معلش العربية دية بالنسبالى مافيش فيها اى حاجة غير انها بتجرى كويس - وعفشتها كويسة , وطول مانت بتعاملها بحنية هتشعيش معاك كويس جداا , لكن قسيت عليها هتفتح بقها - وتكييفها كويس جدااا
لكن بقى ولا ثبات ولا فرامل ولا وسع ولا تكنولوجيا
الصينى :
1- a516 : واسعة - شكل تابلوة - عالية - ناعمة - عزل مش وحش - تكييف يضرب اى كورى بكل جدارة
عيوبها : مش اعتمادية - مشاكل فى التقفيل - عفشة بتروح بسرعة واللى بيغيرها مش بيغيرها بنفس النوع لأ بيجيب عفشة التويوتا - ماتورها عادى جداااااا , يعنى اى عربية 1300 ياباتى تروقها مستريح - لكن الكورى محتاج عربية زى النوبيرا عشان تعرف تظبطها لكن اللانوس معلش مش هتعرف تسد
2- byd f3
الصراحة العربية دية محترمة جداا . شكلا وموضوعا واشد من الفيرنا واللانوس بكل موديلاتها عيبها الاتى
عفشة ناشفة شوية - ثبات مش قوى اخرك بيها 130 كم - مش واسعة زى ال a516 مثلا
m11 :
العربية دية شكل - واداء , لكن ثبات مش حلو - مش اعتمادية تماما - عفشة ناشفة - كنبة ضيقة جداااااااااااااا
من الاخر سواء كورى او صينى , كل واحد ولية عيوبة
بس مش كل الشركات الصينى وحشة - ومش كل الشركات الكورى حلوة
على فكرة محدش يقول كورى اعتمادى عشان الفيرنا كلها عطلانة على الطريق وكل شوية صيانات ومواتير مرزعة وحساسات بايظة وسخونية
وتفس الكلام لل a516
لكن اللى فعلا بشوفها بتتفوق عليهم ال byd f3 اقل مشاكل اقل اعطال منهم
وللحديث بقية
اسف
مع السرعات العاليه اثناء المناوره
والله يا جماعة انا كان معايا لانوس و كان معايا اسبرانزا a516 وحقول الفرق اللى انا حسيته
الدايو سحبها حلو اوى مقارنة با الاسبرانزا ممكن نقول ان الدايو فعلا بقالها كتير ماشية بس فى حاجات فى الاسبرانزا افضل من الانوس
الثبات فى صالح الاسبرانزا
التكيف الاسبرانزا افضل
رفاهية الاسبرانزا احسن
الاتنين قطع الغيار رخصية مقارنة با الباقى
الدايو سحب احلى بكتير
خامات افضل فى الدايو
غير كدة مفيش اى حاجة تانية افضل فى الدايو
عيب الوحيد فى الاسبرانزا عفشة ناشفة الخامات من جوه تحس انها لعبة خصوصا التابلوه
و على فكرة انا كانت معايا موديل 2007 و ماشية 150 الف كيلو و كانت لسة بتعرق
و الدايو كانت موديل 2006 و ماشية 110 الف كيلو
على فكرة احنا كملاك عربيات دايو مش بنعترف بالفرنا انها عربية اساسا... دا لا يعنى ان كل انتاج شركة هيونداى سىء
انت بتتكلم ان فيه موديل واحد عند مصنع واحد من اصل 3 مصنعين كوريين عندة مشاكل فى مقابل ان موديل واحد عند مصنع واحد من اصل 7 صينى معندوش مشاكل...
MMamdouh
الناس فاكرة انها لما تجيب 200 فى خط مستقيم كدة يبقى العربية ثابتة... منا ممكن اجيب الاوتوبيس النهرى و اجرى بيه 200 فى خط مستقيم... مش قصة يعنى
الثبات هو القدرة على المناورة و الثبات فى الملفات... يعنى تختار ملف قاسى معروف و تقوللى عربيتك بتاخدة على سرعة كام و عربيتى باتخدة على سرعة كام... دة فرق ثبات
MMamdouh