فيكترا سى عربيه محترمه جداااا عن 5 سنوات تجربه
قطع غيار معمرة
الزنيون الاصلى رائع
العيوب الريش بتاعت التكييف الموبينه وسبرتينة التكيف
عرض للطباعة
فيكترا سى عربيه محترمه جداااا عن 5 سنوات تجربه
قطع غيار معمرة
الزنيون الاصلى رائع
العيوب الريش بتاعت التكييف الموبينه وسبرتينة التكيف
عربيتي حبيبي الفيكترا؛ فكرتني بيها وحشتني ركوبتها وسواقتها والله برغم إني راكب هنا في الرياض سوناتا هاي لاين ٢٠١٢ الشكل الأخير والمفروض إنها فئة أعلي وموتور ٢٤٠٠سي سي لكن عمري ماحسيت إنها أحسن من الفيكترا ٢٠٠٨ أم موتور ١٦٠٠سي سي سبحان الله!!!
فعلاً الألماني لايعلي عليه في العربيات عن تجربة،
ربنا يباركلك ووالدك في عربيتكم وكمان في عربيتي وكل عربيات الزملاء إن شاء الله
تقرير جميل وربنا يباركلك فيها..
هو ايه افضل طريقه لسواقة الايزي ترونك علشان انا بجد كارهوا عمى
ياريت تجاوب علي الكام سؤال دول..
في الاغلب بتسوقها مانوال والا اتوماتيك؟
بتقلب من مانوال لاتوماتك والعكس كتير ولا لما بتبدأ بحاجه بتكمل بيها..وبتقلب على سرعات عادي؟؟
لما تكون ماشي مانيوال وماشي بسرعه وقررت تهدي بتنزل بالفتيس ولا بتسيبه ينزل لوحده؟؟
في الزحمة مبتخلكش تحس انك هترجع؟
غيرت اسطوانه وديسك علي كام الف؟؟
في الاغلب بسوقها اوتوماتك لأن معظم طريقي سالك لكن في الزحمة مانيوال و خصوصا لو ماشي بالراحة شوية بسيبها على التاني عشان متنزلش للاولاني فتحصل الهبدة الرخمة دي و بحاول اقلل موضوع النتش ده اني اخلي رجلي ثابتة و عموما من التعود بتبقى عارف الفتيس هينقل امتى فبتخف رجلك من على البنزين سنة بسيطة عشان متحسش بالنقل
مش بقلب بينهم كثير بصراحة نادرا لما بخليها مانيوال لأن مش كل الطريقي زحمة لكن لو زحمة بخليها مانيوال على طول .
لو في ملفات شديدة زي طريق الغردقة اللي هى الحتة اللي قبل بورتو سخنة اللي فيها فردة واحدة والدي بياخدها مانيوال عشان يبقى متحكم اكثر لكن لو طريق طوالي بسيبه ينزل لوحده
في الزحمة لو مانيوال و رجلك مظبوطة مش هتحس بترجيع او رخامة و بيني و بينك اتعودت عليه خلاص و بصراحة الفتيس ده رحمة و اخر حلاوة بالنسبة لبتاع الكورولا ال mmt و من الاخر الايزي ترونك عايز سوفتوير مظبوطة دي اللي عملها استاذ احمد عاشور .
غيرت طقم الدبرياج عند 105 الف + قواعد الفتيس و من الاخر لو حاسس ان في خبط و خشونة و العربية اتهزت و انت بتنقل على R او بترجع لل N يبقى لازم تظبط كمبيوتر و تكشف على القواعد و الطقم الدبرياج لأنهم كانو متفرتكين عندي و هنزلك صورة للقاعدة عندي كانت عاملة ازاي دي كانت متقطعة
http://nileup.com/up/uploads/nilemotors_13916929402.jpg
http://nileup.com/up/uploads/nilemotors_13916932281.jpg
تسلم ايدك..الف شكر على المعلومات..
انا معنديش هبد الحمدلله..
بس اسخف حاجه بتكرهني في العربيه لما اتزنق في زحمة..
التوكيل قلي قبل كده ان المشي الاتوماتيك عليها على طول بيهلك ديسك واسطوانه..واستهلاكه عالي..
فنا الصراحه كنت بمشي عليها مانوال اغلب الوقت..وممكم اقلب اتوماتيك وانا ماشي علي اي سرعه..خصوصا لو جالي تلفون وعاوز ارد غمش عارف ده صح ولا غلط..
ربنا يسترها بقى
الف شكر مره تانيه: )
مفيش مشاكل لو مشيت اوتو في الزحمة انت مش بتتكلم في التليفون على طول و بعدين ده في الزحمة يدوبك اول و ممكن تجيب ثاني بس قليل لكن في معظم الوقت انا ووالدي بنمشي اوتو معظم الوقت هما اكيد مش عاملين الاوتو كده من فراغ عشان يبوظ العربية لكن المانيوال افضلها و بالذات في الزحمة لكن متسوقهاش على طول مانيوال انا و والدي بنسوقها 90 % او 93 % اوتو و الباقي مانيوال اللي هما ال 10 او ال 7 % متقلقش اهم حاجة يبقى الزيت كويس و الدبرياج و القواعد و ان شاء الله يعييش معاك في عربيات ماشية اكثر من 200 الف و مفهاش مشاكل فأنت حاول تستفيد بمميزات الفتيس ده و تتغاضى عن عيوبه يعني لو راكب اوتو عادي مش هيبقى السحب حلو كده و لا هتلاقي ال rpm نط مرة واحدة اه و الله سعات بخليها مانيوال و دوس و شوف العربية بتتعفرت ازاي بعد ال 2800 rpm يدوبك اسقط نقلة او اتنين الاقي كل العربيات ورايا او طالع من مطب هتقلي دايس عليها اقلك لا لأني بخاف ادوس بيها لأن الدركسيون بيتأل و مش هتعرف تسيطر على العربية عرفت معنى ان الفتيس بيخلي الموتور عصبي و ده مش مني لوحدي ده ناس جربته و قالتلي الفتيس ده عايز يجريك و ما كانوش مقتنعين ان العربية دي كده و فاكرنها تقيلة .
تقرير كنت انتظره من فترة طويلة لأني من اشد اشد المعجبين بالعربية دي وكانت في فترة من الفترات عربية أحلامي وما زلت بشوفها افضل من كل فئتها سواء اوروبي او ياباني ولما ركبتها كام مرة (كانت التوبلاين كمان) حسيت ان الفانتازيا متجيش جنبها حاجة...
تسلم ايدك على المجهود ده وربنا يباركلك فيها...
تقرير رائع و ربنا يباركلك فيها و يكفيك شرها
ماشاء الله تبارك الله
سياره محترمه جدا... بس ايه موضوع تكيفها اقوي من السيارات اليابانيه دي
ياريت توريهلنا من جوا وتورينا الاوبشن الداخلي
الاوبل فعلا اعلى من السكودا..
الاسكودا في مصر بس سوقها حلو لكن في اوربا مش اوي ..