أستشارة اجتماعية ف مجال العربيات
أبن عمتي خريج خدمة اجتماعية و شغال ف مدرسة و لسه متجوز جديد و مراته حامل ..
معاه موتوسيكل مش فاكر نوعة ايه المهم تمنه مستعمل دلوقتي 5000 جنيه
هيموت و يجيب عربية مع ان دخله مش قد كدا و الحالة المادية عموما علي قدها شوية
المهم في واحد بتاع موتوسيكلات معاه فيات 127 موديل 82 رقم كارتيرا . و راشه حوض
بس لسه مشدوده .. الراجل عرض عليه انه ياخد الموتوسيكل و يدفع فرق 5 ونص
تبقي العربية واقفه ب 10 و نص ( دا طبعا بعد فصال من 13 ألف لحد السعر دا )
و ف نفس الوقت قدامي عربية 127 موديل 87 فابريكة دواخل و حالتها كويسه ( علي كلام ميكانيكي صاحبي ) ب 13 ألف و لسه السعر هيتهز
هو هيتجنن و يجيب اللي هي بتاعه الراجل بتاع الموتوسيكلات
انا نصحته كتير و خصوصا انه أصلا مش محتاج عربية و أحتمال كبير ميقدرش يصرف عليها
و مشاويره بسيطه جدا و معاه موتوسيكل موديل حديث
أفيدوني .. أعمل ايه