الموضوع: ذكريات من زمن فات

ههههههههههه

ههههههههههههههههههه

اضحك الله سنك

المشاركة الأصلية كتبت بواسطة mahmoudysf

السلام عليكم

مش عارف ليه في وسط الهم والاوضاع النيلة اللي عايشنها دي
افتكرت موضوع بقاله فوق 30 سنة وقعدت اضحك عليه
مرة وانا في اولى او تانية ابتدائي مش متذكر بالضبط
واحدة قريتنا كبيرة في السن قالت لوالدتي عايزة محمود ييجي معايا المستشفى عشان متعلم
ويقرالي ارقام الاتوبيسات وكان فيه حد كاتبلها ارقام الاتوبيسات اللي بتروح التحرير
المهم روحتلها وخرجنا ووصلنا المحطة
وكل ما اتوبيس يعدي تقولي كام ده يابني
انا 4212
يعدي واحد تاني كام ده يابني
انا 5345
التالت كام ده يابني
انا 6120
وهكذا وقفنا 3 ساعات
وفي الاخر سالت واحد واقف هو يابني الاتوبيسات اللي في الورقة دي مش هتعدي النهاردة
قالها لا يا حاجة دا كل اتوبيس عدى منه يجي 5
امال انا كنت بعمل ايه
كنت بقرا الارقام اللي بتبقى مكتوبة جنب الاتوبيس زي نمرته كدة وملهاش علاقة برقمه ههههههههههههه
قالتي الله يخربيتك هههههههههه امال ارقام ايه اللي عمال تقولي عليها من الصبح دي هههههه

وانا ااقولها والله العظيم ده اللي مكتوب على الاتوبيس هههههههه

المهم ربنا سهل ورحنا للدكتور
الدكتور ده كان اسمه الشخشيري
تقريبا ما كانش مصري
تخش عيادته تحس انك داخل معمل ابو عبد المنعم مدبولي في فيلم طقية الاخفة
تراب مالي كل مكان وكتب قديمة على الكراسي والارض وازايز مليانة سوائل
وكان مشهور ان كل اللي بيروحله بيديله شربه
وكان قاطع ازازة زيت كدة وبيدي الناس الشربه فيها
اول ما دخلنا الست دي حاولت ترودهالي هههههههههه
قالتله الواد ده خاسس وشكله اصفر وانا لا انا كويس هي اسكت انت مش عارف حاجة
راح معبي في ربع الازازة دي شربه وقالي خد اشرب هههههههههههههههههه
وانا لا انا مش عيان دي هي اللي هتكشف وهي اسكت واشرب هههههههه
وراح ماسك حقنه وقالي هتشرب الشربة ولا تاخد الحقنة ههههههههه
والاخر شربت الشربه هههههههههههههه
ومن ساعتها اي اتوبيس يعدي لازم اركز في رقمه كام هههههههههههه