الموضوع: عايز اشترى شنطة لاب توب وعده فى نفس الوقت

السلام عليكم
انا مهندس صيانه
وشغلى بيتطلب انى انزل اوردرات ومعايا اللاب بتاعى + شنطة dvd + العده بتاعتى مفكات وافوميتر وما شابه
الشنطه اللى معايا عباره عن 3 سوسته
الاولى بحط فيها اللاب والتانيه شنطة ال dvd والهاردات والثالثه العده
الشنطه ميزتها انها بتتكبر وتتصغر (اقدر ازود عرضها)
وطبعا هيه قماش

قلبت الدنيا على شنطه بالمواصفات اللى معايا مش لاقى
الشنطه اللى معايا ما شاء الله - تقريبا بهدلة 10 سنين
عايز حاجه فى نفس قوتها ومتانتها - والاهم تكون بنفس المواصفات
نزلت راديو شاك وكمبيوتر شوب ودارى - للأسف مفيش
حد عنده اى اقتراحات وياريت بالتفصيل الممل