الموضوع: أوبل فيكترا إيزى ترونيك

مراكز الصيانة.. صعب تعمل حاجة برة التوكيل.
هيجيلك قلب..؟؟ :) :)
التوكيلات في القاهرة مقار و منصور ليه فرعين و اوتوماستر و ده معتمد من منصور..
و ممكن يكون في غيره معتمدين.. برضه
اسعار قطع الغيار محدش عارف عشان محدش لسة اشتري حاجة من برة..
ممكن تشوف لينك قطع غيار الاوبل الجديد و تكلم محلات القطع الغيار و تسأل

نيجي بقي للإيزي ترونيك..
هو فتيس من جوة مانيوال بس بينقل بطريقة اوتوماتيك..
هتحس انه بياخد وقت شوية و هو بينقل.. زي ما يكون عربية مانيوال و بتنقل.. شوف بتاخد وقت قد ايه.. كسر م الثانية بس بتحس بيه مش زي الاوتوماتيك العادي..
و الاحساس ده بيقل لما تنزل ابديت من التوكيل للبرنامج بتاع الاي سي يو.. و بتقلل الشيفتينج افكت..
اللي هو الاحساس بالنقلة.. بس..
لكن هو كميكانيكا معمر جدا.. و لحد دلوقتي مفيش شكاوي منه كميكانيكا برة ولا هنا.. (علي حد علمي يعني)
بس لو ناوي جربها الاول و توكل علي الله..مش هتندم..

محمد باشا..
اوية كده حطنا في خساباتك..
ولو حتي مرة ف الاسبوع كده تيجي تبص بصة و تقولنا رأيك..
عشان معظمنا هنا خبراتنا شخصية.. مش عملية ..
تجارب مش شغل عملناه بادينا..
و عم فادي منفض و مش فاضي ييجي خالص..
عمل الاكاونت و نام علي كده.. :) :)
بس كويس انك جيت.. والله هتدي ركن اوبل تقل جامد جدا..
تسلم ايدك يا باشا..