تصحيح للمعلومة علشان انا قريت الكلام دة فى الجرايد والكلام دة مش صحيح دة شغل صحافة
الصحيح ان فعلا الحادثة دى حصلت بس اللى مش صحيح انها غلطة المهندس
الطائرة كانت بيتعملها صيانة وكانت وقت الحادثة بتتنقل من الهنجر لموقعها عند مبنى الركاب استعدادا للرحلة , الطائرة بتتقطر بواسطة معدة اسمها push back , المشكلة اللى حصلت ان سواق ال push back نام او سرح او حصلة اللى حصلة فا خبط الطائرة فى ال gate
ال push back اللى قطر الطائرة دى نوع اسمة عقرب بيبقى لية دراعين زى العقرب بيلفوا حوالين عجلة الطائرة الامامية nose landing gear وبيسحبها ناحيتة وبتترفع على الpush back يعنى المهندس اللى فى الكابينة ملهوش اى تحكم فى اتجاهات الطائرة فى النوع دة اقصى حاجة ممكن يعملها فى الطوارئ يفرمل الطائرة وفى النوع دة من ال push back لو المهندس عمل كدة كان هيفصل ال nose landing gear من جسم الطائرة وهتقع (فى نوع تانى من ال push back فية torque limiter بحيث لو حصل اى حاجة والمهندس فرمل الطائرة فى pin هيتكسر ويفصل الجرار من الطائرة وخلاص , النوع دة مفهوش الكلام دة)
يعنى دى غلطة السواق وغلطة ال follow me اللى ماشى وراة الجرار مش غلطة المهندس .. المهندس عمل الصح لأن لو كان فرمل كانت الطائرة هتقع
المفضلات