الحمد لله رب العالمين ... فرق الموت من الحياه لحظه

الحمد لله .. ربنا نجانى بفضله وكرمه فقط دون أى تدخل منى

كنت رايح مشوار ومعايا واحد شغال معايا ... طريق اسفلت عادى رايح جاى وياخد عربيتين كويس بس للأسف على الجنبين عواميد كهربا ضغط عالى على الجنبين
ماشى فى أمان الله ومقابلنى عربيه دبابه ومحمله موز وبيجرى ... مش عارف حصل له إيه خلاه يلم الدركسيون على الشمال فجأه .. فى إتجاهى يعنى
طبعا الغرزه دى مع الحموله العاليه خلت العربيه تميل جامد ناحيتى وخلاص بقى بينى وبينه خمسين متر .. طبعا الحموله وقعت كلها قدامى والعربيه جايه عليا ... لم الدركسيون الناحيه التانيه ... وعربيته اتقلبت على جنبها وبعدين على ضهرها وكل ده الحمد لله فى يمينه هو .. العربيه رجعت تانى اتعدلت بعد القلبتين دول وقامت حاضنه عمود الكهربا بالوش
كل اللى حصل ده كان فى ثانيتين ... طبعا نزلت انا والراجل اللى معايا جرى ... طلعنا الاتنين من العربيه وكان وقف ولاد حلال اخدوهم على المستشفى .. والحمد لله سألت عليهم قالوا كويسين
طبعا العربيه الدبابه مش نافعه تانى من منظرها .. حاجه ربنا ما يكتبها على حد يا رب
انا الحمد لله كان من نصيبى الموز اللى على الطريق ... على ما لحقت افرمل كنت اخدت بتاع ٥ سبايط موز بالإكسدام وفى بطن العربيه
يعتبر عندى الحمد لله مافيش خساير .. الفبره بتاعه الاكسدام اللى تحت اتخلعت وخلاص .. من قوه الصدمات بتاعه الموز
انما انا بصراحه من ساعتها وانا فى دنيا تانيه ... مذهول .. لان ده كله حصل فى لمح البصر ... ولولا فضل الله كان ممكن العربيه تقابلنى فى سكتى بدل الناحيه التانيه
خلوا بالكوا يا اخوانا .. انا من ساعتها وكل عربيه تكون مقابلانى بحس بنفس الاحساس

ربنا يسترها معاكوا ومعانا يا رب العالمين

المهم اخدتلك شوية موز للعيال ولا ايه ؟ ههههههههههههههههههههه

الحمد لله على سلامتك يا برنس بس المهم تجيب سباطة من اللي عندك :))))))))))

لازم تطلع حاجة للة
والف سلامة عليك انت وصاحبك

حمدللة علي السلامة

حمد الله على سلامتك و ربنا يبعد عننا خطر الطرق

حمد الله على السلامة
الموز كان اخضر طبعا ........
ياعم ادعى و استغفر و تصدق باللى تقدر عليه - اللى شفته ده عبره للجميع ..
الف جمد الله على السلامة..

الحمد لله يا h ..... ودائما نقول الحمد لله اللذى تتم بنعمته الصالحات

الحمد لله على سلامتك يا هشام وربنا يكون في عون سواق الدبابة

Sent from my HTC

حمد الله على سلامتك وربنا يشفى بتاع الدبابه ويقوم بالسلامه ان شاء الله

الحمد لله على سلامتك وفعلا اي حاجة بتحصل في لمح البصر وفي الأول والآخر الواحد ماشي بستر ربنا.

حمد لله على سلامتك

الحمد لله علي سلامتك

ربنا يسترها معانا جميعا وشكرا لجميع الزملاء الأعزاء

الف حمد الله علي السلامه والحمد لله انها جت علي قد كده

الحمد لله الذى نجاك ونجى من معك واللى فى الدبابة
اشكر الله كثيرا على ماحدث واحمده
وربنا يسترها معاك ومع المسلمين دنيا واخرة يارب

حمدلله على سلامتك واسأل الله العظيم رب العرش الكريم ان يحفظنا ويرحمنا ويا اخى تصدق بالى تقدر عليه

حمدا لله على سلامتك
وهذه تذكرة لنا جميعا لنستعد من الآن لمقابلة رب العالمين
في لحظة واحدة قد لا نعود بعدها لبيوتنا
وقانا الله واياكم شر حوادث الطرق التي اصبحت خطرا محدقا بنا في كل لحظة
والحمد لله رب العالمين

دا تفسير عملى للجمله العظيمه ( ستر ربنا) حمدالله على سلامة حضرتك :ask:

قل لن يصيبنا الا ما كتب الله لنا وحمدلله على سلامتك

والله يا اتش انا دخلت الموضوع مخضوض جدا لما شفت انك اللى كاتبه ..
ولما قريت اول سطرين ووصلت ان الحموله وقعت غمضت وسرحت وانا باتخيل الموقف وافتكرت مواقف مشابهه حصلتلى ونفدت باعجوبه ووالله ربنا بيسترها ..ورجعت كملت الموضوع تانى بعد حوالى دقيقه من الخيالات الصعبه .. بس الحمد لله اطمنت لما كملت قرايه ..
بجد الف حمدلله على سلامتك ... وربنا يعافينا جميعا من الحوادث و يسلمنا منها ,,

حمدلله على سﻻمتك

الحمد لله على سلامتك
وربنا يجيبها من عنده زينه ان شاء الله

حمدالله علي السلامه وقدر ولطف كويس انها جت علي قد كده وربنا يسترها معانا كلنا

حمدا لله على سلامتك

الحمد لله على السلامة

حمد الله على سلامتك يا باشا

الف حمد الله علي سلامتك

قدر الله و ماشاء فعل و حمدالله ع السلامه يا هشام باشا, اهم حاجه عدت علي خير

حمد الله على سلامتك
وربنا يستر علينا جميعاً

حمدالله على سلامتك يا h وربنا يحفظنا جميعا من كل مكروه

الحمد لله على كل شئ
ربنا ينجيك دايما من كل سوء

الف حمدا لله علي سلامتك لا ارانا الله فيك مكروها ولا حول ولا قوة إلا بالله العلي السميع القدير

قدر الله وماشاء فعل
الف حمدلله على سلامتك يا أ/ هشام
والحمدلله ان ربنا نجاك
والله معرفت غير دلوقتى لانى كنت مشغول ومكنتش بدخل فى المنتدى
والحمدلله على كل حال وربنا يسترها معانا كلنا اللهم امين