الموضوع: شوية تعديلات عملتها على الشارك

السلام عليكم
انا عملت شوية حاجات فى اللانسر شارك بتاعتى وهى موديل 2012 الفئة الثالثة وحبيت اخد رأيكو فيها :

أولا : اول حاجة عملتها اول ما جبت العربية من سنة ونصف تقريبا حطيت سيليكون عضم فى التجويف اللى امام العجلة الخلفية ( طبعا امام العجلتين) واللى دائما بيبقى فيه طينة وده علشان ماتعملش بارومة طبعا .

ثانيا : ثانى حاجة عملتها عملت فرش جلد اسود تقريبا شبة الطبيعى وخامته حلوة جدا كلفتنى تقريبا بالارضية جلد ايضا حوالى 1400 جنيه وده لان العربية لونها اسود من الداخل وفيرانى من الخارج .

ثالثا : شلت السى دى البيلت بتاعها وجبت واحد اخر بشاشة 8 بوصة فيه طبعا مميزات كثيرة فيديو وام بى ثرى وجى بى اس وبلوتوث ويو اس بى لفلاشة ووصلة ايفون كمان وكاميرا خلفية واللى عاجبنى فيه من ناحية الذوق العام ان الاضاءة بتاعته نفس اضاءه العربية من الداخل زى إضاءة التكييف وطبعا الكاميرا ميزتها كبيرة جدا وده كلفنى حوالى 3500 جنيه وضفت شاشة خلفية بحوالى 600 متصلة بالجهاز وممكن تشغلها لوحدها كمان بفلاشة وتعرض على الجهاز الامامى يعنى الاثنين متصلين ببعض وممكن تشغل من اي منهما ويعرض على الاخر .

رابعا :ركبت زينون من عند ارابكوم بتاع مدينة نصر كورى ضمان سنة كلفنى تقريبا 700 جنيه ( النور الواطى فقط) زى ما بينزل اوريجنال فى العربية وعرفت ان الفوجات بتتعمل بحوالى 500 جنيه بس انا مش عملتها .

خامسا : انا عندى العربية اسود من الداخل وفيها ابنوس لونه بنى ومكنش عاجبنى خالص وطبعا هو مش ابنوس خشب زى بتاع البى ام والمرسيدس ده بلاستيك ومرشوش هذه اللون .. المهم وانا بتفرج على شوية فيديوهات للعربيات على اليوتيوب لقيت اغلب العربيات اللى لونها اسود من الداخل بتبقى مطعمة باللون الفضى وده اشيك بكتير اما الابنوس البنى فده بيليق اكتر مع الفرش البيج فخلعت المسطرة اللى فى منتصف التابوله وانا عارف طبعا طريقه فكها وهى سهلة جدا جدا وغطتها عند واحد كويس جدا جدا باستيكر فضى مط وعملت الابنوس اللى فى الابواب برضو بس من غير ما افكه علشان ده علشان افكه لازم افك فرش الباب .

سادسا : عملت الحتة اللى بتتحط عليها النمرة الامامية اسود (استيكر) مط بيخلى العربية جميلة زى الايفيليوشن .



ودى صورة للسيارة من الداخل :








عايز رأيكو بس انا اسف انى مش صورتها من الخارج .

نسيت اقولكو على حاجة حلوة جدا .. فى اى اون زا رن او اى ماركت هتلاقى زجاجة صفرا اسمها فورميولا ودى جامدة جد اجدا جدا جدا جدا جدا جدا دى بتنظف وتدى لمعة الفابريكة للعربية من الداخل وبتحمى الفايبر كمان يعنى بتعمل 3 حاجات عن تجربة بتنظف وتلمع وتحمى كمان .... وهى من اجمد المنتجات وسعرها تقريبا 30 جنيها وعلى فكرة مش بتلمع زى الملمعات الاخرى ولكن بتدى بريق الفابركة ودى اللى عجبنى فيها جدا وبتنفع قوى مع الفرش الاسود بس مش يتعمل بيها الكراسى الجلد ... الكراسى الجلد تتمسح او تتغسل بشوية مياه وشامبو سيارات .

مشاء الله جميله
كلفتك كام شغل التابلوه الاستيكر وياريت عنوان الراجل الصراحه شغله نضيف جدا ومحتاج اعمل عنده شويه حجات

المشاركة الأصلية كتبت بواسطة starlanos

مشاء الله جميله
كلفتك كام شغل التابلوه الاستيكر وياريت عنوان الراجل الصراحه شغله نضيف جدا ومحتاج اعمل عنده شويه حجات

الحقيقة كلفتنى حوالى 70 جنيه بس عند واحد كويس جدا جدا بيخاف على العربية يمكن اكتر من صاحبها وبياخد باله جيدا وهو شغال علشان مش يعمل اى خربوش حتى ولو صغير والحمد لله طلعت كويسة بس الحقيقة هو عندى وانا ساكن فى ضواحى القاهرة فأعتقد انه هيبقى بعيد عن حضرتك شوية

المشاركة الأصلية كتبت بواسطة heka_m_y

الحقيقة كلفتنى حوالى 70 جنيه بس عند واحد كويس جدا جدا بيخاف على العربية يمكن اكتر من صاحبها وبياخد باله جيدا وهو شغال علشان مش يعمل اى خربوش حتى ولو صغير والحمد لله طلعت كويسة بس الحقيقة هو عندى وانا ساكن فى ضواحى القاهرة فأعتقد انه هيبقى بعيد عن حضرتك شوية

شكرا لردد بس ادام شغله نضيف ارحله مش هتفرق ياريت العنوان بالتفصيل

المشاركة الأصلية كتبت بواسطة abohend

تحفة ما شاء الله
أكتر حاجة عاجباني الكاسيت...بس ميعملكش مشكلة فالضمان؟؟؟
أنا نفسي أركب واحد زيه فالبيجو ال301 بس مقلق عشان الضمان
إشتريته من الخارج و لا من على النت و لا منين بالضبط
و مين ركبوه التوكيل و لا كهربائي بره؟؟؟
ألف مبروك

انا ركبته عند شركة محترمة جدا جدا جدا جدا جدا اسمها فيديو باص موجوده فى مدينة نصر امام سور نادى السكة والناس اللى هناك متخصصون جدا جدا فى تكنولوجيا الفيديو والصوت وهما حتى اللى بيركبوا الشاشات فى العربيات البيريليانس وهى زيرو قبل ما تتباع ولكن فتحوا فرع تانى جامد جدا فى ميدان تيريمف بمصر الجديدة واتنقل للفرع ده المهندسين اللى بثق فيهم جدا جدا جدا وشغلهم فابريكة .

بالنسبة للضمان انا ركبته وروحت التوكيل ولا فى اى شىء وعادى جدا مافيش اى مشاكل والعربية فى الضمات عادى .