تسريب مياه التبريد فورد فيستا 2000

**ahmedk7** · 07-02-2014 04:11 PM

السلام عليكم

انا كان عندى العربية سربت مياه التبريد و زودت و سربت تانى انا لقيت المكان فى الخرطوم الكبير غيرتله الافيس(الصورة الاولى) دلوقتى لقيت المياه تحت العربية من نص المتور فى البنزينه الراجل قالى دى ممكن تكون طرمبة مية هل ممكن برده يكون الخرطوم اللى رايح للطرمبة او كده هو دلوقتى التسريب شاكلو بينقط بس قليل لأن القربة لسة فيها بس عند الmax و انا كنت ماليها على الاخر و هل طرمبة المية دى غالية؟

انا مصور كام صورة لو حد ممكن يفيدنى
شكرا

**bassam nagy** · 07-02-2014 06:18 PM

لية واحد صحبى لسة جايبها معاة موديل 2001 فيستا
الطرمبه التركى 190 جنية والاوربى 330 جنية
بس الطرمبة ناحية الكاتينة وسير الادارة مش ناحية البطارية

**ahmedk7** · 09-02-2014 04:10 PM

السلام عليكم

الميكانيكى قالى ممكن يكون الكوع بتاع المية الى تحت الدينامو و انا مش عارف شاكلو ايه عشان اجيب زايو عشان محدش عارف شكلو هل ممكن حد يجيلاى صورته؟

شكرا

**bassam nagy** · 09-02-2014 05:25 PM

احسن حاجة تفك الكوعة وتجيب زيهاا بس تتاكد انوا منها التسريب

**himabmw** · 11-02-2014 08:50 PM

بالفعل هيا كوعة المية وعلى فكرة الكوعة دى مشتركة فى اكتر من عربية فى الفوكاس وان ومونديو ٩٨ والفيستا ٢٠٠٠

**himabmw** · 11-02-2014 08:52 PM

وبسهولة جدا تجيبها سواء استيراد او جديدة وانصحك تجيب بتاعت المونديو افضلهم ومعمرة فى الوقت ومبسربش ابدا وتعمل حوالى ٤٥٠ بالصوابع بتاعت الحرارة والمراوح

**ahmedk7** · 12-02-2014 01:47 PM

المشاركة الأصلية كتبت بواسطة himabmw

بالفعل هيا كوعة المية وعلى فكرة الكوعة دى مشتركة فى اكتر من عربية فى الفوكاس وان ومونديو ٩٨ والفيستا ٢٠٠٠

المشاركة الأصلية كتبت بواسطة himabmw

وبسهولة جدا تجيبها سواء استيراد او جديدة وانصحك تجيب بتاعت المونديو افضلهم ومعمرة فى الوقت ومبسربش ابدا وتعمل حوالى ٤٥٠ بالصوابع بتاعت الحرارة والمراوح

شكرا لردك

دلوقتى انا سألت عليها الميكانيكى قالى دى فيبر مش الكاوتش لقيتها بس الراجل بيقولى هى الومنيا ,انهى واحدة الاصلية هو قالى الالومنيا الى عندى دى ب 360 هى دى الفبريكا؟

سؤال تانى معلش

هل ده كده مش طرمبة مية؟

شكرا

**bassam nagy** · 12-02-2014 03:04 PM

لا مش طرمبةالطرمبة صحبى قالى عشان يغير الطرمبة الميكانيكى فك الدينامو وسير الادارة وسير الكاتينة وقاعدة الموتور العلوية
لو الجنب دة يبقى الطرمبة لو الجنب الية ناحية البطارية مش طرمبة

**himabmw** · 12-02-2014 11:02 PM

الصور مبينةكويس جدا جدا انها مش طرمبة زى ما الاخ العزيز بسام قالك وبعدين ياريت تقولنا مين اللى قالك انها الومنيوم وياريت تعرفنا اذا كان فى الومنيوم وهى لو فى كدة هتبقى معمرة جدا

**himabmw** · 12-02-2014 11:08 PM

الفبريقة اعتقد من الصعب تبقى الومنيوم انا عمرى ماشوفت قطعة غيار الومنيوم غير فى النقل التقيل والمعدات زى المان والكاتر بيلر لكن سيارت وكدة لم اسمع عن قطع الومنيوم لانها لوموجودة هاتركبها ومستحيل تبوظ تانى الا لو باظت لا قدر الله فى خبطة وهذا مالزم بيانه ولكم جزيل الشكر