مساعده

**هانى القناوى** · 07-02-2014 07:45 PM

هحاول اختصر على قدر المستطاااع
كنت بدور على عربيه اشتريها ليا شهوووور كتيره وماكنتش اعرف معلومات كتيره والحمد لله توصلت الى المنتدى ده وبدات رحله البحث والمعرفه فى عالم السيارات
بدات بالبحث والاستفسار عن عربيه مرسيدس زلموكه E200 موديل اواخر 1994
بدات اعرف قصه العربيه وخصوصا المرسيدس بوجه عام ثم تطور الامر ودخلت فى فئه اعلى اللى هى العيون وبدات رحله بحث عن العيون ( فئه E200 ) من 1996 الى اوائل 2000
وبعدها دخلت على فئه ال C سواء ال 180 او ال200
طبعا عرفت بعض الايجابيات والسلبيات فى كل عربيه الى حد ما ( مش بطااال )
فجاه لاقيت ان المبلغ اللى هايدفع مش قليل على عربيه مهما كانت اسمها مستعمل وليها اكتر من 15 سنه
دور على الزيرو لاقيت عربيات كتيره بس مش ماليه عينى شويه (كورولا + اوبل استر + اسكودا +فلوانس + سيراتوا + النترا +بيجو 301 الخ الخ )
وفى الاخر
وصلت الى BMW
بس انا لا افقه شئ عنها حاولت اقرا المواضيع اللى هنا يدوب عرف حاجات بسيطه
زى لو العربيه مثلا 316 دى تبقى الفئه التالته و مكنه 1600
لو 520 دى تبقى الفئه الخامسه مكنه 2000 سى سى

المطلوب

عربيه عائليه 5 افراد واسعه
اعتماديه اعطال قليله ثبات امان مريحه فى القياده عفشه مش بتهبط زى العربيات الكورى واليابانى خامات وصاج وتاكيف وتقفيل محترم جدا
قطع الغيار متوفره ومعمره وسعرها معقوووول
عربيه شكلها حلو وقور وفخم وليه هيبه
الامور دى بعد مادخلت عالم السيارات اكتشفت انها متوفره فى السيارات الالمانى علشان كده جبتها من المرسيدس لحد ماوصلت لل BMW

فا ياريت لو حد يشرحلى ويقولى افضل اختيار فى BMW ويرشحهالى ويشرحلى كل حاجه عن العربيه اللى هايرشحااا
انا اتفرجت على كام نوع منها مثلا 520i موديل 2002
بس مش عارف اى حاجه
ياريت اللى يرشح نوع معين ويفهمنى العربيه من المسمار

(حدود السعر حوالى 150 الف ج م )
معلشى كلامى وشرحى كان كتير بس علشان تكونوا فى الصوره معايا
ومتشكر لحضراتكم

**kokowasfy** · 07-02-2014 09:55 PM

اية رئيك فى فانتازية 2010 وانت طالع فيها كل الى تتمناة و خصوصا انك عائلة و المانى و ثابتة و خمات عالية الجودة واعتمادية مجرد راى و سيبك من القديم ثمنينات و اوائل الافينات فى البى ام و المرسيدس العربيات دى بتبقا ملعوب فيها جامد جدا و ممكن تلقى العربية عليها شعار مرسيدس بس مغيرة كل حاجة فيها ليها عللاقة برمسيسدس خليك فى الجديد

**هانى القناوى** · 07-02-2014 10:14 PM

المشاركة الأصلية كتبت بواسطة kokowasfy

اية رئيك فى فانتازية 2010 وانت طالع فيها كل الى تتمناة و خصوصا انك عائلة و المانى و ثابتة و خمات عالية الجودة واعتمادية مجرد راى و سيبك من القديم ثمنينات و اوائل الافينات فى البى ام و المرسيدس العربيات دى بتبقا ملعوب فيها جامد جدا و ممكن تلقى العربية عليها شعار مرسيدس بس مغيرة كل حاجة فيها ليها عللاقة برمسيسدس خليك فى الجديد

شكرا يا باشا على مداخلتك
انا معاك فى موضوع القديم وانها ممكن بيكون فيها لعب بس دلوقتى فيه توكيلات بتكشف كويس على العربيه
طيب بالنسبه لمشكله الفيتيس ؟؟
مش عايز ابقى جايب العربيه وحاطط ايدى على قلبى وخايف يحصلها حاجه لقدر الله وادفع اقل واجب 25.000 ج م
الفانتازيا والجيتا فعلا جميله بس اللى يعيبهم الفيتيس
تانى حاجه اعتقد انها 110 حصان ولو تيربو 140 حصان مش فاكر بالظبط
مستنى برضوا مساعده حضرتك وخصوصا انى شايف ان العربيه الاولى لحضرتك مرسيدس ياريت تكلمنى عنهااااا
وشكرا لحضرتك

**محمد اسلام** · 07-02-2014 10:16 PM

ستروين سى اليزية هاى لاين ... فخامة وقوة ( 115 حصان ) وامان ( 2 ايرباج + abs ) وثبات وشكل متميز وواسعه جدا وقطع غيار معمرة ورخيصة وموفرة فى البنزين ... فرنساوى تقفيل اسبانى ... ب 130.000 جنية

**amatboly** · 07-02-2014 10:53 PM

العيون دى اساسا بحس انها مش اللى تتوقعه من مرسيدس حتى سمعت الكلام ده من ناس هنا كتير و برضه المرسيدس ليه هيبته و برستيجه مثلا زلموكة او تمساحة تحس انهم ماشيين بعد 15 سنة لسه العربية من جوه فابريكة

**هانى القناوى** · 07-02-2014 11:48 PM

المشاركة الأصلية كتبت بواسطة محمد اسلام

ستروين سى اليزية هاى لاين ... فخامة وقوة ( 115 حصان ) وامان ( 2 ايرباج + abs ) وثبات وشكل متميز وواسعه جدا وقطع غيار معمرة ورخيصة وموفرة فى البنزين ... فرنساوى تقفيل اسبانى ... ب 130.000 جنية

شكر يا باشا على مشاركتك
هى عربيه ممتازه فى فئتها وكماليتها وسعرها ووسائل الامان اللى فيها
بس ماوصلتشى لدرجه وسائل امان المرسيدس او البى ام او الجيتا او الفانتازيا
وانا سايب العربيه دى والبيجو 301 فى اخر مرحله لو تعب اوووووووى ومعرفتش اوصل للى فى دماغى
ولو عند حضرتك اى معلومه ايا كانت عن البى ام ياريت تقولهالى واكون شاكر لحضرتك

**هانى القناوى** · 07-02-2014 11:54 PM

المشاركة الأصلية كتبت بواسطة amatboly

العيون دى اساسا بحس انها مش اللى تتوقعه من مرسيدس حتى سمعت الكلام ده من ناس هنا كتير و برضه المرسيدس ليه هيبته و برستيجه مثلا زلموكة او تمساحة تحس انهم ماشيين بعد 15 سنة لسه العربية من جوه فابريكة

هى العيون عربيه مش للشد والجرى خصوصا فئه e200 دى للى بيحب يسوق بهدوء وامان
بس برضوا كان قالتلى ان فيه عيوب فى خامات الدهان فى المنتج او التقفيل المصرى من 1998 الى 2000 معرفشى هل ده صح ولا لا
العربيات الالمانى لو ليها 30 سنه شغاله مش بيبان عليها السن او بتعجز بسرعه بدليل هات عربيه زلموكه موديل 1986 وهات عربيه مثلا كورولا ولا النترا موديلات 2012 هتلاقى 2012 عجزت وبان على البدى انها عجوزه على عكس الالمانى
وياريت لو حضرتك تعرف اى معلومه عن البى ام تساعدنى بيها
وشكرا لحضرتك