حصرى : تسارع الكورولا 2014 من 0 الى 210

**miceg** · 08-02-2014 12:41 AM

ربنا يستر عليك طريقك
ويبعد عن كل سوء
كل منكم يقدم الكثير ويخاطر بحياته من أجل إفادة ألاعضاء
لكن بالله عليك لا تكرر فعل هذا
انا عملته قبل كده بالصني وصورته
ولولا ستر ربنا الدنيا كانت بالنهار عرفت اشوف اللي كان قصادي
فلا تخاطر وتهمل في نفسك
تحياتي العطرة

**Mohamed.Hany** · 08-02-2014 01:19 AM

المشاركة الأصلية كتبت بواسطة japrulez

10 sec ?

انا مصور فيديو جبت فيه 0-100 في 9 او 9.5 ثانية

**JapRuleZ** · 08-02-2014 01:46 AM

المشاركة الأصلية كتبت بواسطة psycholain

انا مصور فيديو جبت فيه 0-100 في 9 او 9.5 ثانية

انت كده عديت السيفيك

**M.atef82** · 08-02-2014 01:47 AM

كل الشكر والتقدير لكل الأعضاء اللى كانو قلقانين وخايفين عليه وأنا بصور

بس كله فداكم

أنا كنت بصور الساعة 4 الفجر و كان الطريق شبه فاضى والحمد الله ربنا سترها :)

**Ahmed Khalifa** · 08-02-2014 01:54 AM

برافو فعلا لكن ليا اكتر من كلاجطة اولها ان فى المانيوال درايف انت ليه ما جبتش السابع
كمان لفت نظرى استهلاك البنزين على سرعة 210 و هو 9.3 و ده كعدل منخفص جدا
لاحظت كمان ان العربيه عامله 3700 افتكر انت فتحن الموتور على الالف ولا على الف و خمسميه
انا ابتديت افتح الموتور امبارح على الف و همسميه و مرصتش اقرص عليه فى الاول فجبت 180 على المحور
الى هلانى ماكملش انة لسه ما نزلتش زيت الفبريكهو استهلاك البنزين كان 9.1 و هو رائع
فعلا منطقى جدا ان العربيه تقفل عدادها بس محتاجه طريق اطول و اعتقد افضل طريق هو الوصله بين الزعفرانه و الجونه
تحياتى و نصيحه الجرى مالوش كبير و السرعه دى محتاجه تركيز عالى جدا فخد بالك و ربنا يسترها معاك و معانا

**M.atef82** · 08-02-2014 01:57 AM

المشاركة الأصلية كتبت بواسطة bassem.naguib

بسم الله ما شاء الله .. ربنا يباركلك فيها ويكفيك شرها وشر طريقك .. بس بلاش كدة تاني لو سمحت .. وأفتكر دائماً أن السواقة ملهاش أمان .. وأننا ماشيين على أربع عجلات هوا .

يا ريت تقولنا أخبار الثبات والعزل في السرعة دي كان أيه .. يعني كنت حاسس بأنك ماشي بالسرعة دي فعلاً ولا عادي وقاعد متطمن وواثق في العربية .

تسلم ياباسم باشا . حاضر أوعدك انى ان شاء الله مش هعمل كده تانى بس أنا حبيت بس أفيد الأعضاء مش أكتر . ووالله عندك حق فعلا السواقة ملهاش أمان . أنا كذا مره بسخن فى السواقة بس رنا بيسترها من عنده . الحمد الله.

بالنسبة للعزل فكان شبه ممتاز و الثبات صراحة بعد ال180 حسيت انه قل شوية وكنت طبعا مقلق من السرعة بس فى نفس الوقت كنت واثق طبعا فى العربية عشان ماشاء الله فراملها فوق الممتازة بس كنت حاسس بالسرعة شوية بعد ال180 . بس كتقييم عام للثبات والعزل ممكن اديها جيد جدا

**M.atef82** · 08-02-2014 02:00 AM

المشاركة الأصلية كتبت بواسطة ahmed travco

مجهود رائع اشكرك عليه... وانا شايف الأوتوماتيك احسن (!!!) وحسيت ان المانيوال تسارعه قل جدا بعد الـ160 عكس الأوتوماتيك اللي كان افضل...
سؤال: عرفت تجيب السرعة دي على طريق ايه؟

تسلم ربنا يخليك :)
وأنا برده فعلا شايف ان الأوتاماتيك أحسن فى التسارع بس فى الطلعة المانيوال أحسن

طريق الna التجمع الخامس

**M.atef82** · 08-02-2014 02:12 AM

المشاركة الأصلية كتبت بواسطة Ahmed Khalifa

برافو فعلا لكن ليا اكتر من كلاجطة اولها ان فى المانيوال درايف انت ليه ما جبتش السابع
كمان لفت نظرى استهلاك البنزين على سرعة 210 و هو 9.3 و ده كعدل منخفص جدا
لاحظت كمان ان العربيه عامله 3700 افتكر انت فتحن الموتور على الالف ولا على الف و خمسميه
انا ابتديت افتح الموتور امبارح على الف و همسميه و مرصتش اقرص عليه فى الاول فجبت 180 على المحور
الى هلانى ماكملش انة لسه ما نزلتش زيت الفبريكهو استهلاك البنزين كان 9.1 و هو رائع
فعلا منطقى جدا ان العربيه تقفل عدادها بس محتاجه طريق اطول و اعتقد افضل طريق هو الوصله بين الزعفرانه و الجونه
تحياتى و نصيحه الجرى مالوش كبير و السرعه دى محتاجه تركيز عالى جدا فخد بالك و ربنا يسترها معاك و معانا

ماجيبتش السابع عشان العربية يابوحميد 6 سرعات فقط متهيألى .
لأ الرقم اللى كان مكتوب بتاع استهلاك البنزين ده المتوسط الكلى للعربية مش وأنا بجرى بس . وأنا بجرى هاتلاقيه تحتيه ال Current
لأ أنا فتحت الموتور من أول لما جبتها بعد ال300 كم لأن العربية مش محتاجة تليين وجايه متلينة جاهزة
لأ يامعلم اقرص براحتك . أنت كمان عديت الالف و نص .

وتسلم ياباشا فعلا السرعة ملهاش كبير خالص وقعلا السرعة دى محتاجة تركيز جامد جدا لأن الغلطة بفوره وربنا يسترها علينا كلنا